"bat" (Contén)

Contenda que tivo lugar en Fornelos (Valga) no 968 e na que se enfrontaron as tropas de Sisnando, bispo de Iria, contra os invasores normandos. No trancurso da batalla os normandos deron morte ao bispo e derrotaron as súas tropas.

Combate que tivo lugar á beira do río Garigliano (Italia) o 28 de decembro de 1503 entre o exército aragonés, comandado polo Gran Capitán, e o exército francés. Esta vitoria dos exércitos de Fernando II de Aragón, xunto coa vitoria na Batalla de Cerignola (1503) e a toma de Gaeta (1504), proporcionoulle á coroa aragonesa o control definitivo sobre o Reino de Nápoles.

Combate librado entre os tercios españois e o exército dos Estados Xerais das Provincias Unidas na proximidade da vila de Gembloux o 31 de xaneiro de 1578. A vitoria dos tercios permitiu a Xoán de Austria ocupar Bruxelas e recuperar boa parte do S de Flandres.

Combate que tivo lugar o 13 de xullo de 1558 preto da cidade francesa de Gravelines, departamento do Nord, entre o exército de Filipe II, apoiado pola escuadra inglesa do conde de Egmont, e as tropas francesas, ao mando do duque de Guise. Trala vitoria do exército angloespañol, os franceses víronse obrigados a asinar o Tratado de Cateau-Cambrésis (22.4.1559).

Enfrontamento militar que sostiveron en xullo do 711 as tropas do rei visigodo Rodrigo e o exército musulmán liderado por Tāriq ibn Ziyād. A vitoria musulmá supuxo a fin do reino visigodo e o inicio da ocupación árabe do territorio peninsular. A localización do lugar do combate continúa a ser moi discutida e os historiadores dubidan en situalo entre o río Barbate, a lagoa de La Janda e a beira do río Guadalete.

Tipo de enterramento seléucida, de orixe persa, que consiste nunha torre de planta circular, poligonal ou cadrada, que remata cunha cúpula oculta por un tellado cóncavo. Adoita ter dous pisos ao exterior. Recibe tamén o nome de tarbé.

Xénero de chinches mariñas da familia dos halobátidos. Forma grandes aglomeracións moi lonxe das costas. Atópanse sobre a superficie mariña sen quebrar a película de auga grazas á tensión superficial, para facilitala están provistas dunhas patas rematadas nunha almofadiña de pelos que repelen a auga. Nunca penetran nela nin tan sequera para cazar.

Enfrontamento militar que sostiveron o 14 de outubro de 1066 as tropas do Rei Harold II de Wessex e as de Guillerme II de Normandie. Trala derrota de Harold II, Guillerme proclamouse rei de Inglaterra co nome de Guillerme I de Inglaterra.

Coalición política vasca constituída a partir da denominada Mesa de Alsasua, coalición electoral formada en 1978 polos partidos nacionalistas Asociación Nacionalista Vasca (ANV), Euskal Socialista Biltzarrea (ESB), Partido Socialista Revolucionario Popular (Hasi) e Partido de los Trabajadores Patriotas (Laia). O seu programa electoral baseábase na alternativa KAS (Koordinadora Abertzale Sozialista), que reclamaba a autodeterminación e a unificación con Navarra. Acadou escanos en todas as convocatorias electorais e en Euskadi constituíuse como a terceira forza política. Tralas eleccións de 1996, a coalición foi acusada de colaboración con ETA a consecuencia da emisión dun video electoral elaborado pola banda terrorista, e os membros da Mesa Nacional foron xulgados e condenados a prisión. En 1998 integrouse na coalición Euskal Herritarrok e en 2001 reapareceu como Batasuna, pero en 2003 o Tribunal Supremo ilegalizou as tres formacións, que estaban recollidas na lista de organizacións terroristas...