"Ya" (Contén)

CIDADES

Cidade do distrito de Dacca, Bangladesh, situada ás beiras do río Lakhya, na confluencia co Dhaleswari (276.549 h [1991]). É o principal porto fluvial de Dacca, que conecta cos maiores portos interiores e con Chittagong. Xunto con Dacca forma a principal rexión industrial de Bangladesh, con industria téxtil de xute e algodón. Conserva a fortaleza de Bara Bhaiyas, do s XV, e o templo de Lakshmi Narayan Vixnu, do que tomou o nome a cidade.

CONDADOS

Condado situado na illa de Trinidad, Trinidad e Tobago (904 km2; 36.781 h [1990]). A súa capital é Rio Claro.

CIDADES

Cidade do mu ḥ āfa ẓ a de Thi-Qar, Iraq, situada ao N do río Éufrates (265.937 h [1987]). Durante a intervención estadounidense e dos seus aliados en Iraq converteuse nun dos focos máis activos da resistencia iraquí.

GALICIA

Ensaísta e investigador. Foi cronista oficial da Coruña, bibliotecario da Real Academia Galega a partir de 1942 e pertenceu á redacción de La Voz de Galicia. Centrouse en traballos de investigación literaria sobre Rosalía de Castro e Manuel Murguía. Da súa produción destacan O traxe (1964), Los poetas gallegos y Curros Enríquez (1970) e El final de una estirpe: Rosalía de Castro y Manuel Murguía (1974). Realizou tamén estudos históricos e artísticos, dos que destacan Calles y plazas coruñesas (1970) e diversos artigos en publicacións como Abrente e Coruña, paraíso del turismo. Académico correspondente da Real Academia de Bellas Artes de San Fernando, gañou dous premios no concurso promovido pola Real Academia Galega para celebrar o centenario do nacemento de Andrés Martínez Salazar.

CIDADES

Cidade de Israel, situada na costa mediterránea ao N de Tel-Aviv-Yafō (154.900 h [1998]). Fundada en 1928, as sucesivas inmigracións xudías ampliárona e déronlle carácter urbano. Orixinariamente dedicada ao cultivo de cítricos, é un centro de talla e puído de diamantes, unha das principais industrias do país.

PERSOEIRO

Político israelita. Despois da súa estancia en EE UU (1963-1967) regresou a Israel e combateu a Guerra do Yom Kippur (1973). Pasou a formar parte do Likud no comezo da década de 1980, e foi representante de Israel na ONU (1984-1988.) Este mesmo ano foi nomeado ministro de Asuntos Exteriores. En 1993 foi escollido líder do Likud, e en maio de 1996 accedeu ao cargo de primeiro ministro de Israel ata 1999. Foi de novo ministro de Asuntos Exteriores (2002-2003) e, desde 2003, ministro de Facenda. A súa política caracterizouse polo mantemento de posturas pouco flexibles nas negociacións cos palestinos.

CIDADES

Cidade do fu de Osaka, situada na illa de Honshū, Xapón (257.315 h [1997]). É un centro comercial de arroz e trigo.

CIDADES

Cidade do ken de Hyōgo, na illa de Honshū, Xapón, situada na baía de Osaka (397.618 h [1997]). Ten destilarías de sake e produción de aceite vexetal.

GALICIA

Anarcosindicalista. Asumiu a secretaría da Federación Comarcal Campesina de San Pedro de Nós, a máis importante organización cenetista campesiña durante a Segunda República, desde a súa creación en 1932 ata a Guerra Civil Española. Agochado desde o comezo da contenda nos arredores da capital coruñesa, fuxiu na compaña doutros correlixionarios por mar a Asturias a finais de 1936 e alí ocupou o cargo de capitán axudante no Batallón 219 Galicia, que estaba composto maiormente por libertarios galegos. Desapareceu tras a caída do norte en mans franquistas (1937).

GALICIA

Xornalista. Emigrou a Arxentina, onde fundou e dirixiu as revistas Galicia Literaria, Galicia en América e Aires da miña terra, e colaborou en numerosas revistas e publicacións arxentinas e españolas como El Porvenir, El Libredón, El Ciclón e El Huracán. Publicou a obra teatral A volta da romería de Santa Xusta. Foi membro correspondente da Real Academia Galega.

1. Apelido de orixe galega.

2. Liñaxe que trae como armas, en campo de ouro, unha torre de pedra, con ameas de azul, e a cada lado do mesmo unha cruz de goles. Outra variante trae, en campo de ouro, unha flor de lis, de goles.

GALICIA

Médico. Especialista en neuroloxía, doutorouse en 1971 na Universidade de Santiago de Compostela e foi catedrático e xefe do servizo de neuroloxía do Complexo Hospitalario Universitario de Santiago. Publicou máis dun centenar de traballos en diversas revistas como Revista clínica Española, Revista Médica de Galicia, Revista de Psiquiatría y Psicología Médica, Medicina clínica ou Gaceta Clínica de Bilbao, Revista clínica de geriatría y gerontologia. Algúns dos artigos publicados nestas revistas son “Síndrome de Turner con coartación de aorta y hemorragia subaracnoidea” (1971), “Atrofía cerebral idiopática” (1972), “Hipertensión intracraneal benigna” (1977) ou “El diagnóstico de las hemorragias cerebelosas” (1982).

PERSOEIRO

Político. Fundou a Sociedade Obreira da Guarda, da que foi secretario, e o semanario Nuevo Heraldo, desde onde defendeu o agrarismo. Coa chegada da Segunda República formou parte da Comisión Xestora municipal e en 1939 foi tenente de alcalde. Perseguido polo Franquismo, estivo agochado e pasou dous anos nas prisións de Vigo e Pontevedra. Da súa produción destaca Fuxidos. Memorias de un republicano gallego perseguido por el franquismo (1976).

GALICIA

Relixioso. Cronista oficial da súa vila natal, fixo carreira eclesiástica en Mondoñedo antes de marchar a Madrid. De volta en Viveiro, colaborou en diversos xornais e foi director de El Eco de Vivero.

GALICIA

Pintor. Formouse en Londres e dentro da súa obra, en que predominan os matices expresivos e as evocacións impresionistas, distínguese unha primeira etapa realista, outra de transición e unha última en que predomina o impresionismo. Nas súas obras utiliza a cor, o contraste e compón os modelos tomados do natural. En canto á temática aborda múltiples motivos, desde bodegóns a paisaxes labregas e figuracións.

MUNICIPIOS

Municipio da provincia de Córdoba, Andalucía, situado ao N de serra de Cabra e bañado por diversos afluentes do río Guadajoz (5.626 h [2001]).

DISTRITOS

Distrito de Sri Lanka (1.741 km2; 700.083 h [2001]). A súa capital é Nuwara Eliya (25.000 h [2001]).