"AGN" (Contén)

REXIÓNS

Rexión histórica da Gascuña, Languedoc, que forma, en boa parte, o departamento de Gers. É unha terra de ondulacións montañosas, con bosques nas partes máis altas e bancos de area e arxilas terciarias nas pendentes, plantadas de viñas, das que os seus acios se empregan para a fabricación de viños brancos, e dos que se obtén a coñecida augardente armañac. O condado de Armagnac foi creado no 960 a favor de Bernaldo I o Birollo. Máis tarde foron incorporados os condados de Rodés e de Carlat e os vizcondados de Lomanha, Autvilar, Comenges e de Charolais. O Rei Enrique III de Navarra e IV de Francia incorporou o condado á Coroa no 1607. Luís XIV cedeullo (1654) a Enrique de Lorena-Guisa, conde de Hartcourt, que o mantivo ata a Revolución Francesa (1789).

PERSOEIRO

Poeta latino e mestre en Retórica. Deixou un gran número de poemas (“Liber eglogarum”, “Ephemeris”, etc.) A súa obra máis importante é Mosella, narración en hexámetros dunha viaxe ao longo do río Mosella, que posúe unha gran riqueza nas descricións.

PERSOEIRO

Arquitecto e tallador. Comezou como escultor, traballando no coro de Santa María Novella en Florencia (1491-1496). Foi primeiro mestre de obras da Catedral de Florencia (1507-1515). Outra das súas obras, o Palacio Bartolini-Salimbeni de Florencia (1517-1520), influído por Raffaello Sanzio e Sangallo o Novo, provocou grandes controversias xa que se afastaba da tradición de Brunelleschi ao intercalar fornelos entre as fiestras, que estaban coroados por frontóns curvos ou triangulares. Outras obras florentinas súas son os campanarios da Igrexa do Santo Espírito e de San Miniato.

PERSOEIRO

Dramaturga e novelista. Conseguiu éxito internacional con National Velvet (Veludo nacional, 1961) obra de teatro da que se fixo unha versión cinematográfica.

PERSOEIRO

Xeomorfólogo. Experto na física das dunas e na mecánica dos sedimentos, traballou ao servizo do exército británico durante a Segunda Guerra Mundial, especialmente para loitar contra o exército italiano no norte de África. Tamén estudiou as características topográficas de Marte.

PERSOEIRO

Mezzosoprano. Estudiou en Atenas, Múnic e Frankfurt, onde debutou en 1968. Na actualidade é unha das mezzos-coloratura máis apreciada internacionalmente.

PERSOEIRO

Rei de Suecia (1290-1319). Fillo e sucesor de Magnus I. Tivo que facer fronte a varias sublevacións, razón pola cal fuxiu a Dinamarca.

PUBLICACIÓNS

Publicación aparecida no ano 1987 editada pola Asociación Juvenil Wagneriana.

PERSOEIRO

Enxeñeiro alemán. Foi unha das figuras máis destacadas da segunda xeración de vangardistas da astronáutica. Graduado en 1932 en enxeñería no Instituto de Tecnoloxía de Berlín, especializouse na tecnoloxía dos foguetes e estudiou os motores foguete de propulsión líquida. Foi nomeado xefe da estación experimental de Kummersdorf polo goberno nazi. Dende 1937 ata 1945 foi director técnico do centro experimental de foguetes de Peenemünde (Mar Báltico), de onde xurdiu a V-2 (1944), primeiro foguete balístico de longo alcance. Ao rematar a Segunda Guerra Mundial foi traballar aos EE UU. A partir de 1950 creou en Huntsville (Alabama) os foguetes Redstone, Jupiter-C, Jupiter, Juno e Pershing. En 1955 converteuse en cidadán dos EE UU. En 1958 puxo en órbita o Explorer I, mediante un foguete Jupiter-C. Desenvolveu os foguetes da serie Saturn, xa na NASA, onde foi director adxunto no período 1970-1972.

PERSOEIRO

Pintor. Membro dunha familia de artistas, o seu bisavó, Thomas Burgess (activo 1766-1786), tivo academia propia en Maiden Lane, o avó, William Burgess (1749-1812) foi retratista e o seu pai H. G. Burgess (activo 1809-1844) foi pintor de paisaxes. Discípulo de sir William Charles Ross e J. M. Leigh, estudiou na Real Academia. Iniciouse con escenas de xénero e retratos. Viaxou a España e dedicouse por completo a pintar cadros de tema español. Entre as súas obras cómpre destacar Bravo, Toro (1865), Robada por los gitanos (1868), Concediendo la licenza a los mendigos de España (1877) ou La limosna de un artista (1886). Foi membro da Real Academia dende 1888, onde exhibiu desde 1850 a 1896.

CIDADES

Cidade do departamento dos Alpes Marítimos, na Provenza, Francia, á beira do Mar Mediterráneo (35.214 h [1982]). Situada no treito do litoral denominado Costa Azul, é un coñecido centro turístico. Acolle a casa-museo de Auguste Renoir.