Ars magna

Obra de Ramón Llull, escrita entre 1305 e 1308, titulada Ars magna generalis ultima, na que enuncia de xeito definitivo cuestións que xa explicara noutras obras anteriores. A finalidade da arte consiste en propoñer un sistema de principios moi xerais, aplicables a todas as ciencias, que servise de axuda para encontrar a verdade e resolver así os diversos problemas científicos. A arte lluliana pode resumirse en seis elementos característicos, dentro dos cales os principios absolutos, os principios relativos, os suxeitos e as regras interrogativas son simbolizados por letras.