"BH" (Contén)

CAPITAIS

Capital do estado de Orissa, India (411.542 h [1991]). Entre os seus templos hindús destaca o Lingarāja (1000? d C), de teito curvilíneo (shikkara). Posúe unha importante industria pepeleira.

PERSOEIRO

Rei de Tailandia. Noveno monarca da dinastía Rama. Sucedeu ao seu irmán Ananda Mahidol (1946). Foi coroado en Bangkok no 1950.

CIDADES

Cidade do estado de Mahārāstra, provincia de Deccan, na presindecia de Bombai, India (132.146 h [1981]).

ENTRADA LARGA

Estado de Asia meridional, situado na vertente S da cordilleira do Himalaia e limitado ao N por China e ao L, S e O pola India (47.000 km2; 1.165.000 [1980]; 2.004.000 h [estim 1998]). Esténdese latitudinalmente entre os 28° e 27° N e lonxitudinalmente entre os 88° e os 92° L. A capital é Thimphu.
Xeografía

Xeografía física
A localización de Bhutan no eixe axial da cordilleira do Himalaia provoca que a  altitude sexa moi elevada en todo o territorio, aínda que decrece de N a S. Deste xeito, distínguense tres zonas: os Duars, altiplano detrítico prehimalaio ao S, duns 400 m de altitude; o Himalaia Medio, rexión sucada por moitos vales e de altitude inferior aos 3.000 m; e o Gran Himalaia; ao N do país, con cumes de altitudes superiores aos 7.000 m (Kula Kangri, 7.554; Chomo Chāri, 7.314 m). Os dominios climáticos varían segundo as rexións topográficas: ao N é un dominio de alta montaña, con precipitacións de neve, e nos Duars é un...

1. Relativo ou pertencente a Bhutan ou aos seus habitantes.

2. Natural ou habitante de Bhutan.

PERSOEIRO

Política paquistaní. Educada en Oxford e Harvard, xunto á súa nai Nusrat, proseguiu a tarefa do seu pai Zulfikar Ali Bhutto á fronte do Partido Popular do Paquistán. Arrestada entre 1977 e 1984 polo réxime de Zia Ul-Haq, á caída deste converteuse en primeira ministra nas eleccións de 1988. Destituída no 1990 por un golpe de estado, pasou a encabezar a oposición á coalición de partidos islámicos no goberno. Ocupou novamente o cargo de primeira ministra dende 1993 ata 1996.

PERSOEIRO

Político paquistaní formado nas universidades de Inglaterra e EEUU. En 1957 foi nomeado embaixador do seu país na ONU. Coa chegada ao poder de Ayyūb Khān (1958-1966), ocupou en 1958 o ministerio de Comercio e en 1963 o de Asuntos Exteriores. Dimitiu en 1966 pasando á oposición desde o Partido Popular de Paquistán, fundado por el mesmo en 1967. Tralo golpe de estado de Yahya Khān (1969), este nomeouno primeiro ministro e ministro de Asuntos Exteriores en 1971 ata a caída do goberno militar en que pasou a asumir o poder ocupando os cargos de Presidente e primeiro ministro (1971-1973). Exerceu un goberno autoritario, de dureza contra os movementos sociais, evolucionando cara ao conservadurismo. Deposto polo exército tralo golpe de estado de 1977, posteriormente foi executado.

PERSOEIRO

Príncipe Blücher von Wahlstatt. Mariscal prusiano, que recibiu o nome de xeneral Vorwärts (Adiante). Distinguiuse na guerra contra a Francia revolucionaria (1793-1794). Durante a campaña de 1806 combateu en Auerstädt, pero tivo que capitular diante de Napoleón I cerca de Lübeck. Comandou o exército de Silesia, co que gañou a batalla de Leipzig (1813). Contribuíu decisivamente á vitoria de Wellington en Waterloo (1815).

PERSOEIRO

Político nacionalista indio. Membro da á esquerda do Indian National Congress, que presidiu dende 1938 a 1939. Dimitiu como consecuencia da súa oposición ás ideas de non-violencia de Gandhi. Encarcerado polos británicos en 1940, fuxiu a Alemaña. Coa axuda xaponesa fundou en Bangkok (1942) a liga pola independencia da India, e en Singapur (1943), un goberno da India libre. O motivo da súa morte non foi aclarado.

PERSOEIRO

Piloto e construtor de automóbiles de competición australiano. En 1961 fabricou o seu primeiro modelo. Foi campión mundial en 1959, 1960 e 1966.

CONDADOS

Condado de Irlanda, no Ulster (1.891 km2; 52.944 h [1996]). A súa capital é An Cabhán (3.341 h [1996]).

PERSOEIRO

Místico e reformador hindú. Fundou unha seita vai ṣ hnava moi popular en Bengala e Orissa, e propagou unha devoción extremadamente emotiva a Kri ṣ hna.

PERSOEIRO

Militar inglés. Xefe da expedición militar que, procedente de Ribadeo (lugar invadido ao mando do comandante Broom), desembarcou na praia de Samil o 10 de outubro de 1719, o 12 tomou Bouzas e o 19 logrou a capitulación dos soldados que defendían a fortaleza do Castro (Vigo). O 6 de novembro, reembarcou cara a Inglaterra despois de abandonar o proxecto de invadir Galicia.

PERSOEIRO

Político hindú. Educouse no Elphinstone College de Bombai, onde exerceu posteriormente como profesor de matemáticas e filosofía natural. Membro do primeiro congreso nacional en 1885, foi o primeiro deputado hindú do Parlamento británico (1892).

CIDADES

Cidade da India, na chaira do Ganxes (218.274 h [1991]). É un importante núcleo industrial, no que destaca o sector alimentario (arroz e azucre) e téxtil (algodón).

CIDADES

Cidade do estado de Mahārā ṣ h ṭ ra, India, que está situada 16 km ao S do río Dudna (190.235 h [1991]).