"Ferrol" (Contén)

Área urbana da comarca administrativa de Ferrol, que integra os concellos da ribeira da ría de Ferrol: Ares, Fene, Ferrol, Narón, Neda e Mugardos. É un espazo urbano con moita cohesión e interrelación, que se configurou a partir da expansión industrial de Ferrol como centro da construción naval.

División territorial administrativa da Igrexa Católica. Establecida no s IX, a diocese de San Martiño de Mondoñedo, foi sé dos bispos ata que en 1112, sendo bispo Nuno Afonso, unha bula da Raíña Urraca trasladou a diocese a Vilamaior, que despois cambiou o nome polo de Mondoñedo. En 1182 o bispo Rabinato trasladou a sé a Ribadeo; o bispo Martiño (1219-1248) levouna definitivamente a Mondoñedo e comezou a construción da nova catedral. A súa xeografía sufriu algunhas modificacións. Adquiriu a súa configuración definitiva en 1955, cando anexionou algunhas parroquias da diocese de Lugo e perdeu outras fronte a esta. O Papa Xoán XXIII estableceu a dobre capitalidade da diocese, Mondoñedo e Ferrol, e concedeulle o título de concatedral á igrexa de San Xulián de Ferrol.

Equipo de fútbol sala que se fundou en Ferrol en 1981. Ascendeu á División de Honor na tempada 1997-1998, xogou a Copa de España (1999-2000) e, despois de varias campañas na máxima categoría, descendeu á División de Prata (tempada 2002-2003).

Club de fútbol fundado en Ferrol en 1919. Xoga os seus partidos como local no estadio da Malata, inaugurado en 1993, e viste camiseta verde e pantalón branco. A historia do club remóntase á únión dos equipos Jaime J e Giralda, que disputaron o seu primeiro encontro no campo da Graña o 17 de maio de 1917. En 1919, coa inauguración do campo de Caranza, disputou o seu primeiro partido como Rácing fronte ao Deportivo de La Coruña. O 20 de outubro dese mesmo ano afiliouse á Federación e ao ano seguinte conseguiu a súa denominación oficial. Inaugurou o campo do Inferniño en 1921 e conseguiu o seu primeiro ascenso á máxima categoría galega en 1923. Debutou na Terceira División da liga nacional na tempada 1929-1930 e posteriormente xogou na Segunda División. Dos títulos conquistados, destacan o campionato galego nas tempadas 1928-1929, 1937-1938 e 1938-1939, e o subcampionato da I Copa do Xeneralísimo (1939), e o Trofeo Teresa Herrera.

Motín levado a cabo polas tropas asentadas no Arsenal de Ferrol en 1795, causado pola falta de fondos para o pagamento dos seus soldos, debida á crise da facenda polos gastos da guerra que os deixara sen paga durante seis meses. Como medida de coacción, presentouse o capitán xeneral de Galicia coas súas tropas nas proximidades de Ferrol, pero non resultou efectivo e finalmente pagaron aos soldados con fondos da cidade e do cabido, ante a necesidade de manter a Armada alerta para a súa posible incorporación á guerra con Francia.

Sociedade fundada en 1970 en Ferrol. Naceu coa finalidade de expandir e promocionar a arte. Organiza cursos, conferencias e exposicións.