"ILE" (Contén)

Antropónimo procedente do grego Akilleus (Ảχιλλεύς), que chegou a nós a través do latín Achilles. É un nome de longa tradición en Grecia, quizais a pegada dalgunha lingua pregrega e, xa que logo, cunha etimoloxía difícil de clarificar. O poema épico de Homero a Ilíada desenvolve como tema central a cólera do heroe grego Aquiles, o dos pés lixeiros, quen despois de loitar contra os troianos morre no campo de batalla ao ser alcanzado no calcañar por unha frecha. A raíz deste feito fíxose moi sonada a expresión o “calcañar de Aquiles” para referirse ao único punto vulnerable do heroe aqueo. A festividade de santo Aquiles, mártir en Roma, celébrase o 12 de maio.

Heroe mítico da Guerra de Troia, tamén chamado Aquileo, fillo de Peleo e da deusa Tetis. Rei dos mirmidóns, na cidade de Tesalia, marchou cos seus súbditos á Guerra de Troia. Enfrontado con Agamemnon, xefe da expedición aquea, pola posesión da escrava Briseida, abandonou a loita e non regresou ata que o seu amigo Patroclo morreu en combate contra Héctor, o campión dos heroes troianos e fillo de Príamo, Rei de Troia. Por mor deste feito, Aquiles desafiou a Héctor a un combate singular no que conseguiu matalo, o que, segundo a profecía que o propio Aquiles coñecía, daría lugar á súa morte pouco despois. En efecto, o príncipe Paris, irmán de Héctor e raptor de Helena, muller de Menelao, irmán de Agamemnon (feito que disculpara o inicio da guerra dos gregos contra o estratéxico enclave troiano), matouno disparándolle unha frecha ao calcañar, único punto vulnerable do heroe. A figura de Aquiles, eixe da historia que deu lugar á Ilíada de Homero, aparece en abundantes obras posteriores,...

Tendón do home, de inserción dos músculos posteriores da perna (xemelgos e sóleos) no calcaño. A súa rotura causa a imposibilidade de estender voluntariamente o pé.

Batalla que tivo lugar en Arapiles (cerca de Salamanca) en xullo de 1812, durante a Guerra da Independencia contra Napoleón. As tropas francesas do mariscal Marmont foron vencidas polo exército de Wellington, obrigándolles aos franceses a abandonar Andalucía definitivamente.

Porto do litoral da parroquia de Lira, concello de Carnota, situado entre a punta de Prouso Longo, ao N e a punta de Susiños ao S.

Designación xenérica dos grupos que resultan da eliminación de dous hidróxenos nun hidrocarburo aromático. O grupo -C6H4- chámase fenileno. Os arilenos de hidrocarburos aromáticos monocíclicos denomínanse como fenilenos substituídos. No caso dos hidrocarburos aromáticos policíclicos condensados, cando os dous hidróxenos proveñen de dous carbonos cíclicos, os arilenos son nomeados engadindo o sufixo -eno ao nome do grupo arilo correspondente. Se proveñen dun mesmo carbono alicíclico, emprégase o sufixo -ideno detrás do nome arilo correspondente.

Conxunto de características estilísticas dunha obra, dende o punto de vista do lector, nunha época e nun momento concreto da historia, que o crítico literario toma como referencia para elaborar as súas análises.

Arxila.

Bile negra, considerada antigamente a causa da hipocondría.

Construciones y Auxiliar de Ferrocarriles, SA.

Antón Avilés Vinagre.