"Kola" (Contén)

FILOSOFOS

Filósofo alemán. Coñecido como Nicolao de Cusa, foi clérigo desde 1416. Estudiou gramática, filosofía, dereito canónico e matemáticas e doutorouse en Padua. En Colonia, estudiou teoloxía e coñeceu o cardeal Orsini, co que colaborou en diferentes bibliotecas; entrou tamén en relación cos humanistas italianos. No Concilio de Basilea (1431) propuxo a plena primacía pontificia. En De concordantia catholica (1432-1433) presentou unha concepción medieval dos poderes (imperio e papado), pero defendeu a súa mutua independencia. A súa obra capital é De docta ignorantia (1440). Nesta e noutras posteriores, como De coniecturis (1442) e Apologia doctae ignorantiae (1462-1463), sostivo que, máis ca a razón dedutiva é a intuición da intelixencia o que permite coñecer a Deus, o universo e o home. Nomeado cardeal en 1448 por Nicolao V, foi bispo de Bressanone e vicario do Papa Pío II en Roma, onde viviu pobremente e formulou unha reforma do clericato romano...

FILOSOFOS

Filósofo e escritor. Abandonou a medicina pola literatura. Influído por N. J. Danilevskij, propugnou para Rusia un mesianismo bizantino político, social e relixioso nas súas obras Rusia e O oriente e os eslavos (1885-1886).

PERSOEIRO

Escritor ruso. Reelaborou lendas propulares e escribiu relatos e novelas polémicas contra os nihilistas. A vida do pobo ruso e das relixións foron os temas fundamentais das súas obras, como en Ledi Macbeth Mcenskogo ujzeda (Lady Macbeth do distrito de Mcensk, 1865), sobre a que Šostakovič compuxo a ópera homónima en 1934; e Sobor’ane (Xente de igrexa, 1872).

PERSOEIRO

Matemático. No seu libro Algebra ili isčislenie konečnykh (Álxebra ou cálculo de finitos, 1834) presenta un método orixinal para calcular raíces complexas. Asegurou que non se pode demostrar matematicamente o quinto postulado de Euclides e que coa negación deste postulado é posible desenvolver unha serie de teoremas sen contradición, é dicir, unha xeometría non euclidiana. Expuxo todos os detalles e as aplicacións do seu descubrimento en Pangeometrija (1855).

FILOSOFOS

Filósofo ruso. O seu pensamento en lóxica propugnou unha teoría do xuízo a partir do contido dos conceptos e, en metafísica, expuxo un idealismo de orientación plotiniana. Das súas obras destacan Fundamentos do intuicionismo (1906) e Manual de lóxica (1921).

PERSOEIRO

Poeta. Exaltou a Antigüidade e os ideais humanistas. Próximo ao naturalismo, intimista, paisaxista e amante da natureza, consideraba que a poesía era unha necesidade espiritual da humanidade. Escribiu Dve sud´by (Dous destinos, 1845), Mašen’ka (1846), Očerki Roma (Esbozos de Roma, 1847) e Neapolitanskij al’bom (1858).

PERSOEIRO

Compositor ruso. Discípulo de Rimskij-Korsakov, realizou un total de 27 sinfonías. Interesouse polas innovacións harmónicas de Aleksandr Nicolajevič Skr abin, aínda que o seu estilo foi conservador no aspecto formal. Compuxo os poemas sinfónicos Nunca máis e Alastor, ademais de tres sonatas para piano, nove cuartetos de corda e numerosas cancións.

PERSOEIRO

Publicista, sociólogo e crítico ruso. Como teórico do movemento revolucionario dos narodniki (populistas), tivo unha grande influencia entre os intelectuais rusos da época. Inimigo do determinismo histórico, deulle moita importancia ao heroe intelectual como dirixente revolucionario das masas.

PERSOEIRO

Político. Dirixente dos cadetes, foi ministro de Asuntos Exteriores do goberno provisional (marzo de 1917) en Rusia, pero a súa política de continuar a guerra provocou unha oposición popular, feito que o obrigou a dimitir e exiliarse en Francia.

PERSOEIRO

Fotógrafo húngaro. Naturalizado estadounidense, en 1920 abriu o seu estudo en Nova York e colaborou con Harper’s Bazzar (1921) e Vanity Fair (1926). A partir de 1929 os seus traballos publicáronse en Vogue, Ladie’s Home Journal e New York Times, centrados na fotografía de moda, os actores cinematográficos e as mulleres. Foi o fotógrafo oficial de EE UU nos xogos olímpicos de 1928 e 1932. A través de Carl Van Vetchen coñeceu artistas mexicanos como Miguel Covarrubias, Diego Rivera ou Frida Khalo, dos que fixo varias series de fotografías que constituíron o Nickolas Muray Collection of Mexican Art (1925-1954).

PERSOEIRO

Escritor lituano. Destacado tradutor e crítico literario, os seus primeiros poemas son de estilo romántico e popular lituano. A partir de 1918 compuxo poemas patrióticos simbolistas, e tamén outros de aspecto místico. Na prosa adoptou técnicas realistas. Publicou Raudoni žiedai (Flores vermellas, 1913), Vergas (O escravo, 1924) e Altoriu šešėly (Á sombra do altar, 1933).

CAPITAIS

Capital da oblast’ homónima, Ucraína (510.146 h [estim 1998]). É un dos centros máis importantes do S de Ucraína. Destacan as construcións mecánicas e a industria lixeira e alimentaria. Foi fundada como fortificación en 1784 e é cidade desde 1789.

PERSOEIRO

Compositor ucraíno. Estudou con F. Busoni en Berlín e, en 1939, emigrou a EE UU. Das súas composicións destacan as óperas Rasputin’s End (1958) e Love’s Labour Lost (1970), os ballets Union Pacific (1924) e Oda (1928) e diversas obras para orquestra e coro.