"RAF" (Contén)

Anemómetro instantáneo conectado a un rexistrador para obter o gráfico de evolución da velocidade do vento. Se se orienta cara ao vento permite tamén rexistrar a súa dirección.

Sutura do saco dun aneurisma por diversos procedementos.

Libro que ten as follas escritas ou impresas dunha soa cara.

Estudio descritivo das diferencias biolóxicas entre individuos e razas humanas.

Parte da xeografía xeral que estudia a distribución das etnias e dos pobos sobre a terra e as súas actividades, lingua, cultura e organización.

Técnica de diagnose que consiste na exploración radiográfica das cavidades cardíacas e dos grandes vasos sanguíneos despois da introdución dunha substancia opaca de contraste cos raios X por medio dun cateterismo na arteria pulmonar, na aorta ou nun compartimento cardíaco.

Estudio radiográfico dos vasos do organismo practicado despois da inxección dunha substancia opaca aos raios X. A técnica varía dependendo de se se trata do estudo das arterias (arteriografía), as veas (flebografía) ou o sistema linfático (linfografía). A anxiografía de substracción dixital é unha nova técnica arteriográfica na que mediante a axuda dun ordenador elimínanse as imaxes dos tecidos que envolven os vasos, o que permite unha visión bastante máis nítida.

Sutura dunha abertura nas paredes dun vaso.

Radiografía da aorta, acadada despois da inxección dun líquido opaco aos raios X.

Rafaela Díaz Valiente.

Manuscrito dunha obra, non autógrafo, copiado doutro que pode ser ou non o orixinal do autor. Ao modelo sobre o que se fai a copia ou aprógrafo chámase antígrafo. Entre o antígrafo ou orixinal e o apógrafo ou copia non acostuma haber outros textos intermediarios coñecidos, aínda que o apógrafo pode estar “contaminado” por outras copias que manexa o escribán cando está a realizar o seu exemplar; é dicir, pode ter diante outra ou outras copias, ademais do orixinal, das que pode intercalar lecturas diverxentes. En ocasións, o apógrafo pode estar mellor coidado co seu antígrafo, por exemplo cando este último desaparece ou sofre mutilacións ou desperfectos despois de ser copiado; neste caso o apógrafo convértese na mellor fonte de lectura correcta dunha obra. En xeral, este é o caso da maioría da tradición manuscrita románica medieval, na que é escasísimo o número de exemplares orixinais do propio autor conservados. No que atinxe á lírica galego-portuguesa, a totalidade do seu corpus...

Parte do Océano Índico oriental que limita ao O co mar de Timor, ao L comunica co mar do Coral, polo estreito de Torres, e ten ao N as costas de Nova Guinea e ao S as de Australia (650.000 km2). Notables pesquerías de perlas.