"bo" (Contén)

PERSOEIRO

Mestre de obras que no ano 1832 edificou a capela maior e a sancristía da igrexa parroquial de Santa Cristina de Barro (Noia).

1. de aboiar.

2. O que anda dun lado para outro sen saber o qué facer nin a ónde ir.

1. Manterse na superficie da auga algunha cousa.

2. 1. Colocar boias no mar.

   2. Marcar empregando boias.

3. Termo empregado en Cambados que designa ‘o xeito de formar bancos os peixes cando o cardume vai circulando cerca da superficie, aínda que sen saír a ela, facendo un ruído determinado que se chama escarabullar’.

1. Apelido de orixe toponímica que pode presentar a variante gráfica Abuín. O lugar de Abuín, da parroquia de Dena do concello de Meaño procede, á súa vez, do xenitivo latino do nome do posesor Avolinus (xenit Avolini ‘de Avolino’).

2. Liñaxe procedente de Portugal que se estableceu en Galicia. A Mariano Aboín e García foille concedido o título de conde de Montefrío en 1876. As súas armas presentan escudo cuarteado levando, o primeiro e o cuarto, axadrezado de ouro e azur e, o segundo e o terceiro, tres paos de azur en campo de ouro.

DEPARTAMENTOS

Departamento da Costa de Marfil (6.250 km2 ; 225.882 h [1988]). A capital é Aboisso (13.527 h [1988]).

1. Deformar un obxecto facéndolle pequenas concavidades ou coviñas.

2. Amolecer ou tornar desigual a superficie dun elemento.

3. Facerse un pequeno avultamento nunha superficie a causa dun golpe.

4. Cocer mal unha comida.

1. Doutrina que propugna a abolición dunha lei ou semellante.

2. Doutrina que propugnaba a abolición da escravitude. Ao termo do s XVIII, os británicos iniciaron campañas abolicionistas. Polo Tratado de Viena (1815) suprimiuse a escravitude. Os plantadores do Sur dos EE UU enfrontáronse á política abolicionista do Norte na Guerra de Secesión (1861-1865). En España foi defendida polos sectores máis demócratas que fundaron a Sociedad Abolicionista (1845). Durante a Primeira República Española, a escravitude aboliuse en Porto Rico (1873). En Cuba, o proceso será gradual (dende o 1880), a causa dos intereses económicos que estaban involucrados coa escravitude; durante as guerras da independencia a xente de cor loitou a favor dos insurrectos cubanos a raíz da supresión da escravitude contida no programa destes.

3. En Galicia o concepto abolicionismo posúe un significado propio aplicado á loita contra o sistema foral. Representa a variante máis radical propugnada para a superación do réxime foral xa que non recoñece aos perceptores (dominio directo) o dereito a seren indemnizados polos pagadores (dominio útil), unificándose deste xeito ambos os dous dominios. Dentro do agrarismo galego, o abolicionismo vai ser unha opción minoritaria fronte ao redencionismo ata o fin da Primeira Guerra Mundial, cando se constitúe en tese predominante dentro do societarismo non confesional, trala frustración dos sucesivos proxectos de redención forzosa levados ao Parlamento español. O abolicionismo supuña unha lectura de clase do conflito foral e, para os medios máis conservadores, un ataque inadmisible contra o dereito de propiedade. Con todo, o abolicionismo desenvolvía tamén unha versión moderada, que propugnaba que os rendistas fosen indemnizados con cargo ao Estado, non ao...

1. Relativo ou pertencente ao abolicionismo.

2. Partidario do abolicionismo.