"qu" (Contén)

1. Instrumento semellante ao teodólito que serve para medir rapidamente distancias, posicións relativas e elevacións de obxectos distantes. Un taquímetro é esencialmente un teodólito, pero cunha lente de dimensións moi grandes, que mide as distancias e, ademais, a graduación dos círculos faise en sentido directo. Foi inventado por Porro e perfeccionado, máis tarde, por Moynot e Goulier. Existen dous tipos: os ordinarios, que miden as distancias oblícuas, e os autorredutores, que dan directamente as distancias horizontais.

2. tacómetro.

1. Relativo ou pertencente aos taquínidos.

2. Insecto da familia dos taquínidos.

3. Familia de insectos, da orde dos dípteros, cuxas larvas son parasitos de eirugas e outros insectos.

CIDADES

Cidade da provincia de Viterbo, Lacio, Italia (14.859 h [2001]). Está situada nun pequeno outeiro a 149 m, á beira do Mar Tirreno e ao N de Civitavecchia. Fundada ao comezo do s X a C, no s IV, uniuse a Roma como estado etrusco federado. No s VI a poboación trasladouse ao lugar do veciño castelo de Corneto e adoptou o seu nome. Posesión dos Estados Pontificios no s XIV, en 1922 recobrou o nome primitivo. Conserva da cidade etrusca a necrópole, con cámaras funerarias subterráneas ornamentadas con pinturas. Da época medieval destacan a igrexa de Santa Maria di Castello, de estilo lombardo, a igrexa de San Pancrazio (s XIII) e o conxunto de torres denominado Palazzo del Priori.

PERSOEIRO

Patricio romano, sobriño de Tarquinio o Soberbio. Casou con Lucrecia e foi, con Lucio Xuño Bruto, un dos primeiros cónsules, en 509 a C. A morte da súa dona deu pé a unha revolta que acabou coa monarquía dos Tarquinios e deu lugar á república.

PERSOEIRO

Quinto rei de Roma (616? a C - 579 a C), fillo de Damarato de Corinto e dunha muller etrusca. Foi a Roma e cambiou o seu nome orixinario Lucumon polo de Tarquinio. Sucedeu ao Rei Anco Marcio á súa morte e fíxose chamar rei do pobo. Venceu os latinos, os sabinos e os etruscos e distinguiuse como bo reformador. Emprendeu grandes obras públicas, como o secado do foro por medio da Cloaca Máxima, ou a construción do Circo Máximo. Foi asasinado por mandato dos fillos de Anco Marcio.