"BRE" (Contén)

MUNICIPIOS

Municipio da provincia de Barcelona, Catalunya, na marxe dereita do río Llobregat (7.600 h [1996]). A economía baséase na construción e nos servicios que se derivan desta, o sector téxtil e a elaboración de cemento. A agricultura tamén ten un papel importante, sobre todo o cultivo de oliveiras e de vides. A vila moderna formouse pola aglomeración dos antigos núcleos de Corbera de Dalt e Corbera de Baix. A igrexa románica de Santa María, ampliada en 1700, coñécese pola escenificación anual que fai do seu pesebre vivente. Do seu patrimonio arquitectónico destaca a casa dos baróns de Corbera (s XVI).

MUNICIPIOS

Municipio da comarca do Baix Llobregat, na provincia de Barcelona, Catalunya, drenado polo río Llobregat (82.490 h [1996]). A cidade posúe un núcleo principal que separa dous sectores, o de Cornellà de Baix e o de Cornellà de Dalt. Trátase dun importante centro agrícola (árbores froiteiras) e gandeiro (vacún). A industria experimentou un gran desenvolvemento a partir de 1960, sobre todo a siderurxia, a química e a de vidro. A vila xurdiu sobre a antiga igrexa parroquial de Santa Maria, destruída en 1936 e refeita posteriormente. Do seu patrimonio cultural destacan os restos dunha vila romana e dunha basílica, posiblemente visigoda, con columnas corintias.

PUBLICACIÓNS

Publicación cultural en galego editada pola agrupación coral do mesmo nome en Bos Aires durante o ano 1958. Subtitulouse “No seu quinto ano de eisistencia” e contaba cun consello de redacción formado por Manuel Cordeiro, Evelio Iglesias e César Quiroga. Incluíu colaboracións de Xosé Neira Vilas, Alberto Vilanova, Leandro Carré Alvarellos e Antón Santamarina, entre outros. Á parte dos traballos literarios, inseriu notas sobre cultura galega en xeral, acompañadas dalgunhas imaxes de persoeiros galegos.

PERSOEIRO

Político e empresario. Licenciado en Enxeñería Mecánica polo Instituto Superior Técnico (1946), ampliou estudios no Imperial College de Londres. Foi secretario de Industria Pesada no sexto goberno provisional (1976), ministro de Industria e Tecnoloxía no primeiro goberno constitucional (1977) e primeiro ministro do terceiro goberno constitucional (1978), baixo a presidencia de Ramalho Eanes. Pertenceu ao Conselho de Estado. En 1980 presidiu a comisión da candidatura á presidencia de Eanes e en 1985 propuxo a candidatura de Mário Soares. Despois de abandonar a política, dedicouse ao mundo empresarial.

PERSOEIRO

Político, conde de Castellar. Foi embaixador en Venecia e Alemaña e membro do Consello de Indias. En 1673 foi nomeado vicerrei do Perú, cargo desde o que intentou poñer fin á corrupción dos funcionarios e regular a recadación dos impostos.

MUNICIPIOS

Municipio da provincia de Huelva, Andalucía, situado ao N da provincia, drenado polo río Múrtigas (2.184 h [1996]). O termo está moi accidentado polos contrafortes setentrionais da serra de Aracena. A base da súa economía é a agricultura (oliveiras e cereais) e a gandería (ovina e porcina). Na industria destacan pequenas fábricas de material de construción e embutidos. Poboado dende a época celtibera, acadou a categoría de municipio romano. Do seu patrimonio cultural destacan o castelo-fortaleza de Sancho o Bravo (s XIII), declarado Ben de Interese Cultural en 1895, e a igrexa de San Miguel Arcángel (ss XV-XVIII).

PERSOEIRO

Político. Participou activamente na resistencia antifascista. Foi senador (1948-1958), deputado na Asemblea Nacional dende 1963 e deputado no Parlamento europeo dende 1979. Foi ministro de Xustiza (1958-1959), primeiro ministro (1959-1962), ministro de Finanzas (1966-1968), ministro de Asuntos Exteriores (1968-1969) e ministro de Defensa (1969-1973).

PERSOEIRO

Pintor. Realizou estudios de letras e arquitectura. A súa pintura atravesou unha fase impresionista, outra expresionista e, finalmente, chegou á abstracción. Dende os anos sesenta realizou amplas superficies monocromas nas que insería signos e demais elementos. Co paso do tempo, as súas obras acadaron un tamaño monumental. Realizou tamén esculturas.

CAPITAIS

Capital do megye de Hajdú-Bihar, ao L de Budapest, Hungría (205.032 h [1991]). É un destacado núcleo industrial, principalmente de maquinaria agrícola e de produtos farmacéuticos. Fundada no s XIV, adquiriu preeminencia douscentos anos máis tarde, durante a ocupación turca. Foi coñecida co nome de Roma calvinista, por mor da importancia que tiveron alí as crenzas reformistas. No ano 1849 Kossuth proclamou a independencia de Hungría con respecto aos Habsburgo.