"An" (Contén)

PERSOEIRO

Compositor. Director do Conservatorio de París (1842) e mestre de capela de Napoleón III (1857), escribiu algunhas obras de música de cámara, pero distinguiuse sobre todo polas óperas cómicas.

PERSOEIRO

Médico e filósofo occitano. Utilizou o nome latinizado de Joanis Aubrius. Profesou un lulismo exaltado. É autor dun tratado de Medicina titulado Le triomphe de l’archée et la merveille du monde (O triunfo do antigo e a marabilla do mundo, 1660?).

CAPITAIS

Capital da provincia de Auckland, Nova Celandia (353.670 h [1996]). Está situada nun estreito istmo entre o golfo de Hauraki, ao NL, e o Manukau Harbour, ao SL. Fundada en 1840 polo gobernador William Hobson, chegou a ser a sede do goberno de Nova Celandia ata que foi substituída por Wellington no ano 1865.

PERSOEIRO

Poeta inglés. Foi a personalidade máis influínte no grupo de poetas ingleses dos anos trinta formado por Day Lewis, Mac Neice, Spender, Lehmann e outros. A súa actividade correspondía ao chamado realismo histórico. A súa poesía, predominantemente intelectual, xurdida dun impulso ético e a miúdo satírica ten, sen embargo, momentos líricos profundos. O drama The Dance of Death (A danza da morte, 1933) e a colección de poemas Look, Stranger! (Mira, estrano! 1936) son as obras máis destacadas que publicou antes de establecerse nos EE UU. Posteriormente escribiu: Another Time (Outro Tempo, 1940), New Year Letter (Carta de Aninovo, 1941), For the Time Being (Para o tempo existente, 1945), The Age of Anxiety (A idade do desacougo, 1948), e os ensaios The Dyer’s Hand (A man da tinturería, 1963) e Epistles to a Godson (Epístolas a un afillado, 1972).

FAMILIAS

Familia de gravadores, pintores e tapiceiros franceses dos ss XVII-XVIII. De entre os seus membros destacan: Claude II Audran (Lyon 1639 - París 1684), pintor e colaborador de Charles Lebrun na ornamentación do Louvre e de Versalles; Gerard II Audran (Lyon 1640 - París 1703), gravador de Luís XIV no taller dos Gobelinos, que realizou reproducións a buril con moita precisión e finura; Claude III Audran (Lyon 1658 - París 1734), pintor de arabescos que contribuíu en boa medida á creación do estilo ornamental do s XVIII e que traballou na decoración dos palacios reais; e Benoit II Audran (París 1698 - 1772), gravador, intérprete das obras de Watteau.

PERSOEIRO

Actriz de cine francesa. O realizador Claude Chabrol, o seu marido desde 1964, dirixiuna en 19 películas. Traballou tamén en Le signe du Lion (O signo de León, 1959) de E. Rohmer e Le charme discret de la bourgeoisie (O encanto discreto da burguesía, 1972) de Luis Buñuel, entre outras.

PERSOEIRO

Médico austríaco da escola vienesa. Introduciu a percusión como método de exploración clínica, sistema que describiu na obra Inventum novum (Invento novo, 1761).

PERSOEIRO

Conde de Auersperg. Escritor austríaco e político liberal, máis coñecido polo pseudónimo de Anastasius Grün. É autor de poemas satíricos contra Metternich como os do seu libro Spaziergänge eines wiener Poeten (Paseos dun poeta vienés, 1831).

PERSOEIRO

Escritor e científico do Kazakhstán. É autor da novela Abaj (1942-1947), continuada por Put Abaj (Camiño de Abaj, 1952-1956), a través da que presenta un estudo detallado da segunda metade do s XIX.

PRAIAS

Praia do litoral cantábrico, situada ao O da praia das Catedrais, na parroquia de Devesa (Ribadeo) no límite coa de Reinante (Barreiros).

PARROQUIA

Parroquia do concello de Allariz baixo a advocación de santa Mariña.

PARROQUIA

Parroquia do concello de Palas de Rei baixo a advocación de san Xurxo.

IGREXAS

Igrexa parroquial románica dos ss XII-XIII situada no concello de Allariz. Foi construída polos regulares da Orde de Santo Agostiño co fin de gardar os restos de santa Mariña, filla dun gobernador romano da Limia. Trátase dun sinxelo edificio de tres naves, que cristianiza unha construción antiga (o forno da Santa Mariña), que rematan noutras tantas ábsidas semicirculares. O proxecto inicial da igrexa incluía unha cuberta de bóvedas cuadripartitas na nave central que non se chegaron a construír; a variación entre o proxecto inicial e o deseño actual foi posible debido a que a cabeceira se construíu, xunto cos muros perimetrais, antes ca o interior. Os arcos de acceso ás ábsidas son semicirculares, dobrados, cunha lixeirísima tendencia a apuntarse e de sección rectangular, apoiándose en columnas encaixadas mediante capiteis estilizados e no propio muro. Enriba do arco triunfal de cada capela ábrese un rosetón. Tanto os arcos forneiros como os feixóns son apuntados, dobrados e de sección...

PARROQUIA

Parroquia do concello de Rois baixo a advocación de san Vicente.

PERSOEIRO

Mariscal napoleónico. De orixe humilde, alistouse no exército revolucionario en 1792 e ao cabo dun ano ascendeu a xeneral. Loitou nos Pireneos Orientais contra os exércitos españois de Carlos IV (1793) e contra os austríacos en Italia (1796). Colaborou no golpe de estado do 18 de frutidor do ano V (4.8.1797). En 1804 Napoleón nomeouno mariscal e, en 1806, duque de Castiglione. En 1810, despois de tomar Girona, foi nomeado gobernador xeral de Catalunya (xaneiro-maio de 1810).

PERSOEIRO

Historiador. Desde 1888 dirixiu a revista Revolución Francesa e foi o iniciador da historiografía sobre a Revolución Francesa. Discrepou con Hippolyte de Taine. As súas teorías foron completadas por posteriores indagacións de Albert Mathiez. Escribiu Études et leçons sur la Révolution Française (Estudios e leccións sobre a Revolución Francesa, 1893-1924) e Histoire politique de la Révolution Française (Historia política da Revolución Francesa, 1901).