"Das" (Contén)

Plan pedagóxigo redactado por Vicente Risco a petición da III Asemblea Nazonalista Galega, celebrada en Vigo. O Plan, na óptica da escola nova no tocante ás súas propostas, establecía sete apartados: a) o edificio escolar, que bebe cumprir unhas condicións hixiénicas, pedagóxicas, estéticas e educativas adecuadas;   b) a ordenación do interior dos centros, en que defende unha aula ampla, luminosa e funcional; c) a vida escolar, que debe respectar a personalidade e o carácter de seu do neno; d) os profesores, que deben estar comprometidos co país e usar o galego na escola; e) os métodos de ensino, baseados na escola nova; f) o galego na escola, en que se prioriza a presenza ou ensino en galego para facilitar e optimizar a aprendizaxe; e f) o ensino da cultura galega nas escolas, en que se debe incluír no programa de estudos disciplinas referentes a Galicia.

Nome xenérico dos enzimas responsables do escurecemento oxidativo enzimático das froitas e dos seus derivados.

Enzima que hidroliza un enlace peptídico dun polipéptido.

Construción situada en Santiago de Compostela. Obra de Domingos Antonio de Andrade, está realizada en cantaría de granito e cuberta con tellas. Ten tres plantas e a fachada está enmarcada por dúas grandes pilastras. Na planta baixa ábrense tres arcos de medio punto sobre columnas formando soportais. Destaca a decoración das pilastras: dunha vieira nace unha sarta de froitas.

Construción situada sobre o río Chamoselo en Vilavella (As Pontes de García Rodríguez). Coñecida como a ponte romana, construíuse no s XIII e ten un só van de xisto. Sitúase no antigo camiño a Viveiro.

Conca terciaria formada pola existencia de bloques afundidos por onde discorre o río Eume sen encaixarse. Está recuberta por sedimentos cuaternarios formados por mantos detríticos e aluvións ao redor do río. Na conca altérnanse leitos de lignito e arxilas. É a reserva de lignitos máis importante de Galicia, e está en relación con outra máis pequena, a depresión de Roupar, de margas verdosas depositadas no Terciario e posteriormente fosilizadas. Nela sitúase a Central Térmica de Endesa.

Orde de cabalaría creada en 1202 para comandar a expedición contra o campesiñado pagán de Livonia e Letonia. Fusionouse coa orde Teutónica en 1237 e decaeu con ela.

Pequena bolsa ou carteira onde se gardan ou levan moedas.

Termo do verbo dos daordes ou xerga dos telleiros que corresponde á voz ‘banco (de facer as tellas)’.