"CIO" (Contén)

Parque nacional que ocupa 1.928 ha dos municipios de Daimiel e Villarrubia de los Ojos, na provincia de Ciudad Real, Castela-A Mancha. Foi creado en 1973 e é un exemplo do ecosistema chamado táboas fluviais, que se formou polos desbordamentos, na súa confluencia, dos ríos Guadiana e Gigüela, favorecido pola escasa pendente do terreo. Representa os ecosistemas ligados ás zonas húmidas continentais. Unha gran variedade de aves acuáticas viven na zona, e das máis adaptadas á auga están diversas especies de somorgullos, ademais de garzas e todo tipo de anátidas ibéricas. Da flora, as plantas acuáticas son o substrato básico do parque, e as únicas árbores presentes son os tarais. Este parque asegura a supervivencia dun gran número de aves que a utilizan como área de descanso. Ten, entre outras figuras de protección, a declaración de Reserva da Biosfera (1981).

Acción e efecto de tabular.

Entidade de produción creada en París polo goberno provisional revolucionario en febreiro de 1848, que se inspirou, aínda que desvirtuándoas, nas ideas sociais de Louis Blanc. Para combater a crise social e económica, os obreiros en desocupación forzosa foron colocados en obras públicas, pero o seu traballo, mal organizado, non foi rendible. A súa disolución ocasionou violentos incidentes.

Lacio s VI a C - Cumes s VI a C) Derradeiro rei de Roma (534-510 a C), fillo ou sobriño de Tarquinio Prisco. Conseguiu o reino ao morrer Servio Tulio. Perseguiu os senadores, oprimiu o pobo e afirmou a hexemonía de Roma sobre os outros pobos do Lacio.

Antropónimo masculino que provén do latín eclesiástico Tarsicius, Tharsicius, do grego Tharsikios ‘audaz, temerario’, derivado de Tharsos ‘valor, atrevemento, audacia’. Tharso era epíteto de Atena, como deusa do valor.

Acción e efecto de tartarizar.

Himenio dos ascomicetos e dos ascoliques.

Elemento químico de número atómico 43 e peso atómico 98,906, do grupo VIIB da táboa periódica. É un dos metais da segunda serie de transición, un supercondutor e presenta lixeiras propiedades magnéticas. Está totalmente ausente da codia terrestre, e detectouse espectrostopicamente nalgunhas estrelas. A súa aplicación máis importante deriva da propiedade do anión TcO4- de inhibir, a moi baixa concentración, a corrosión do aceiro. Foi descuberto en 1937 por E. Segré e C. Perrier.

Espazo natural protexido declarado Parque Nacional en 1954. Situado na illa de Tenerife, Canarias, abrangue 18.990 ha distribuídas nos municipios de La Orotava, Los Realejos, San Juan de la Rambla, La Guancha, Icod de los Vinos, Garachico, Santiago del Teide, Guía de Isora, Adeje, Vilaflor, Granadilla de Abona e Fasnia. Comprende o volcán Teide, de 3.718 m de altitude, e a caldeira volcánica de Las Cañadas. Xeomorfoloxicamente, toda a estrutura conta cunha gran variedade de formas como   covas ou domos. En canto á fauna as aves son o grupo máis representativo. Pódese atopar o lagarteiro, o pimpín azul do Teide, o canario, que forma grandes bandos en primavera e outono, o picanzo, a pomba brava, que habita de forma permanente, e a migratoria rula. Na primavera e no verán chegan bubelas, cirrios e outras especies. Existen unhas 400 especies de insectos, moitas delas endémicas, un único réptil (o lagarto tizón), e algunhas especies de morcegos e ourizos, que son os únicos mamíferos autóctonos....

Rama da enxeñaría que trata da transmisión de información a distancia. Claude Shannon, enxeñeiro estadounidense, foi o primeiro en tratar matematicamente os problemas das telecomunicacións, e ao resolver en 1948 os problemas básicos da comunicación, sentou tamén as bases da Teoría da Información. Esta teoría non se interesa polo aspecto semántico da información, senón por aspectos como a cantidade de información contida nunha serie de mensaxes e os requirimentos para transmitilos. Shannon estudou o problema de enviar unha mensaxe desde a fonte de información ao seu destino a través dun medio afectado por ruído. Esta mensaxe, ben pode ser voz (sinal analóxico), ou ben unha ringleira de caracteres (sinal dixital). Os sistemas de telecomunicación modernos normalmente dixitalizan a información antes de transmitila. Unha característica importante da mensaxe é a cantidade de información que contén, medida en bits, diferentes dos “bits” ou “binits” (binary digits, díxitos binarios) empregados...

Conxunto de técnicas que permiten obter información da superficie terrestre, das propiedades dos obxectos ou de todo á vez, sen contacto físico con eles e por medio da enerxía electromagnética que emiten ou refliten. Inclúe a fotografía aérea e a fotogrametría. OBS: Tamén se denomina percepción remota.

Telemando dos movementos dos vehículos que actúa por medio de ondas radioeléctricas, que ao ser captadas polo receptor deste, actúan sobre os mecanismos que accionan os temóns, as rodas e os outros elementos de dirección.

Acceso á información documental por medios teleinformáticos. Dada unha base de datos informatizada, pode accederse mediante redes de telecomunicacións desde calquera terminal ou microordenador, conectado ao ordenador que a contén.

Proceso evolutivo mediante o que o telencéfalo dos vertebrados acada un desenvolvemento e unha complexidade maior a medida que avanza na escala evolutiva. Vaise desenvolvendo unha zona de substancia gris, o neopalio, que vai adquirindo unha importancia cada vez máis grande ata envolver todo o antigo palio, que queda nunha situación interna. Este desenvolvemento do neopalio acompáñase dunha diminución de bulbos olfactivos e dun aumento das funcións superiores: intelixencia, memoria e percepción sensorial.

Proceso químico catalítico en que unha ou máis moléculas dunha substancia se combinan cos fragmentos doutra molécula, denominada telóxeno, que quedan como grupos terminais da cadea oligomérica así formada, que recibe o nome de telómero.