"Red" (Contén)

1. Parede ou muro moi grosos de defensa ou contención.

2. Parede mestra que quedou en pé nun edificio en ruínas.

3. Muro fronte ao que se executa un fusilamento.

PERSOEIRO

Escritor, historiador e diplomático ecuatoriano. Formou parte do grupo de Guayaquil, xunto con D. Aguilera ou José de la Cuadra. A súa obra, marcada polo realismo, avanza na caracterización dos personaxes, na composición dos diálogos e nas reflexións monologadas, mentres que os temas reflicten a historia e a sociedade do seu país. Da súa produción destacan El muelle (1933), Hombres sin tiempo (1941), La hoguera bárbara (1944) e La Manticora (1974). Escribiu tamén os ensaios Thomas Mann y el nuevo humanismo (1956) e Ensayos de ensayos (1981). Recibiu o Premio Nacional de Cultura Eugenio Espejo (1979).

PERSOEIRO

Economista e sociólogo. Utilizou o método matemático e destacou no campo da economía do benestar. É moi coñecida a súa lei sobre distribución estatística das rendas. Nas súas análises desenvolveu unha teoría sobre a elite da sociedade polo que foi relacionado co fascismo. A súa obra económica concrétase en dous libros Cours d’économie politique (1896-1897) e Manuale di economia politica (1906).

PERSOEIRO

Escritor e xornalista italiano. Comezou a súa carreira literaria con Il ragazzo morto e la cometa (1951), e conseguiu un éxito total con Il prete bello (1954). Posteriormente publicou as novelas Il fidanzamento (1956), Amore e fervore (1959), Il padrone (1965) e Biafra (1968), o diálogo L’assoluto naturale (1966), os apólogos de Il crematorio di Vienna (1969), contos como Sillabario nº 1 (1972) ou Sillabario nº 2 (1982), diversas reportaxes xornalísticas e o libro de narracións Gli americani a Vicenza (1987).

PERSOEIRO

Xurista e economista. Pioneiro da moderna teoría do dereito humanitario, defendeu un liberalismo clásico. Opúxose á Guerra de Crimea (1853-1856) e en 1867 fundou a Liga Internacional da Paz. Escribiu Mélanges économiques (1857), Les Machines et leur influence sur le développement de l’humanité (1866) e L’Histoire du travail (1873). Recibiu o Premio Nobel da Paz (1901), xunto con Jean Henri Dunant.

PERSOEIRO

Actor cinematográfico estadounidense. Interpretou habitualmente a figura do heroe prototípico, sobre todo en filmes de aventuras e westerns. Das súas películas destacan Days of Glory (1944), Duel in the Sun (1947), Moby Dick (1956), Designing Woman (1957), Cape Fear (1962), To Kill a Mockingbird (1962, Oscar ao mellor actor), I Walk the Line (1970), The Boys from Brazil (1978), Old Gringo (1989) e Other’s People Money (1991). Foi galardoado co Premio Donostia (1986), co Premio Especial de Cannes (1989) e co Goldener Bär de Berlín (1993) pola súa carreira cinematográfica.

PARROQUIA

Parroquia do concello de Baralla baixo a advocación de san Xoán.

PARROQUIA

Parroquia do concello de Lugo baixo a advocación de san Vicente.

MONTES

Monte situado no SO da parroquia da Cervela (O Incio). O seu cumio acada os 655 m de altitude.

MONTES

Monte situado no extremo NL da parroquia de Saa (A Pobra do Brollón). O seu cumio acada os 1.200 m de altitude.

MONTES

Monte situado no límite das parroquias de Val do Carrio (Lalín) e Asorei (Vila de Cruces). O seu cumio acada os 831 m de altitude.

MONTES

Monte situado na parroquia de Entrimo, no concello homónimo. O seu cumio acada os 708 m de altitude.

PARROQUIA

Parroquia do concello de San Cristovo de Cea baixo a advocación de santa Baia.

PERSOEIRO

Mestre. Exerceu en Verín e en Viveiro. Publicou en Douro-Litoral unha serie de voces galegas vivas en Verín, Viana, Celanova, Xinzo e Viveiro e que, posteriormente, a editorial Galaxia incluíu no apéndice “Vocabulario de voces que no figuran en el cuerpo de la obra” do Dicionario enciclopédico gallego-castellano (1958-1961), de Eladio Rodríguez.

PERSOEIRO

Pintor. De estilo barroco, foi discípulo de Pedro de las Cuevas en Madrid e traballou uns anos na Corte de Filipe IV. Cultivou a pintura relixiosa, a natureza morta e as vaidades, nunhas composicións con gran coidado dos detalles e unha contrastada luminosidade. Da súa produción destaca El sueño del caballero (1670).

PERSOEIRO

Escritor. Residiu en Santander, aspecto que condicionou a súa obra. Deputado carlista en 1873, comezou a súa andaina literaria coa elaboración de breves cadros de costumes, como en Escenas montañesas (1864) e Tipos y paisajes (1871). Da súa obra, encadrada dentro da novela rexional e centrada na paisaxe e o ambiente da súa terra, destaca El sabor de la tierruca (1882), Sotileza (1885) e Peñas arriba (1894). Foi elixido membro da Real Academia Española (1897).

MONTES

Monte situado na parroquia de Covas (Montederramo). O seu cumio acada os 1.048 m de altitude.

PERSOEIRO

Político. Doutor en Químicas, ingresou no PSOE en 1974. Deputado no Congreso desde 1993, foi ministro de Educación (1992-1993) e da Presidencia (1993-1996), e desde 2004 voceiro do grupo parlamentario socialista.

PERSOEIRO

Militar e político. Foi comandante do corpo de sanidade militar e director do Hospital Militar de Vigo (1922). Co apoio dos sectores anticaciquís e do xornal El Emigrado, presentouse ás eleccións a Cortes en 1920 polo distrito da Estrada, aínda que non chegou a acadar o escano. Foi alcalde de Vigo, presidente da Sociedad Casino de Vigo e gobernador civil de Huesca na Ditadura de Primo de Rivera (1923-1930).

PERSOEIRO

Físico francés. Inventou, xunto con Charles Fabry, un tipo de espectrómetro interferencial que permite separar radiacións moi próximas e que contribuíu decisivamente ao progreso da análise espectral.