"Ya" (Contén)

Ken da illa de Honshū, Xapón (4.252 km2; 1.120.851 [2000]). A súa capital é Toyama.

Revista publicada en Santiago de Compostela a partir de maio de 1919. Cesou en xullo de 1920 (nº24). Subtitulada “Revista quincenal de cultura galaica. Arte-Literatura-Historia-Sociología”, e dirixida por Armando Cotarelo Valledor, contou con destacadas colaboracións literarias. Promoveu distintos aspectos da cultura galega, fuxindo de cuestións políticas, e manifestou proximidade coas ideas rexionalistas, partidarias dun uso folclórico do galego.

Agrupación cultural e galeguista fundada por Álvaro de Las Casas Blanco en febreiro de 1932 xunto con outros galeguistas, como Fermín Bouza-Brey. A través de viaxes culturais, promovía o estudo e coñecemento dos costumes e do folclore galego.

Partido político catalán, fundado en 1931 como partido catalanista e democrático de inspiración cristiá, pero non confesional. Durante a Guerra Civil mantívose fiel ás institucións catalás e democráticas pero manifestou a súa oposición aos gobernos que as rexían. Ao termo da guerra moitos dos seus membros exiliáronse e outros reorganizárona clandestinamente en 1941. En 1965 formou parte do Equipo Democratacristiano de España, co que se integrou na Unión Europea e na Unión Internacional Democratacristiá. En 1979 formou con Convergència Democràtica de Catalunya (CDU) a coalición Convergència i Unió (CiU) coa que conseguiu representación nas institucións catalás, españolas e europeas e formou parte dos gobernos da Generalitat (1980-2003). Foi presidida por Miquel Coll i Alentorn ata 1988, Joan Rigol i Roig (1988-1990) e Josep Antoni Duran i Lleida, desde 1990.

ou Utunomiya Capital do ken de Tochigi, situada na illa de Honshū, Xapón (440.353 h [1997]). É centro industrial e agrícola, con industrias téxtiles e alimentarias.

Membro da terceira casta tradicional de India, constituída en época védica por agricultores arios, e posteriormente por comerciantes, funcionarios subalternos, burgueses acomodados e outros.

Termo que designa o budismo de tendencia tántrica en tanto que reelabora o yogāchāra de Asanga interpretando sexualmente os preceptos e as lendas do budismo.

Antiga cidade do S da India, no estado de Mysore, na ribeira dereita do Tungabhadra. Na actualidade Hampi ocupa unha parte das ruínas. Foi fundada en 1336 polos cinco fillos de Sa ṅ gama. Foi a capital do Reino de Vijayanagara, que se estendía polos estados de Mysore, Andhra Pradesh e Tamil Nadu. En 1485 rematou a dinastía Sa ṅ gama e a dinastía Saluva usurpou o poder ata que foi substituída pola Tuluva (1505?). No reinado de K ṛ i ṣ n.ā Deva Rāya (1509-1529) as fronteiras estendéronse cara ao N, ata o río Krishna. Os seus sucesores sucumbiron ante a fronte común islámica e en 1565 a cidade de Vijayanagara foi destruída. O imperio continuo na nova capital, Penukonda (Andhra Pradesh), ata 1614.