"An" (Contén)

PARROQUIA

Parroquia do concello das Neves baixo a advocación de santa Eulalia.

PARROQUIA

Parroquia do concello das Neves baixo a advocación de san Pedro.

1. Que batalla.

2. Aplícase ao león rampante situado en fronte doutro no campo do escudo.

1. Máquina artesanal que funciona pola forza hidráulica, polo que se localiza en lugares que dispoñen de auga corrente. Coa forza motriz da auga ponse en movemento un mecanismo para bater o tecido, especialmente os panos e mantas, que saen amazocados do tear, desengraxados e cunha textura compacta e consistente para resistir mellor o frío e a choiva. Consta de tres pezas fundamentais que van unidas unhas ás outras: a roda motriz vertical que xira impulsada pola auga e move o eixe horizontal; dous mazos de madeira pendurados dunha bisagra de movemento constante e rápido para bater o tecido e, por último, unha pía ou cuba con auga onde se vai mollando o tecido. Os primeiros batáns apareceron en Europa na Idade Media. En Galicia constituían a base dunha industria doméstica moi produtiva no período 1770-1790, momento no que existían 166 batáns tradicionais establecidos principalmente no Baixo Ulla, a Alta Limia, o Alto Arnoia, a Terra de Montes e nas xurisdicións de Mondoñedo, Paderne, Allariz,...

2. Construción arquitectónica e mecánica que acolle o batán ou folón.

RIOS

Río afluente do Masma pola dereita que drena o val de Lourenzá. Nace no lugar das Redondas, no SL da parroquia de San Adrao de Lourenzá (concello de Lourenzá), a 400 m de altitude. Adopta un curso de dirección SL-NO e atravesa as catro parroquias do concello de Lourenzá. Na de San Xurxo de Lourenzá recibe pola esquerda o seu principal afluente, o Baus. Prosegue o seu curso cara ao NO e pasa pola capital municipal, Vilanova de Lourenzá, desembocando, logo dun percorrido duns 11 km, preto da aldea de Ribeira, na parroquia de Santa María de Lourenzá, achegando ao Masma un caudal de 1,64 m3/s.

ILLAS

Grupo de pequenas illas das Filipinas, no estreito de Luzón, ao N da illa de Luzón, que constitúen a provincia administrativa de Batanes. A poboación concéntrase nas chairas litorais e os seus principais recursos económicos son a agricultura e as minas de carbón. O maior núcleo de poboación é a cidade de Basco, na illa de Batán.

PERSOEIRO

Político da Restauración. Fiel a Isabel II, foi elixido deputado polo distrito de Muros en 1864 e 1872. Oposto á Constitución de 1876, defendeu a de 1845.

CIDADES

Cidade da rexión de Luzón Central, na illa de Luzón, Filipinas (184.000 h [1990]). Importante porto pesqueiro e comercial na baía do seu mesmo nome, posúe industrias alimentarias e unha refinería de petróleo.

PERSOEIRO

Debuxante. Foi un dos clásicos do debuxo humorístico británico de situacións socialmente insólitas ou molestas. Foi colaborador da revista Punch. O libro The man who drew the twentieth century (O home que debuxou o século vinte, 1969) é unha antoloxía da súa obra.

PERSOEIRO

Actor cinematográfico inglés. Foi unha das grandes figuras do teatro inglés dos últimos anos coa súa formación clásica forxada no Royal Court Theatre. Foi nominado ao Oscar polo seu papel en The fixer (O home de Kiev, 1967). Interpretou moitas películas de éxito, como The entertainer (O animador, 1960), Zorba the greek (Zorba o grego, 1964), Women in love (Mulleres namoradas, 1969) de K. Russell, An unmarried woman (Unha muller solteira, 1978) de P. Mazursky, Quartet (Cuarteto, 1981) de J. Ivory, A prayer for the dying (Réquiem polos que van morrer, 1987), Hamlet (1991), Secret friends (Amigos segredos, 1992) e Silent tongue (Lingua silenciosa, 1993).

CAPITAIS

Capital do il de Batman, na rexión da Anatolia Oriental, Turquía (186.178 h [1995]).