"Pla" (Contén)

Asociación sen ánimo de lucro, con sede en Vilagarcía de Arousa, que naceu en 1994 para loitar contra o narcotráfico e denunciar socialmente a súa problemática. En 1999 creou o Comité de Axuda ao Drogodependente e en 2002 transformouse en Fundación Galega contra o Narcotráfico. As súas liñas de actuación baséanse na prestación de asesoramento e información, no desenvolvemento de campañas de prevención e sensibilización, na realización de foros de debate e xornadas formativas, e na elaboración e divulgación dun cómic para os nenos.

Organización constituída en xullo de 1975, integrada polo Partido Socialista Obrero Español (PSOE), varios partidos socialdemócratas e democristiáns, e algunhas organizacións de extrema esquerda, como a Organización Revolucionaria de Trabajadores (ORT) e o Movimiento Comunista de España (MCE). Mantivo un diálogo co goberno e tivo grandes dificultades para coordinar criterios e actividades, ata que se uniu en 1976 coa Junta Democrática de España, promovida polo Partido Comunista de España (PCE), e formou a Coordinacion Democrática en marzo de 1976.

Coordinación Democrática.

Xénero de aves, da familia dos tresquiornítidos, que presenta a plumaxe de cor branca, o peteiro longo e aplanado de cor negra co extremo amarelo, e as patas negras. En Galicia está presente como hibernante o cullereiro común.

tresquiornítido.

Planta herbácea perenne, acuática, de ata 150 cm de altura, que presenta rizoma groso con brotes, talos ergueitos dos que saen follas longas, flores unisexuais dispostas nunha inflorescencia en glomérulo e froito en aquenio elipsoide. Florece entre xuño e agosto. En Galicia pódese localizar en augas tranquilas e pouco profundas, e nas ribeiras dos lagos.

Xénero de plantas herbáceas, da familia das orquidáceas, que presentan unha raíz tuberosa, un escapo floral con follas ben desenvolvidas, flores de cor branca ou verdosa dispostas en espiga e un esporón cilíndrico. En Galicia está presente na metade N a especie P. bifolia.

Xénero de árbores, da familia das platanáceas, que presenta follas alternas, lobuladas e tronco recuberto dunha cortiza que se desprende en placas. As flores son unisexuais e o froito é un aquenio que está envolto por pelos longos na base. Unha das especies máis coñecidas é o plátano de sombra.

Antiga cidade de Grecia, situada na rexión de Beocia, nos confíns de Ática e ao pé do monte Citerón. Aliada con Atenas na Batalla de Maratón, posteriormente foi atacada polos peloponesos e destruída polos tebanos (427 a C). Filipo de Macedonia permitiu aos seus habitantes que repoboasen a cidade, pero nunca recobrou o esplendor perdido.

Enfrontamento entre gregos e persas no transcurso da Segunda Guerra Médica (479 a C). Supuxo a vitoria grega e o abandono persa da Hélade.

Estado de Nixeria (58.030 km2; 3.671.498 h [estim 1995]). A súa capital é Jos.