"BRE" (Contén)

Sistema económico que se basea na libre circulación de mercadorías.

Doutrina económica que se basea no librecambio pola que non se deben impedir as importacións nin obstruír as exportacións. Ataca á existencia de aranceis, ás restricións cuantitativas e de outros medios que limitan a circulación de produtos entre os países, pero xustifica a existencia de controis e imposicións con obxectivos fiscais ou sanitarios. No s XVII empregouse para indicar a libre entrada nos gremios e compañías de comercio, e máis tarde como o dereito de comerciar co estranxeiro á marxe das compañías comerciais. Tomou corpo durante o s XVIII a través da fisiocracia (laissez faire, laissez passer, la monde va par lui-même) e Adam Smith, que estableceron que a división internacional do traballo leva a unha maior especialización e, polo tanto, a unha asignación máis racional dos recursos e a un nivel de vida máis elevado. A. Hamilton falou da protección das industrias novas (1791), o que deu paso ao proteccionismo. O librecambismo foi unha constante da teoría económica ata...

Xornal editado en Santiago de Compostela a partir de 1875 que cesou o 20 de marzo de 1887. Fundado por A. Rey Varela e X. Mª Paredes, propietario dos obradoiros tipográficos onde se imprimiu na primeira etapa, o seu propietario e director pasou axiña a ser Antonio Toledo ata a súa morte, o 16 de marzo de 1885, a quen sucedeu Alfredo Brañas. Na derradeira época, o xornal estivo a cargo de Hermenexildo Calvelo. Baixo o subtítulo de “Periódico católico, político e literario”, foi un destacado defensor dos intereses da Igrexa á marxe da política.

Termo do latín dos chafoutas ou xerga dos albaneis e tamén do verbo dos daordes ou xerga dos telleiros que corresponde á voz ‘libro’.

Secta creada por Anthony Collins (1676-1729) a partir da obra A ; Discourse on Freethinking, Occasion’d by the Rise and Growth of a Set Call’d Free-Thinkers (1713). Nela, defendeu a razón humana como medio para interpretar a relixión cristiá e intentou mostrar a falta de certeza da profecía e do rexistrado no Novo Testamento. Tamén escribiu A ; Discourse of the Grounds and Reasons of the Christian Religion (1724) e The Scheme of Literal Prophecy Considered (1727), onde tentou probar a falsidade da relixión cristiá.

Doutrina que reclama para a razón individual unha independencia absoluta de calquera criterio sobrenatural en materia relixiosa.

Compañía teatral fundada na Coruña e integrada por Xosé Ramón, director de escena, e Miguel Pernas, actor. Os seus obxectivos son afrontar os retos do novo milenio desde unha perspectiva da produción e xestión teatrais totalmente aberta, coincidente co que vai ser o parámetro esencial do futuro próximo, a liberdade. Dos seus espectáculos destacan Mourenza (1995-1996), O Barbeiro de Sevilla (1997), Cyrano de Bergerac (1999, premio ao mellor espectáculo nos IV Premios María Casares), Otelo (2000), A morte e a doncela (2001), As obras completas de Will Shakespeare (Abreviadas) (2002) e Os cárceres do olvido (2003).

Persoa que escribe libretos.

Texto literario que acompaña unha obra musical ou dramática.

Informe da Unesco que se realiza desde 1993, en que se evalúa o estado das linguas do mundo, tanto das linguas xa mortas como das linguas en perigo de extinción ou das linguas máis ou menos estabilizadas. Segundo este documento, só 45 das 94 linguas europeas están fóra de perigo de ser substituídas. Neste informe o galego aparece como unha lingua potencialmente en perigo.

Pequeno grupo político español fundado en 1973 por elementos separados do grupo Comunismo. Como sección española do Comité Internacional da IV Internacional e trotskista, defendía un programa ultrarradical, baseado nunha república soviética de campesiños e obreiros.