"To" (Contén)

Extirpación dunha vea ou de parte dunha vea.

Coágulo de fibrina incrustado de sales calcarios, que se atopa ás veces no interior das veas, sobre todo nas varicosas.

Incisión realizada nunha vea, especialmente para practicar unha sangría.

Instrumento para practicar flebotomías.

Persoa que se dedica á floricultura.

Construción situada en Camos (Nigrán). Ten planta en escuadro con baixo e piso. Conserva unha escaleira con patín. Na fachada destaca o escudo coas armas dos Troncoso e Soutomaior. Ten un portón arquitrabado con ameas.

Brazo de mar que comunica o golfo de México co Atlántico, situado entre a península de Florida, nos EE UU, e as illas de Cuba e das Bahamas.

Lenda áurea.

Documento editado polo impresor burgalés Juan de Bobadilla en Santiago de Compostela, posiblemente en 1483. Consta de 228 follas de tamaño folio, con letra gótica dun só tamaño, distribuído en dúas columnas de 37 liñas cada unha. Consérvase na Library of Congress, en Washington D C.

Substancia hipotética postulada por G. E. Stahl a finais do s XVII para explicar a combustión, a calcinación dos metais, a respiración, a fermentación e a putrefacción. A teoría do floxisto foi a reformulación científica do antigo principio do lume. Segundo Stahl, o floxisto formaba parte de todas as substancias combustibles ou transformables pola calor e desprendíase ao queimalas ou calcinalas, e permitía que os óxidos se retransformasen en metais ao quentalos con carbón. Esta teoría non perdeu vixencia ata a aparición da teoría da oxidación de A. L. Lavoisier.

Axente antifúnxico que se sintetizou no ano 1967. É activa sobre todo contra a Candida albicans e o Aspergillus fumigatus. En medicina emprégase no tratamento das micoses internas e, asociado coa amfotericina B, é moi útil en individuos con insuficiencia renal.

Termo extremo da serie dos apatitos, de fórmula Ca5(PO4)3. É o mineral máis corrente da serie, e por iso ás veces fáiselle referencia cando se fala de apatitos. A cor é totalmente variable e depende das impurezas.

Cada un dos derivados do ácido fluoroacético (CH2FCOOH). Tanto este ácido como os seus derivados descompóñense no interior do organismo e liberan ácido fluorhídrico, de xeito que actúan como velenos retardados. O fluoroacetato sódico emprégase como raticida.

Disimetría dos rexistros termopluviométricos das vertentes de barlovento e sotavento dunha montaña. Prodúcese pola interposición do relevo na traxectoria dunha corrente de aire, de xeito que obriga a esta a ascender en altitude para superala, o que implica un descenso de temperatura que pode chegar ao punto de condensación da auga; ao producirse a precipitación sobre a vertente de barlovento a masa de aire que chega a sotavento é seca. A persistencia de fluxos dunha compoñente determinada modifica as características de ambas as vertentes, de xeito que unha é extremadamente seca en comparación coa outra.