"Das" (Contén)

PERSOEIRO

Patricio bizantino. Irmán de Teodosia (esposa do Emperador Teófilo), durante a minoría de idade do seu sobriño, o Emperador Miguel III, asumiu a rexencia (856-866). Destituíu ao Patriarca de Constantinopla, Ignacio, e substituíuno por Focio (858), feito que orixinou o primeiro intercambio de anatemas entre Roma e a Igrexa Bizantina. Fundou a célebre escola de Magnaura. Baixo o seu goberno, a cultura bizantina rexurdiu e iniciouse a evanxelización dos pobos eslavos. O Emperador, influído por outro favorito, o futuro Emperador Basilio I, mandou asasinalo.

PERSOEIRO

Escritor arxentino. Foi o fundador e director de El teatro del pueblo, e director das revistas Metrópolis e Conduta. Cultivou diversos xéneros. Destaca a novela realista La ciudad de un hombre (1945), na que describe a vida das clases humildes e propugna unha solución revolucionaria. Publicou tamén Royal Circo (1930), La edad del trapo (1956), De espaldas a la luna (1964) e Aunque llueva (1970).

PERSOEIRO

Pintor. Viviu en Barcelona, onde realizou a maior parte da súa obra. Foi un dos primeiros pintores americanos interesados polo Cubismo e o seu estilo estivo moi emparentado co Futurismo italiano xa que tiña un compoñente dinámico, por iso intentou crear o Vibracionismo. Expuxo nas galerías Dalmau e colaborou en publicacións como Un enemic del poble.

PERSOEIRO

Navegante e explorador. En 1501, acompañado de Juan de la Cosa e Vasco Núñez de Balboa, percorreu o litoral colombiano. En 1521 fundou a colonia de Santa Marta.

ARQUIPELAGOS

Arquipélago británico do Atlántico Setentrional formado por unhas 360 illas e illotes de orixe coralina (53,5 km2; 64.000 h [1998]). As illas máis importantes son a de Bermuda ou Gran Bermuda (Great Bermuda ou Main Island) e as de Saint George’s, Ireland, Watford, Somerset e Gate. O arquipélago sitúase a 32° de latitude N e 65° de latitude O, 965 km ao L do litoral oriental dos EE UU, e a súa capital é o porto de Hamilton, na illa Bermuda.
Xeografía
O arquipélago é unha formación coralina, feito excepcional nesta latitude. Ao carecer de mananciais, o abastecemento de auga debe facerse por medio de estacións potabilizadoras. O clima é oceánico temperado, e as temperaturas oscilan entre os 7°C de mínima e os 33° de máxima. Está nunha área atravesada por furacáns, especialmente frecuentes ao remate da estación estival. Os principais recursos económicos son a agricultura (destacan os cultivos de horta e de flores) e a pesca (cunhas capturas en 1996...

RIOS

Río da Península Ibérica, o máis oriental dos que desembocan no Mar Cantábrico (67 km). Nace no Pireneo navarro. Flúe en dirección S-N ata Irún (Gipuzkoa) onde desauga. Dende Endarlaza, punto no que abandona a Comunidad Foral de Navarra e penetra en Euskadi, ata a súa desembocadura, serve de fronteira entre os estados español e francés. É un río de réxime pluvial.

PERSOEIRO

Célebre barman que converteu o habaneiro ‘Floridita’ nun dos establecementos máis famosos do mundo no seu momento. En 1926 instalouse en Barcelona, fundou sete anos despois o Boadas Cocktail Bar. Tralo seu pasamento sucedeuno a súa filla María Dolores, autora do libro Los cócteles de Boadas Cocktail Bar.

PUBLICACIÓNS

Publicación que apareceu en maio de 1988 en Carballo, Lugo e Ferrol, baixo a coordinación de F. Fernández. Foi subtitulado como “Asociación dos ensinantes de Ciencias de Galicia”. Na área de montaxe figuraba o nome de P. Abraldes. Tratábase dun boletín profesional no que o sumario estaba composto por seccións como “A formación do profesorado”, “Experiencias didácticas”, “Grupos de traballo”, “Ciencia e Sociedade”, etc. A lingua utilizada era o galego e o consello de redacción estaba composto por Manuel Alonso Mougán, Antón Castelo, Santaballa, Manuel Lamelo Iglesias, Xosé Vázquez Tato e Luís Cachafeiro Chamosa, entre outros. A periodicidade era irregular, cunha media de dous boletíns cada ano, que abanguían as áreas de Matemáticas, Informática, Astronomía, Electricidade, Medio Ambiente, Física, Xeoloxía, etc. No ano 1997 introduciuse un caderniño central titulado “Fondo de publicacións da ENCIGA”, no que se informaba do material dispoñible na asociación: revistas, actas, manuais, etc. Editaban...

PERSOEIRO

Pretendente carlista á coroa de España co nome de Carlos VII. Neto de Carlos María Isidro de Borbón e sobriño do conde de Montemolín. En 1866 casou con Margarida de Borbón, filla do duque de Parma. Reorganizou o Carlismo. En 1869 promulgou o seu primeiro manifesto político onde prometeu a defensa da unidade relixiosa, a descentralización política e o proteccionismo económico. Ese mesmo ano intentou un golpe militar a prol do Carlismo. En 1872 impulsou a loita carlista, que se estendeu a Catalunya, País Vasco e Navarra, que continuou despois da proclamación de Afonso XII (1874) e que rematou en 1876. Un ano despois reorganizou de novo o Carlismo e en 1900 fixo un novo levantamento militar. Sucedeulle como pretendente o seu fillo Xaime de Borbón e de Borbón-Parma.

PERSOEIRO

Escritor e profesor de idiomas. Catedrático de francés e de italiano, publicou diversas obras entre as que destacan: Gramática italiana (1824), Arte de hablar bien el francés (1848), El inglés sin maestro (1848) e Colección de temas para ejercitarse en la tradución del catalán al castellano (1857).

PERSOEIRO

Xeneral espartano durante a Guerra do Peloponeso. No 424 a C conquistou a colonia ateniense de Anfípolis (Calcídica). Morreu na batalla de Anfípolis nun enfrontamento coa expedición ateniense da reconquista.

PERSOEIRO

Escritor e editor lituano. Coa ocupación soviética marchou a Alemaña (1944) e despois aos EE UU (1949), onde se dedicou á edición dunha Lietuviu Enciklopedija (Enciclopedia Lituana); máis tarde levou a cabo unha publicación sobre a cultura lituana titulada Lietuviu Dienos (Días lituanos). Poeta de grandes contrastes, recibiu tanto as influencias realistas como románticas, líricas ou dramáticas. Destaca o seu libro de poemas Amzinas zydas (O xuízo eterno, 1931).