"Francia" (Contén)

PERSOEIRO

Raíña de Navarra, filla de Enrique II de Francia e de Catarina de Medici. Casou en 1572 con Enrique III de Navarra (Enrique IV ; de Francia), pero o Papa Clemente VII anulou o matrimonio por ter numerosos amantes. Conservou o título de raíña ata a súa morte.

PERSOEIRO

Escritora francesa. Todas as súas obras conservadas están escritas en versos pareados de oito sílabas. Traduciu do latín unha serie de fábulas esópicas (Ysopet, 1170?) e unha narración sobre o purgatorio de san Patricio (Espurgatoire Saint Patrice, 1190?). A súa obra máis destacada e persoal son doce lais (1167?), narracións en verso de carácter amoroso e fantástico, que contiñan unhas anécdotas coas que se compuxeron cancións líricas, coñecidas na lírica inglesa, bretoa e francesa.

PERSOEIRO

Rei de Francia (887-898) e conde de París, fillo de Roberto IV o Forte. Derrotou os normandos (886 e 888), que atacaran París, pero foi derrotado por eles en 889. Someteuse a Arnulfo I de Xermania, quen lle deixou gozar pacificamente do reino. Tivo que loitar contra diversos rivais e pactou con Carlos III de Francia o Simple, protexido tamén por Arnulfo, e repartiuse con el o reino en 897. Correspondéronlle os países entre o Sena, o Atlántico, a terra dos sarracenos e o Mediterráneo.

MONTES

Monte situado no límite entre as parroquias de Dozón, no concello homónimo, e Arnego (Rodeiro). O seu cumio acada os 914 m de altitude.

PICOS

Pico máis elevado da serra de Francia, na provincia de Salamanca, situado no Sistema Central da Península Ibérica. Acada os 1.723 m de altitude.

PERSOEIRO

Duquesa de Ferrara (1534-1559), filla de Luís XIII de Francia. Foi discípula de Lefèvre d’Etaples e adheriuse á Reforma. En 1559 trasladouse a Francia onde colaborou cos hugonotes.

PERSOEIRO

Rei de Francia (922-923), fillo de Roberto IV o Forte. Ao morrer o seu irmán, o Rei Odón I de Francia (898), sucedeuno nos condados de París e de Anjou e no ducado de Francia. Foi elixido rei en Reims por unha facción da nobreza e morreu loitando contra o monarca lexítimo, Carlos III de Francia, na Batalla de Soissons.

PERSOEIRO

Rei de Francia (996-1031), fillo e sucesor de Hugo I de Francia. Fomentou a tregua de Deus, enfrontouse coa nobreza feudal e recuperou os condados de Dreux (1015) e Melun (1016) e o ducado de Borgoña.

PERSOEIRO

Político paraguaio. Latinista, avogado de ideas liberais e deputado (1809), uniuse aos independentistas de Paraguay. Desprazou o resto de dirixentes ata proclamarse cónsul (1811-1816) e ditador vitalicio (1816-1840). Estableceu un réxime nacionalista que afirmou a independencia de Paraguay fronte a España, Brasil e Arxentina.

PERSOEIRO

Rei de Francia e Navarra, fillo póstumo de Luís X de Francia. Morreu ao pouco de nacer.

PERSOEIRO

Rei de Francia (1350-1364), fillo de Filipe VI e Xoana de Borgoña. De temperamento impulsivo e desequilibrado, falto de sentido político, deixou o goberno en mans de privados incompetentes. Tivo que enfrontarse cos ingleses e foi derrotado polo Príncipe Negro en Poitiers (1356). Conducido a Londres, en 1359 cedeu aos ingleses a metade de Francia para ser liberado. Polo Tratado de Brétigny foi liberado (1362), despois de comprometerse a pagar un rescate ao tempo que dous dos seus fillos permaneceron como reféns. Ao fuxir un deles, prendérono de novo.