"Nan" (Contén)

PERSOEIRO

Rei de Tailandia (1935-1946). Sucedeu ao seu tío Prajadhipok (Rama VII de Siam). Gobernou baixo un consello de rexencia e morreu asasinado como consecuencia dun Golpe de Estado. Sucedeulle o seu irmán, Bhumipol Adulyadet, en 1950.

PERSOEIRO

Sumo sacerdote xudeu durante os anos 47-59. En Xerusalén opúxose ao apostolo Paulo. Foi asasinado polos zelotas pola súa amizade cos romanos.

1. Aplícase ao que é máis pequeno en comparación cos demais da súa especie.

2. Que está afectado de ananismo.

3. Especie temperá de mazá.

4. Ser mítico que, segundo a crenza popular, habita nas forxas dos ferreiros, a carón do fogón; caracterízase pola súa bondade e agarimo cara aos nenos, aos que cura de moitas doenzas. Pode adoptar diferentes formas como as de bolboreta, paxaro ou verme, pero é máis coñecida a súa figura de homiño pequeno, con barba moi branca e longa, que se agocha en profundas covas e fragas moi mestas.

CIDADES

Cidade do estado de Andhra Pradēsh, India, ao N de Bangalore (174.792 h [1991]).

GALICIA

Descendente por liña paterna de Alonso de Lanzós, foi un dos protagonistas das Revoltas Irmandiñas. Licenciado canonista no Colegio de San Bartolomé de Salamanca, obtivo a cátedra de Decretais neste mesmo centro. Foi oidor da Real Audiencia de Sevilla, fiscal da suprema Inquisición de España e conselleiro do Tribunal. Ao tempo que ocupaba o cargo de Vicerrei, foi nomeado Arcebispo de Palermo e de Jaén. Neste último lugar fixo proclamar o culto a San Pedro Pascual por bula do Papa Clemente X.

PERSOEIRO

Militar e político galego da familia dos Andrade. Foille outorgado o título de conde de Andrade en 1480 polos Reis Católicos e tras vencer aos franceses en Seminara en 1503, gañoulles 13 bandeiras e incorporou o seu emblema ao escudo dos Andrade. Destacou na campaña de Nápoles como Lugartenente do Gran Capitán. Defendeu nas Cortes de Castela convocadas por Carlos I en 1520 a concesión do Voto en Cortes para Galicia que fora suprimido en 1476, ao quedar supeditado ao voto de Zamora. Como consecuencia, parece ser que o Rei o desterrou á Coruña; aínda que, segundo algúns investigadores, o certo é que volveu á cidade herculina como enviado do Emperador para preparar a recepción do Rei. Alí foi nomeado Capitán Xeneral da Armada en Flandres. Promoveu e organizou expedicións da Armada en terras americanas. Na segunda campaña comandada por Pedro de Mendoza en 1535 fundouse a cidade de Bos Aires.

PERSOEIRO

Relixioso da Orde dos franciscanos. Ingresou no colexio de pasantes de Alba de Tormes en novembro de 1770 e concluíu o seu trienio no ano 1773. Xa no 1786 exerceu como discreto no convento de San Francisco de Santiago e o 10 de xuño de 1790, desempeñando o cargo de gardián do convento de Lugo, fixo o acostumado xuramento de examinador sinodal. No ano 1804, data da súa morte, ocupaba o cargo de gardián do convento de Ferrol. A súa obra está en relación coa situación que ocupaba de predicador xeral. Así, publicou as obras: Sermón que en acción de grazas por el feliz nacimiento de los señores infantes gemelos Carlos y Felipe... dijo en Betanzos, el 26 de diciembre de 1783, el P. ____ (1784) e Elogio fúnebre que en honor del católico rey d. Carlos III dijo, en el día 23 de enero del año de 1789, en la iglesia de N. P. San Francisco de la villa de Ferrol, el P. ___(1789).

PERSOEIRO

Bispo de Palencia en 1628, de Burgos en 1631 e de Sigüenza en 1640. En 1636 foi Vicerrei e Capitán Xeneral de Navarra e nove anos máis tarde fíxose cargo do Arcebispado de Compostela. Publicou nesta cidade en 1648 o libro Constituciones sinodales.