"Santa María" (Contén)

IGREXAS

Igrexa parroquial situada en Barro. De orixe románica, reconstruíuse no s XVI en estilo oxival tardío. No interior destaca a bóveda de crucería estrelada. Consérvase un baldaquino de pedra con arcos conopiais e decoración escultórica da Virxe das Angustias e da Asunción.

IGREXAS

Igrexa parroquial situada en Oleiros. De orixe románica, reconstruíuse e modificouse en diversas ocasións: en 1108, segundo a Historia Compostelana, foi reconstruída e consagrada por Xelmírez; segundo unha inscrición situada nun tambor das columnas do arco triunfal, o abade Martiño de Dexo restaurouna en 1148; un epígrafe da imposta que percorre a ábsida sinala o ano 1200 como a data doutra reedificación, á que pertence a maior parte da construción conservada; unha inscrición do tímpano occidental mostra unha reforma de 1236; no s XVIII reformouse a fachada principal ao engadirse a espadana; e en 1733 o mestre Andrés Martínez construíu a capela maior seguindo as trazas de Fernando de Casas Novoa; en 1903 un incendio obrigou á súa restauración; e, finalmente, foi restaurada entre 1990 e 1991. Trátase dun templo dunha soa nave e ábsida semicircular. A nave ten cuberta de madeira mentres que o presbiterio se cobre cunha bóveda de canón lixeiramente apuntada e a ábsida con bóveda de...

IGREXAS

Igrexa parroquial situada en Dodro. A primitiva igrexa ampliouna Simón Rodríguez, quen por orde do arcebispo Luís de Salcedo Azcona realizou as trazas en 1719, pero as obras non comezaron ata 1738. A reforma da capela maior sufragouna o convento mercedario de Santa María de Conxo. No interior destaca o retablo maior, obra de Manuel Leis, e estruturado en dous corpos. No exterior conserva un estilo moi austero, con grandes contrafortes e unha torre campanario de planta cadrada.

IGREXAS

Igrexa parroquial situada en Lalín. De orixe románica, reformouse no 1654. No 1119 Xoán Díaz e María Luci, a súa dona, doáronlla á Igrexa de Lugo. Ten planta de cruz latina con dúas capelas laterais aos lados da nave. O primeiro tramo da nave pertence á primitiva igrexa e a cabeceira e as capelas laterais son barrocas. No interior, conserva restos dun baldaquino de pedra e un arcosolio cun sepulcro que se identificou co do conde Ramiro, aínda que a vestimenta do xacente é a propia dun eclesiástico que pode ser o fundador do templo barroco ou un párroco da igrexa. Conserva a fachada da primitiva construción románica. A portada está formada por dous pares de columnas acobadeladas, con capiteis e bases engadidos posteriormente, que sustentan o tímpano, formado por unha dobre arquivolta tórica e enmarcado por un arco carpanel que se apoia nas xambas. Sobre os ábacos das columnas interiores sitúase unha lousa que pertenceu ao primitivo tímpano; este ten esculpido dúas rosetas con cruces no centro...

IGREXAS

Igrexa parroquial situada en Vilarmaior. De estilo románico, unha inscrición no tímpano da fachada principal dátaa no 1162. No 1185 Fernando III doou os seus beneficios a San Xoán de Caaveiro. Ten unha soa nave e unha ábsida semicircular precedida dun curto tramo recto. O arco triunfal é de medio punto, peraltado e dobrado, e está moi elevado. A rosca menor descansa sobre dúas semicolumnas pegadas que non teñen bases e con capiteis con decoración vexetal moi sinxela que non cobre toda a súa superficie. No exterior da capela maior destaca unha colección de canzorros con decoración xeométrica; as metopas que están entre eles adórnanse con grandes flores de botón central en resalte. A nave sufriu algunhas modificacións que afectaron ás partes altas e os canzorros están colocados a distancias desiguais. A porta norte, tapiada, remata nun tímpano semicircular liso, mentres que a meridional presenta ademais un lintel. A portada principal protéxese cun pórtico de madeira con apoios de pedra e...

IGREXAS

Igrexa parroquial situada en Dozón. Durante a Idade Media vinculouse ao cercano mosteiro de San Pedro de Vilanova. De estilo gótico, construíuse a finais do s XIII ou principios do XIV. Da obra medieval consérvase a portada occidental e os catro primeiros metros da nave dende os pés. A portada principal é abucinada e presenta dous arcos apuntados moldurados que descansan sobre dous pares de columnas con capiteis lisos e bases áticas. O tímpano non se conserva. Nos muros laterais hai dúas ventás abucinadas cara ao interior, unha por cada lado, e varios canzorros de proa cóncavos que sosteñen un beiril adornado con pequenas follas rematadas en pomas. No resto da construción predominan os elementos barrocos.

IGREXAS

Igrexa parroquial situada en Castro de Rei. Reedificada no s XVIII, ten unha nave de planta rectangular e un presbiterio de maior altura. No interior destaca o retablo maior neoclásico con imaxes de santo Antonio e santa María. No exterior destaca a portada arquitrabada cunha ventá rectangular e unha espadana dun só van. No muro sur conservánse dúas pedras de armas.

IGREXAS

Igrexa parroquial situada en Forcarei. De orixe románica, a ábsida construíuse en 1742 e, seguindo o modelo da construción primitiva, cubriuse con bóveda de crucería. O corpo da igrexa, a torre e a portada realizáronse en 1822. No interior conserva unha pía bautismal románica da antiga igrexa de San Vicente.

IGREXAS

Igrexa parroquial situada en Entrimo. Pertenceu a unha antiga abadía e dende a súa fundación tivo o título de Real. Puido ter a súa orixe nun mosteiro que se integrou no de San Salvador de Celanova, pois os seus abades sempre pretenderon a abadía. Construíuse nun terreo pertencente á Coroa e as súas obras remataron no 1793 baixo o goberno do abade Agustín Levoso (ou Leboso). Ten planta de cruz latina con tres naves separadas por oito pilastras. A nave central é máis ancha e alta. O cruceiro cóbrese con bóveda de media laranxa e no exterior cun tambor octogonal rematado nunha lanterna. As naves cóbrense con bóvedas de crucería. Do conxunto destaca a fachada principal, concibida como un retablo pétreo dedicado á realeza de santa María, que constitúe unha mostra do estilo churrigueresco en Galicia. Este elemento cobre a nave principal da igrexa e componse de catro corpos: o primeiro composto pola porta que centra o conxunto, cun arco moldurado de medio punto e flanqueado por tres pares de...

IGREXAS

Igrexa parroquial situada en Trasmiras. De estilo barroco, no seu interior destacan o retablo maior realizado por Bernardo Senra Taboada (1719), coas imaxes de san Pedro, san Paulo, san Francisco e san Domingos, e o dedicado á Trindade (s XVIII).

IGREXAS

Igrexa parroquial situada no Corgo. Ten unha soa nave cuberta a dúas vertentes e capela maior de planta cadrada. O arco triunfal é de medio punto en aresta. No interior destaca o retablo maior neoclásico do s XIX. A fachada ten porta arquitrabada e espadana dun van.

IGREXAS

Igrexa parroquial situada en Esgos. Construída no s XVI, ten planta de cruz latina. No interior destaca o retablo maior composto por tres corpos con fornelas que acollen as diversas imaxes, entre as que destaca a da Virxe. A fachada ten unha porta de arco de medio punto coa moldura de baqueta grosa e, sobre ela, un óculo. O conxunto remata cunha espadana de dous vans.

IGREXAS

Igrexa parroquial situada en Riotorto. Ten unha soa nave cuberta a dúas augas. O arco triunfal é de medio punto e a ábsida ten unha cuberta a catro augas. No exterior destaca a espadana de dous corpos.

IGREXAS

Igrexa situada en Muruzábal, na Comunidad Foral de Navarra. Construída no s XII, relaciónase coas ordes militares, puido ser un hospital da Orde de San Xoán e servíalles de lugar de descanso aos peregrinos que se dirixían a Santiago. Situada á beira do Camiño de Santiago, ten plano centralizado octogonal cuberto cunha bóveda de crucería con influencias islámicas. A ábsida é pentagonal. No exterior destaca a arcada que a rodea e que lle dá o nome en éuscaro, eunate (cen portas).

IGREXAS

Igrexa parroquial situada en Toén. Construída en estilo románico a finais do s XII e comezos do s XIII, ten unha soa nave e ábsida rectangular con arco triunfal apuntado apoiado en semicolumnas pegadas. A portada principal ten unha dobre arquivolta apuntada, con decoración axadrezada a exterior. No tímpano destaca a cruz de Malta. A cornixa decórase con métopas, canzorros e outros elementos decorativos.

IGREXAS

Igrexa parroquial situada en Santa María de Ferreira de Pallares (Guntín). Pertenceu a un antigo mosteiro beneditino que recibiu tamén o nome de Santa María de Ferreira de Guntín. Adóitase afirmar que foi fundado no 909 polo conde Ero e a súa dona, a condesa Laura, como mosteiro dúplice, aínda que se coñece a súa existencia por unha doazón do 898 de dona Elvira. Posteriormente, foi restaurado como mosteiro de monxes beneditinos a finais do s XI ou principios do s XII e en 1557 frei Rodrigo de València e frei Pedro de Nájera anexionárono ao mosteiro de Samos, unión que confirmou nunha bula o Papa León X, e do que dependeu ata a exclaustración de 1835. O Rei Afonso VII acoutou os seus termos e durante os ss XII e XIII gozou da protección real, ademais de recibir un gran número de doazóns. Consérvase a igrexa románica de finais do s XII ou principios do s XIII, e segundo unha inscrición rematouse en 1226. Ten planta rectangular cunha soa nave, dividida en catro tramos, e ábsida semicircular....

IGREXAS

Igrexa parroquial situada na Paradela. De construción románica, ten unha nave e ábsida con cuberta de madeira. O arco triunfal é dobrado. No exterior destaca a portada cun arco de medio punto con tres arquivoltas con molduras, separadas por cintas escaqueadas, e un tímpano liso.

IGREXAS

Igrexa situada en Guntín e construída no s XVII. Ten planta de nave única e ábsida rectangular, á que se engadiron posteriormente dúas capelas formando unha cruz. No interior destaca a capela dereita, construída en 1613, cuberta cunha bóveda de casetóns e na que se atopan, baixo un arcosolio, os restos de Álvaro de Taboada. No seu exterior destaca a espadana dun só van.