"Rei" (Contén)

PERSOEIRO

Ilustrado. Aos catro meses do seu nacemento, a súa familia trasladouse a Pontevedra e alí residiu ata os quince anos. Dos seus primeiros estudios e formación non se sabe nada con certeza; pode ser que entre 1705 e 1709 seguise o ciclo de humanidades no colexio pontevedrés dos xesuítas, como formación previa para acceder aos estudios universitarios que estes ofrecían. En 1710 ingresou no mosteiro bieito de San Martín de Madrid, onde profesou o 24 de maio de 1711 e, en outubro dese mesmo ano, trasladouse ao mosteiro-universidade de Irache (Navarra) para realizar os estudios universitarios de Artes ou Filosofía. En 1714 regresou ao mosteiro de San Martín e entregouse por completo ao estudio, á escritura e á copia de moitos pregos da súa biblioteca. En outubro marchou ao mosteiro de San Vicente en Salamanca para iniciar os estudios de teoloxía na Universidad de Salamanca, no rexistro da cal xa consta como Martín Sarmiento. Á fin deste ano foi enviado ao mosteiro de Eslonza (León) como profesor...

GALICIA

Escritor. Estudiou dereito en Santiago de Compostela, fundou e dirixiu as publicacións La Pluma, La Semana e La Defensa de Galicia, e colaborou en O Tío Marcos da Portela e El Derecho. Da súa produción destacan Luchar por la patria, Gritos del alma, Volvoretas (1887), Chorimas (1890), Leenda de groria (1891) e Follas de papel (1892).

GALICIA

Artista plástico e fotógrafo. Licenciado en Belas Artes pola Universidad Complutense de Madrid (1988), cursou estudios na Escola de Artes Aplicadas e Oficios Artísticos Ramón Falcón de Lugo. Profesor de fotografía na Escuela de Arte de Huesca. A súa pintura encádrase no informalismo de grandes superficies monocromas. Participou, entre outras mostras, na Bienal de Fotografía de Tenerife (1997). Recibiu entre outros galardóns, o Primeiro Premio de Gravado no II Certame Galego de Artes Plásticas (1985) e o Primeiro Premio no Certame de Artes Plásticas Díaz Pardo (1989) e, no eido da fotografía, o Primeiro Premio de Fotografía no Certame Fotográfico Internacional sobre o Camiño de Santiago e o Segundo Premio no Canon World Cup USA 94.

GALICIA

Escritora. Publicou Poemas de Carmeliña (1983), Poemas da miña terra (1985) e Poesía para nenos (1988).

GALICIA

Escritor. Da súa produción destaca Latidos (1973), Crónicas de un mayordomo (1977) e Pontevedra mágica (Premio Daniel de la Sota 1977). Entre outros galardóns, recibiu o Premio anual de Periodismo da Deputación de Pontevedra (1974, 1976 e 1977), dúas medallas de ouro nos Xogos Florais de Guimarães (1976 e 1977) e o Premio Valentín de Lillo (1980).

GALICIA

Escritor. Pertencente á Xeración do 25, publicou o poemario Nó de saloucos e bágoas (1920), a novela A custureira (1922) e a peza teatral estreada en 1933 Brétemas.

REXIÓNS

Rexión do S de Sardeña, na provincia de Cagliari (295 km2). Limita ao S coa comarca de Sarraus, ao L coa de Quirra, ao O coa de Trexenta e ao N con Ollastra. A súa principal vila é Villasalto (1.351 h [2001]).

GALICIA

Ourive. Mestre artesán, formouse na Escola de Artes e Oficios. Ourive acibecheiro de Eloy Gesto, traballa co ouro, prata, acibeche e outras pedras preciosas. Foi fundador en 1988 da Asociación de Orfebrería de Santiago, da que é presidente. Vocal da Cámara de Comercio, Industria e Navegación de Santiago e da Comisión de Artesanía de Galicia. Recibiu o Premio Internacional de Popularidade e Prestixio (1985) e o Primeiro Premio de Artesanía Tradicional do III Certame Antón Fraguas (2000).

REINOS

Antigo reino africano que se constituíu na rexión esteparia entre Senegal e o curso alto do Níxer, entre os ss III e XIII. Posiblemente foi fundado por unha dinastía de orixe bérber, pero no s VIII impúxose unha nova dinastía que estendeu os seus territorios e da que xurdiu o Imperio de Ghana. O seu poder baseábase no control da produción aurífera do Sudán occidental, que a poboación extraía de xacementos aluviais na estación seca, e das rutas de caravanas que unían esta rexión co Magreb. No s X o Imperio de Ghana acadou o seu apoxeo e despois de derrotar a confederación bérber (990) estendeuse ata Tombouctou polo L e Bamako polo S. O soberano exercía o poder político e relixioso, pero nas denominadas provincias imperiais delegaba o seu poder nos representantes dos principais clans territoriais. Nos territorios conquistados a administración local estaba nas mans dos gobernadores que rendían contas ao monarca. A economía articúlase ao redor da agricultura, a gandería e o comercio transahariano,...

PERSOEIRO

Político e químico. Catedrático de Química Inorgánica na Universidad de Salamanca (1905) e de Bioquímica na Universidad Central de Madrid (1928). Opúxose á ditadura de Primo de Rivera e participou na fundación de Acción Republicana. Ao ser proclamada a Segunda República (1931), foi conselleiro de Estado, reitor da Universidad Central de Madrid e ministro de Mariña (1931-1933). Co Frente Popular ocupou novamente a carteira de Mariña (1936) e asumiu tamén a presidencia do goberno (1936). Foi ministro sen carteira nos gobernos de Largo Caballero (1936) e de J. Negrín (1939). En 1939 exiliouse a México, onde presidiu o goberno republicano no exilio (1945-1947).

PERSOEIRO

Compositor ruso. Estudiou no Conservatorio de Moscova, onde logo exerceu a docencia. A súa obra, exemplo da corrente realista da escola rusa, comprende sinfonías, óperas e ballets.

1. Persoa que curte peles.

2. goldrón.

PERSOEIRO

Nadador. Participou nos Xogos Olímpicos de Montreal 1976.

GALICIA

Pintor. As súas primeiras obras partiron do construtivismo para reinterpretar dun xeito moi particular a natureza cunha visión abstracta da paisaxe. Participou, entre outras mostras, no Certame de Artes Plásticas Díaz Pardo.

GALICIA

Profesor. Realizou os estudios de maxisterio e posteriormente licenciouse en Filoloxía Hispánica. En 1989 ingresou no Corpo de Inspectores de Educación e desenvolveu a súa actividade na provincia de Lugo (1989-1995). Desde 1996 desempeñou varios cargos na Administración autonómica como subdirector xeral de centros e delegado provincial en Lugo da Consellería de Educación e Ordenación Universitaria e, desde 2000, director xeral de Política Lingüística. Colaborou en diferentes traballos relacionados coa didáctica e a pedagoxía, así como coa sociolingüística e a planificación lingüística. É membro do Consello Escolar de Galicia e do comité asesor das revistas Dorna e Revista Galega do Ensino.

PERSOEIRO

Escritor e xornalista. Licenciado en Ciencias Políticas pola Universidad Complutense de Madrid, estudiou xornalismo na Escuela de Periodismo de Madrid. Colaborou en diversas publicacións con artigos sobre crítica literaria e teatral, e sobre política internacional. Xefe da sección de Cultura e Ciencia da axencia EFE (1977-1979), exerceu tamén como delegado xeral en Galicia (1979-1983), como redactor xefe en EFE nacional en Madrid, como director de información (1990-1997) e desde 1997 como director de publicacións, análises e estilo. Das súas obras destacan Oxford, amén (1982), Homes de Tras da Corda (1982), Crime en Compostela (Premio Xerais de Novela 1984), O misterio do barco perdido (1988), Fuxidos de sona (1990), La agonía del león (1995, Premio Internacional Rodolfo Walsh de Literatura Testemuñal en 1996), A guerra do tabaco (1996), O Doutor Livingstone, supoño (1998), Dous máis dous (1998), Al otro...

REINOS

Estado musulmán da Península Ibérica que existiu como entidade política independente en dous períodos diferentes da historia de Al--Andalus. O primeiro Reino de Granada xurdiu como reino de taifa baixo o goberno da familia bérber dos Ziríes, trala desaparición do califato de Córdoba (1031), e foi conquistado en 1090 polos almohades; e o reino nazarí de Granada, fundado en 1231, trala caída do imperio almohade, por Mu ḥ ammad ibn Našr, quen o estendeu desde Tarifa a Almería e situou a capital en Granada. Este reino existiu durante dous séculos e medio, ata que as loitas entre as distintas faccións da familia nazarí reinante e a guerra iniciada polos Reis Católicos acabaron con el o 2 de xaneiro de 1492.