"AN" (Contén)

PERSOEIRO

Xurisconsulto, político, médico e escritor francés. Coñecido porque foi un dos primeiros sistematizadores da gastronomía, particularmente da francesa. A súa obra fundamental é Physiologie du goût (A fisioloxía do gusto, 1826).

PERSOEIRO

Enxeñeiro sueco. Realizou investigacións no campo da cristalización e da manufactura do aceiro que o levaron a idear, no ano 1900, o ensaio de dureza para metais e aliaxes que leva o seu nome.

PERSOEIRO

Pintor ourensán. Concorreu á Exposición de Bellas Artes de Madrid no ano 1892 con dous bodegóns de obxectos de China e Xapón de pequeno tamaño.

PERSOEIRO

Escritor sudafricano. Moi influído polo nouveau roman, escribiu novelas e pezas teatrais de contido psicoloxista e de feitura experimental en lingua afrikaans e inglesa. Publicou Kennis van die Aand (Coñecemento da noite, 1973), prohibida polo goberno do seu país durante anos, An Instant in the Wind (Un momento no vento, 1976), Rumours of Rain (Rumores de chuvia, 1978), A Dry White Season (Unha estación seca e branca, Prix Médicis, 1979) e The Wall of the Plague (O muro da praga, 1984), entre outras obras.

PERSOEIRO

Etnólogo e arqueólogo norteamericano. Foi un dos principais iniciadores da etnoloxía en EE UU. Estudiou a lingua e as tradicións dos indios de América do Norte e América Central. Publicou entre outras, The Maya Chronicles (Crónicas dos maias, 1882).

GALICIA

Pintor. Formouse na Academia de Bellas Artes de Salamanca, rematando os seus estudios en 1986. De carácter expresionista, participou en diversas exposicións individuais e colectivas.

PERSOEIRO

Matemático. Profesor na Universidade de Pavia, fundou o Instituto Politécnico de Milán, do que foi director. Os seus traballos máis importantes desenvolven a teoría dos invariantes; tamén introduciu en Italia a obra de Karl Gustav Jacobi e de Cailey.

PUNTA

Punta do litoral da illa de Sálvora, entre punta Salgueiriños e con de Balde, situada na parroquia de Aguiño, concello de Ribeira.

CAPITAIS

Capital do estado de Queensland, Australia, situada nun anfiteatro natural entre o Main Range e a abadía de Moreton, preto do río Brisbane (1.489.100 h [1995]). É o porto máis grande de Australia, situado na desembocadura do río, un dos máis activos de todo o país. Exporta produtos agrícolas e mineiros do seu hinterland e nas últimas décadas desenvolvéronse no seu territorio industrias mecánicas, conserveiras e acerías. A cidade tivo a súa orixe nunha colonia penitenciaria que o gobernador de Nova Gales do S, sir Thomas Makdougall Brisbane, fundou no 1825.

PERSOEIRO

Militar e astrónomo escocés. Serviu nas campañas de Flandres, nas Indias Occidentais, no Canadá e en España. No 1821 foi nomeado gobernador de Nova Gales do Sur (Australia) e no 1822 fundou o observatorio de Paramatta, preto de Sydney. Publicou un catálogo de 7.385 estrelas do hemisferio sur.

GOLFOS

Golfo de Gran Bretaña, no Océano Atlántico, entre o sur de Gales e o condado de Devon, Inglaterra.

ILLAS

Arquipélago do NL de Europa, entre o mar do Norte e o Océano Atlántico, formado esencialmente polas illas de Gran Bretaña, Irlanda, Man, Wight, Shetland, Hebrides e Orcadas, amais dun gran número de pequenas illas e illotes. Politicamente o arquipélago se repartiu entre o Reino Unido da Gran Bretaña e Irlanda do Norte (Inglaterra, Escocia, País de Gales, Cornualla e Irlanda do Norte) co seu apéndice, a illa de Man, e a República de Irlanda, que comprende a maior parte da illa deste nome. O conxunto das illas abarca máis de 314.339 km2. Os restos humanos máis antigos proceden do xacemento mesoplistocénico de Boxgrove. O Megalitismo tivo un gran desenvolvemento nestas illas, conservándose monumentos funerarios e rituais (Stonehenge) moi representativos deste período. A metalurxia desenvolveuse no II milenio a C, sobre todo coa cultura de Wessex, que mostra influencias continentais. Durante a Idade do Ferro chegaron ás illas os celtas da Tène, que introduciron os campos de urnas...

1. Relativo ou pertencente ás illas Británicas, a Gran Bretaña, ao Reino Unido, ao Imperio Británico ou aos seus habitantes.

2. Natural ou habitante das illas Británicas, de Gran Bretaña ou do Reino Unido.

3. Cine feito no Reino Unido de Gran Bretaña e Irlanda do Norte, aínda que a achega inglesa é case exclusiva. Os primeiros avances técnicos (as follas animadas, o biophantascope, o cinematógrafo) fixeron de Inglaterra un dos berces do cine. Pero o verdadeiro fundador do cine británico foi Robert William Paul, autor de The Sea in Dover (O mar en Dover) e Persimmon’s Derby (A carreira de Persimmon). O período inicial defínese polo impulso dado á técnica coa elaboración dunha primeira gramática. Acabada a Primeira Guerra Mundial, a invasión de produtos norteamericanos de comercialización dificilmente superable arruinou a incipiente industria británica. A situación pasou a ser estacionaria ata o 1927, cando foi votada no Parlamento unha lei proteccionista. Pero á situación financeira da época uníuselle o trauma estético e técnico producido pola introdución do son; así no bienio 1931-1932 os únicos filmes dignos de mención foron de Hitchcock ou de Anthony Asquith; no...

PERSOEIRO

Fillo do Emperador Claudio e de Mesalina, e presunto herdeiro do Imperio. A segunda muller do emperador, Agripina, fíxoo desherdar en favor de Nerón, fillo do seu primeiro matrimonio. Posteriormente Británico foi envelenado, favorecendo a Nerón coa súa morte.