"To" (Contén)

1. Relativo ou pertencente aos hifoquitridiomicetos.

2. Fungo da clase dos hifoquitridiomicetos.

3. Clase de mastigomicotos semellantes aos quitridiomicetos, pero coas zoosporas provistas dun flaxelo anterior e con bárbula.

PERSOEIRO

Bispo de Poitiers (350?-367?). Defendeu o catolicismo fronte aos arianos nos concilios de Nicea (325) e Seleucia (359). Desterrado polo sínodo ariano de Besiers a Frixia (356-360), trala súa volta á Galia convocou o Concilio de París contra o arianismo. Escritor polemista, eséxeta e poeta, redactou os tratados De trinitate e De mysteriis. A Lenda dourada atribúelle moitos milagres. Na iconografía viste de pontifical, con casula ancha e sagrado palio, mitra e báculo; e leva como atributos unha pluma e un libro ou aparece xunto a un neno ou cunha serpe enrolada na parte inferior dun báculo. A súa festividade celébrase o 13 de xaneiro.

PERSOEIRO

Papa (461-468). Arcediano de Roma, foi legado de León I no Sínodo de Éfeso (449). No seu pontificado reforzou a xeraquía da Igrexa na Galia e Hispania e apaciguou os enfrontamentos entre os bispos. A súa festividade celébrase o 28 de febreiro.

PERSOEIRO

Monxe. Discípulo de santo Antonio Abade, viviu como ermitán preto de Maiuma e fundou un mosteiro (329). Considérase precursor do monaquismo en Palestina. A súa festividade celébrase o 21 de outubro.

1. Relativo ou pertencente aos himenomicetos.

2. Fungo do grupo dos himenomicetos.

3. Grupo de basidomicetos da subclase das homobasidiomicétidas, que se caracterizan pola presenza dun himenio libre e externo e porque os basidios normalmente son claviformes, teñen catro basidiosporas sobre esterigmas apicais e fórmanse a partir dun micelio.

PERSOEIRO

Enxeñeiro nuclear inglés. Ocupou cargos públicos durante a Segunda Guerra Mundial e despois interveu no programa nuclear en Reino Unido. Foi director desde o ano 1954 da U. K. Atomic Energy Authority e dirixiu a construción da primeira central nuclear do mundo, Calder Hall, inaugurada en 1956.

IGREXAS

Igrexa parroquial situada en Cangas. Construída en estilo románico a finais do s XII, ten unha soa nave. Cóbrese con bóveda de canón. No interior destaca o retablo cunha representación do inferno. A portada é románica, ten dúas arquivoltas apoiadas en dous pares de columnas, e o tímpano presenta decoración escultórica rudamente tallada. A espadana é de dous vans semicirculares e está coroada por un frontón triangular en que se abre outro pequeno van. No adro atópase o cruceiro, obra de Xosé Cerviño García.

1. Relativo ou pertencente á hipertonía.

2. Aplícase ao medio cunha presión osmótica máis elevada ca outro co que se compara.