"To" (Contén)

Proclama publicada na cidade de Koblenz polo duque de Brunswick o 25 de xullo de 1792, no nome do emperador de Austria e do tsar de Rusia. Conminaba os franceses a restablecer a plena soberanía de Luís XVI. O pobo de París, indignado polo manifesto, atacou o palacio das Tulleries (10 de agosto) e prendeu o rei.

(Basilea s XV - ? s XVI) Impresor alemán. Estableceuse en València (1494-1517) e publicou numerosas obras en castelán, entre elas, o Cancionero general, de Hernando del Castillo.

(La Habana 1928 - 25.5.2001) Fotógrafo. Coñecido como Alberto Díaz Gutiérrez, foi o creador da fotografía de modas en Cuba. Fundou os Estudios Korda (1953) e traballou como reporteiro gráfico no periódico Revolución. Desde 1968 comezou a traballar no campo da fotografía submarina científica. Foi autor da imaxe máis difundida internacionalmente de Ernesto Che Guevara.

(Toyohashi, Xapón 1926) Físico xaponés. Estudiou nas universidades de Toquio e Rochester, onde se doutorou coa tese Ultra-High-Energy Phenomena in Cosmic Rays (1955). Destacan as publicacións “Observation of a Neutrino Burst from the supernova SN1987a” (1987) e “Results from One Thousand Days of Real Time, Directional Solar Neutrino Data; Kamiokande-II Collaboration” (1990). En 2002 recibiu o Premio Nobel de Física, xunto con R. Davis, por facer contribucións pioneiras en astrofísica, particularmente para a detección de neutrinos cósmicos.

Aumento anormal (10 mm como máximo) da distancia que separa dous trazos ou puntos luminosos impresionados nunha emulsión fotográfica. Este aumento débese a un esgotamento preferencial do revelador na zona situada entre as dúas imaxes.

Prefectura da República Centroafricana (17.604 km2; 223.306 h [estim 1989]). A capital é Mobaye (5.816 h [estim 1989]).

Efecto segundo o que, para un tipo de revelador dado a igualdade de luz integrada na emulsión fotográfica, a velociade de revelado dunha imaxe latente obtida con pouca iluminación é máis grande que se a imaxe fose obtida cunha iluminación intensa.

(Wisbech, Cambridge 1939) Químico inglés. Estudiou na Universidae de Sheffield, onde se doutorou en 1961. Realizou investigacións baseadas na espectroscopia de microondas e capturou e analizou ondas producidas no espazo interestelar grazas á radioastronomía. Xunto con R. Smalley, R. Curl, e os estudiantes J. R. Head e S. C. O’Brien, crearon clusters de carbono a partir de grafito, que tras ser examinados descubriron que en vez de longas   cadeas de carbono, había fulerenos. Ademais conseguiron desenvolver un método para sintetizar estas moléculas. Por este descubrimento recibiu, xunto con Smalley e Curl, o Prremio Nobel de Química en 1996.

Ken da illa de Kyūshū, Xapón (7.408 km2; 1.859.344 h [2000]). A súa capital é Kumamoto.

Procedemento cirúrxico para tratar as fracturas das diáfises dos ósos longos. Consiste na colocación dun cravo de aceiro ao longo do miolo do óso para fixar internamente os dous extremos da fractura. Foi introducido polo cirurxián alemán Gerhard Künstcher (1902-1972).

(Varsovia 1896 - 1980) Matemático polaco. Obtivo importantes resultados na teoría xeral dos conxuntos e en topoloxía.

(Sim 1903 - Moscova 1960) Físico nuclear. Dirixiu as investigacións que levaron á fabricación da primeira bomba atómica da URSS e á primeira bomba termonuclear do mundo. Foi director do Instituto de Enerxía Atómica e académico de ciencias da URSS, estudiou as aplicacións pacíficas da enerxía nuclear, como por exemplo os reactores nucleares.

Nome proposto polos rusos para designar o elemento de número atómico 104 e que a IUPAC chama rutherfordio.

(Kiev 1929 - Londres 1979) Escritor ucraíno. Publicou en ruso Prodolzenie legendy (Continuación dunha lenda, 1957) e o éxito chegoulle coa novela Babij Jar (1966), que máis tarde publicou novamente en Londres, sen as supresións da censura soviética.

Fu da illa de Honshū, Xapón (4.613 km2; 2.644.391 h [2000]). A súa capital é Kyoto.