"CIO" (Contén)

Locomoción que se realiza mediante os brazos; en sentido restrinxido, movemento entre as árbores pendurándose das pólas colgando e balanceando o corpo. Distínguense dúas formas de locomoción braquial entre os primates. A braquiación típica, propia do xibón, que permite o salto aéreo dunha póla a outra, e a braquiación australopitecina, propia dos primeiros homínidos, que lles permitiría gabear polos troncos das árbores apoiándose nas pólas coa axuda dos brazos e das mans, o que constitúe unha adaptación máis xeneralizada co balanceo acrobático dos brazos.

Prenome masculino procedente do latín Brittius/Bruttius, que pode ser ‘habitante dos Brutii’ (hoxe Calabria), derivado de Brito ‘bretón’ ou do céltico brig ‘forza’; sen embargo, non garda ningunha relación con Breixo. O espallamento deste nome na Europa medieval débese, sen dúbida, á sona acadada por san Bricio (s V), sucesor de san Martiño na sé episcopal de Tours. En Galicia existen dous topónimos que levan o nome deste santo, pertencentes aos concellos de Noia e Covelo. A súa festa celébrase o 13 de novembro.

Unidades militares integradas por voluntarios estranxeiros que loitaron a prol dos republicanos durante a Guerra Civil española (1936-1939). Os primeiros grupos formáronse en xullo do 1936 con participantes na Olimpiada Popular de Barcelona. A súa organización propúxose na reunión do Komintern do 26 de xullo de 1936, co propósito de integrar a todos os voluntarios de ideoloxía antifascista baixo a dirección comunista. Participaron combatentes de máis de 50 países de todo o mundo, cun total de 40.000 homes ao longo da guerra, organizados en 15 brigadas. Os principais continxentes foron franceses (10.000 voluntarios), italianos (2.500), belgas, iugoslavos, ingleses, canadenses e norteamericanos. Máis do 80% eran obreiros, en xeral mozos, aínda que tamén había veteranos da Primeira Guerra Mundial. Interviñeron eficazmente na defensa de Madrid (novembro do 1936) e nas batallas do Jarama, Brunete, Belchite, Teruel e, finalmente, no Ebro. O goberno republicano, cumprindo a resolución da Sociedade...

Haloxenación dunha molécula orgánica con bromo.

Solución a base de cocaína, morfina e antieméticos utilizada como analxésico e euforizante en pacientes con cancro.

Gasterópodo mariño cunha cuncha que serve para producir sons de aviso.

Medida antiga para pesar os cereais equivalente a dous ou seis ferrados.

Ruído, confusión e movemento provocado pola gran cantidade de xente.

Proba de Paul-Bunnell.

Espacio natural que forma parte do complexo orográfico dos montes de Toledo, composto por bosques mediterráneos de influencia continental, matogueiras e formacións herbáceas. Está dentro dos límites dos concellos de Los Navalucillos, Hontanar, Navas de Estena, Retuerta de Bullaque, Horcajo de los Montes, Alcoba, Navalpino e Porzuna, contando cunha superficie de 40.000 ha. Foi preservado da explotación agrícola dende os séculos XIII ao XVIII polos dereitos señorais, ata que estes foron abolidos en 1823 e deron lugar a grandes latifundios. En 1983 proxectouse a creación dun campo de tiro para o exército, o que motivou mobilizacións e trámites políticos que finalizaron coa declaración en 1995 de Parque Nacional.

Situado no concello de Camariñas, está constituído por un cabo rochoso e dous illotes independizados da costa, chamados Vilán de Terra e Vilán de Fóra. Cunha vexetación limitada a matogueiras, o interese natural do espazo débese ás aves que aniñan nos cantís como a gaivota tridáctila, o paíño común, o corvo mariño cristado e os últimos araos comúns de Galicia.

Queixo italiano de leite de vaca e ovella, é o máis antigo que existe do tipo pasta filata, documentado desde o século I. Para a súa elaboración o leite callado córtase en tiras que se introducen, primeiro en auga quente, e despois no propio soro do queixo, antes de amasalo á man e volvelo bañar. Dáselle forma de pera, cunha corda na parte aguda, para poder colgalo a madurar durante un tempo mínimo de tres meses; logo enfríase con auga, única diferenza respecto á elaboración do mozzarella. Conta con Denominación de Orixe. Existen outros queixos similares, italianos, coma o cacciotte e o provolone, e centroeuropeos, coma o kashkaval.

Que ten cadencia.