"Lor" (Contén)

GALICIA

Mestra e escritora. Colaboradora de La Ilustración Gallega, El Eco Franciscano e El Compostelano, escribiu o poemario Ráfagas (1908), en que incluíu composicións premiadas en diversos certames literarios de 1907 e 1908, e que tratan temas místicos e patrióticos. Ademais, é autora do drama teatral Lonxe da aldea (1914) e do monólogo A pantasma (1916). Pertenceu á Academia de Buenas Letras de Málaga.

PERSOEIRO

Actriz mexicana. De nome Dolores Martínez Asúnsolo, iniciou a súa carreira en Hollywood en 1925. Despois de participar nalgúns filmes musicais, traballou ás ordes de Emilio Fernández en Flor silvestre (1943), María Candelaria (1943) e La malquerida (1949). Tamén interpretou diversos papeis en La Cucaracha (1959), Rio Blanco (1967) e The Children of Sanchez (1979).

GALICIA

Político e xurista, fillo de Agustín Rodríguez Vaamonde. Pertenceu ao Partido Moderado. Foi fiscal do xulgado de Tui (1837-1838), deputado a Cortes pola provincia de Pontevedra en tres lexislaturas (1839-1844) e por Ribadavia (1844-1846) e senador pola provincia da Coruña (1876-1877). Foi designado ministro de Graza e Xustiza (1847) e de Gobernación (1863-1864), e pertenceu á Real Academia de Ciencias Morales y Políticas, da que foi presidente (1869-1886) e á representou como senador (1877-1886). Escribiu Ensayo sobre la prisión por deudas (1867) e Estudio sobre la propiedad enfitéutica: y las leyes de 20 de agosto y 16 de septiembre de 1873 relativas a la redención de foros y otras cargas territoriales (1883).

PERSOEIRO

Arquitecto. Marchou a México (1731), onde realizou a capela do Sagrario da catedral de Ciudad de México, cunha entrada concibida como un gran retablo, recurso que tamén utilizou na portada do Colegio de las Vizcaínas (1773).

PERSOEIRO

Cabaleiro e aventureiro. Foi frade templario pero denunciárono por enriquecerse de forma ilícita, abandonou a orde, dedicouse á pirataría e púxose ao servizo de Federico II de Sicilia. O emperador de Constantinopla, Andrónico II Paleólogo, contratouno para arredar do imperio os turcos, aos que venceu en Artaki (Erdek) en 1303. Mentres, os soberanos de Occidente proxectaban valerse dos almogávares para os seus diversos intereses, e os gregos, influídos polos xenoveses que sospeitaban das intencións de Xaime II de Aragón e do rei de Sicilia por conquistar o imperio, opuxéronse aos cataláns. En 1305 presentáronse os alanos en Adrianápolis (Edirne), a onde acudira a despedirse de Miguel IX, e foi asasinado xunto aos cataláns que quedaban na cidade.

GALICIA

Escritora. Licenciada en Filoloxía Galego-Portuguesa pola Universidade de Santiago de Compostela, colaborou en diversas publicacións periódicas, como Grial e Festa da palabra silenciada. Publicou o estudo Os camiños da vida, de Ramón Otero Pedrayo (1992) e a recompilación Entrevistas a Rafael Dieste (1994).

GALICIA

Escritora. Especializada en literatura infantil, da súa obra destacan A lenda do capitán Miñoca (1999, Premio O Barco de Vapor) e Historia invisible do bico Simón (2004). Escribiu tamén a novela Dentro da illa (2005, XXIII Premio de Novela Blanco Amor 2004), que destaca pola habilidade da autora para crear un mundo literario que se move entre o fantástico e o real, dotada de imaxes moi orixinais, e rica en recursos de estilo.

PERSOEIRO

Compositor e director de orquestra. Formouse en Madrid, onde dirixiu a banda do corpo de enxeñeiros (1897). Director da banda municipal de Donostia, compuxo cincuenta zarzuelas, das que destacan Los amarillos y El naranjal, piezas para piano e música instrumental.

PERSOEIRO

Pintor italiano. Influído por Giovanni da Fabriano, pintou Madonna col bambino e sant’Anna e Lo sponzalio della Vergine. Xunto co seu irmán Iacopo Salimbeni (Sanseverino ?-? 1427?), tamén pintor, realizou os frescos da catedral vella de Sanseverino e do oratorio de San Giovanni en Urbino (1416).

PERSOEIRO

Raíña de Nápoles, filla do Rei Sancho I. Casou en 1304 co Rei Roberto I de Nápoles. Ao quedar viúva (1343), axudou ao seu sobriño Xaime III de Mallorca contra Pedro IV de Aragón.

PERSOEIRO

Escritora. Especializada en literatura infantil, recibiu o Premio Merlín 1990 por Fafarrios (1991). Da súa obra, onde xoga coa palabra e cos conceptos que representan, destacan Rimas con letras (1991), Bichos con gaseosa (1992), Pum-pum! (1993), Cabeciña a paxaros e outras historias (1993, Diploma de Honor IBBY), O Capitán Ro e o gato Bo (1994), Farangulla (2002), A onde van as volvoretas no inverno? (2003) e Rato Pincho ou a verdadeira historia dos ourizos (2004).

PERSOEIRO

Filóloga. Doutora en Filoloxía Románica pola Universidade de Santiago de Compostela (1990), é   profesora titular (1993) desta disciplina na Universidade da Coruña. Foi membro do equipo de investigadores do Instituto da Lingua Galega (ILG), onde colaborou no Vocabulario ortográfico da lingua galega (VOLGa, 1985-1989) e no Arquivo do léxico galego e, desde 1990, é membro do Seminario de Lexicografía da Real Academia Galega (RAG). As súas liñas de investigación son a lingüística galega, en particular a lexicografía e a historiografía, a lingua francesa e a edición de textos medievais. Participou no proxecto de investigación Vocabulario fundamental da lingua galega (1987) e dirixiu e dirixe diferentes proxectos relacionados coa lexicografía e a edición de textos medievais. Formou parte do equipo redactor do Dicionario da lingua galega (1990) e do Dicionario da Real Academia Galega (1997), e participa na elaboración do Dicionario xeral da lingua galega (1997). En relación coa filoloxía francesa,...

GALICIA

Médico. Doutor en Medicina e Cirurxía pola Universidade de Santiago de Compostela (1955) e catedrático de Oftalmoloxía desde 1963. Fundou e dirixiu o Seminario de Ofatlmología e a revista Studium Ophtalmologicum. Presidiu a Sociedade Oftalmológica de Galicia (1960) e a Sociedad Española de Oftalmología (1991-1995). Publicou, entre outras obras, Retinopatías vasculares (1971), Atlas de retinopatías vasculares (1972), Conjuntivitis (1992). Recibiu o Premio da Sociedad Española de Oftalmología ao mellor traballo científico (1960), a medalla de ouro do Instituto Barraquer, a Medalla Castelao (1996), a medalla de ouro ao mérito sanitario concedida pola Xunta de Galicia (1999), o título de doutor honoris causa pola Universidade de Coimbra (2000) e o Premio Daza Valdés INCI-Universidad Autónoma de Madrid (2001).

PERSOEIRO

Comediógrafo. Influído por Ibsen e polos novelistas rusos, das súas obras destacan La Gringa (1904) e Barranca abajo (1905), de tema rural; e En familia (1905) e Los muertos (1905), de tema urbano.

PERSOEIRO

Rei de Mallorca (1311-1324), fillo de Xaime II de Mallorca. En 1302, ao ingresar o seu irmán Xaime na orde franciscana, xurou como herdeiro do trono de Mallorca. Ao ano seguinte rendeu homenaxe en Barcelona ao seu curmán Xaime II de Aragón.

MUNICIPIOS

Municipio da provincia de Barcelona, Catalunya, situado no sector esquerdo do Anoia (1.758 [2001]). Ten agricultura de secaño, gandaría e pequenas industrias dedicadas á elaboración de viño e cava.

MUNICIPIOS

Municipio situado no litoral da illa de Mallorca, Illes Balears (6.503 h [2001]). Ten cultivos de secaño, amendoeiras e cereais, e o turismo é a principal actividade económica.

MUNICIPIOS

Municipio da provincia de Barcelona, Catalunya, situado nas vertentes do macizo de Sant Llorenç del Munt (2.061 h [2001]). Os cultivos son de secaño e ten moita tradición o sector téxtil. É un centro de segunda residencia e veraneo.