"RAF" (Contén)

Rexistro gráfico dos fenómenos fisiolóxicos mediante o cuarzo piezoeléctrico.

Aparato que se usa para medir presión mediante métodos piezoeléctricos.

Exame radiolóxico que se practica sobre a placenta, tras a inxección na aorta abdominal dunha substancia opaca. Tamén se pode realizar mediante unha ecografía bidimendional por ultrasóns.

tomografía.

Procedemento de impresión por medio de matrices impresoras en que as imaxes e as zonas brancas están ao mesmo nivel. Se é directa fálase de litografía, e se é indirecta, de offset.

Asociación sen ánimo de lucro, con sede en Vilagarcía de Arousa, que naceu en 1994 para loitar contra o narcotráfico e denunciar socialmente a súa problemática. En 1999 creou o Comité de Axuda ao Drogodependente e en 2002 transformouse en Fundación Galega contra o Narcotráfico. As súas liñas de actuación baséanse na prestación de asesoramento e información, no desenvolvemento de campañas de prevención e sensibilización, na realización de foros de debate e xornadas formativas, e na elaboración e divulgación dun cómic para os nenos.

Aparato que mide os cambios de volume dos órganos e dos membros, debidos á repleción sanguínea das arterias e dos capilares.

Pluviómetro que rexistra graficamente nun pluviograma, dunha maneira continua, as cantidades de chuvia caída.

Radiografía dunha articulación, despois dunha inxección previa de aire, con finalidade diagnóstica.

Estudo gráfico dos movementos respiratorios.

Aparato que rexistra a expansión circunferencial do tórax durante os movementos respiratorios.

Rama da electroquímica que estuda a variación da intensidade de corrente en función do potencial aplicado a un microeléctrodo nunhas condicións nas que a velocidade de electrólise esta determinada pola difusión da especie oxidable ou redutible cara ao mencionado eléctrodo. Nas determinacións polarográficas emprégase unha cela electrolítica que consiste nun eléctrodo de área pequena ou microeléctrodo, do que o máis comunmente empregado é o de gotas de mercurio, que consta dun tubo capilar moi fino a través do que flúe mercurio lentamente. Tamén se emprega un eléctrodo de referencia que permanece inalterado. Cando se lle aplica unha voltaxe variable á cela, o microeléctrodo experimenta un cambio de potencial, é dicir, polarízase. As variacións de intensidade en función da voltaxe represéntanse mediante uns gráficos obtidos cun polarógrafo, nos que a rexión AB se debe á polarización do microeléctrodo como consecuencia da formación dunha dobre capa de ións provenientes do electrólito,...

Relativo ou pertencente á polarigrafía.

Instrumento para o rexistro automático de curvas de intensidade-voltaxe. Consta dun potenciómetro axustado ao motor que move o papel de rexistro e dun galvanómetro axeitado para medir a intensidade de corrente. Convenientemente axustado a unha cela polarográfica, emprégase moito en análise química.

Relativo ou pertencente á poligrafía.

Estudo que consiste en rexistrar durante o sono distintas funcións orgánicas, como a actividade cerebral, a cardíaca, a respiratoria e a muscular.

Poliolefina prefluorada derivada do tetrafluoroetileno. Trátase dun polímero granular, susceptible de moldeamento e extrusión, cun peso molecular medio de 5ò105 a 107. É un sólido con moi boas propiedades como illante eléctrico e co coeficiente de fricción máis baixo de todos os materiais sólidos coñecidos. É resistente a todos os axentes químicos, excepto aos metais alcalinos fundidos e ao flúor, e non é soluble en disolvente ningún. Ten unha extraordinaria estabilidade térmica. A pesar de ser considerado como termoplástico non ten, en sentido estrito, punto de fusión, feito polo que a súa utilización en procesos de fabricación require técnicas análogas á da pulverimetalurxia. As súas aplicacións derivan das propiedades eléctricas e da inercia química que ten. OBS: Comercialmente conécese como teflón.