"To" (Contén)

GALICIA

Enxeñeiro industrial. Foi o principal promotor do Instituto de Investigacións e Experiencias Cinematográficas, a primeira escola de cine española. En 1943 creou o Laboratorio de Experiencias e Investigacións cinematográficas na Escola de Enxeñeiros Industriais. En 1947 creouse o Instituto de Investigacións e Experiencias, do que foi director e profesor. Foi xefe da sección de Materias Primas da Subcomisión Reguladora da Cinematografía na década de 1940 e xefe do Negociado da Subdirección Xeral da Cinematografía no Ministerio de Información y Turismo na década de 1950.

GALICIA

Arquitecto. Deulle ás fachadas de edificios na Coruña un novo tratamento baseado nas características estéticas modernistas como os motivos vexetais ou as columnas ornamentadas así como certos cánones novos de proporcionalidade arquitectónica.

PERSOEIRO

Militar. Cabo de artillería, foi asistente do xeneral Joan Prim i Prats e foi ferido durante o atentado que lle custou a vida a Prim, en 1870.

PERSOEIRO

Enxeñeiro. Experto en telecomunicacións, é conselleiro e vicepresidente de Unión Fenosa e presidente da operadora telefónica R. Forma parte tamén dos consellos de administración de Ufinsa, Retevisión, Amena e Madritel.

PERSOEIRO

Comerciante, navieiro e banqueiro. Marchou a Cuba en 1831 onde fixo unha gran fortuna, grazas ao transporte marítimo e ao tráfico de escravos. En Barcelona formou parte da comisión organizadora da Liga Nacional desde 1873, organismo de defensa dos intereses coloniais españois nas Antillas e opostos á abolición da escravitude. En 1864 foi un dos fundadores do Crédito Mercantil, en 1876 creou o Banco Hispano-Colonial e en 1881 fundou a Compañía Xeral de Tabacos de Filipinas. En 1878 foi nomeado marqués de Comillas e, en 1881, agregóuselle o título de grande de España e pasou a ser senador.

GALICIA

Historiador. Asesor da exposición Galicia e América, da súa obra destaca Comportamientos religiosos en Asturias durante el Antiguo Régimen (1989), Muerte y religiosidad en el siglo XVIII e Ceremonia y poder en el Antiguo Régimen: algunas reflexiones sobre fuentes y perspectivas de análisis (1999).

PERSOEIRO

Arquitecto. Director da Escuela de Arquitectura de Madrid desde 1923, dirixiu o equipo de arquitectos que fixo a cidade universitaria de Madrid. A súa obra mestura elementos secesionistas e historicistas, pero tendeu á simplificación ornamental.

PERSOEIRO

Relixioso. Tras ordenarse sacerdote foi nomeado para a coenxía maxistral da Catedral de Lugo (1880). Bispo de Jaca (1904) e arcebispo de Tarragona (1913), foi senador do reino. A partir de 1892 foi membro da Real Academia de la Historia. Como historiador, escribiu Sermón del Apóstol Santiago (1890), Las aras de la Catedral de Lugo (1892), El Darwinismo y la Ciencia (1893), Historia del Seminario de Lugo (1894) e La prensa como arma de combate (1910), e outras de carácter filolóxico como La poesía de Feijoo (1899) e Los escritos de Sarmiento (1902).

GALICIA

Economista, avogado e militar. Foi tenente de alcalde da Coruña na década de 1940. Trala súa retirada do exército co grao de comandante (1953), foi secretario xeral do Banco de La Coruña (1957-1970). Despois da absorción desta entidade polo Banco de Bilbao, pasou a representalo nos consellos de administración de SODIGA, SIDEGASA e GADEX. Dirixiu o Instituto José Cornide de Estudios Coruñeses e foi presidente da Coral Polifónica Follas Novas. Publicou diversos traballos e estudios en que realizou unha análise de Galicia, entendida como unidade económica.

GALICIA

Ilusionista. Máis coñecido como O Mago Antón, iniciou a súa actividade escénica co grupo Valle-Inclán de Lugo, para despois dedicarse por completo aos espectáculos de maxia, que sempre tiveron un marcado carácter teatral. En 1977 creou o personaxe de Facundo, unha marioneta á que el lle pon voz. En 1985 constituíu a empresa Producións Máxicas, coa que produciu o espectáculo Merlín e familia, ao que seguiron outras propostas, como o espectáculo multimedia Vía Láctea (1993), Insólito por Antonomaxia (1995), Fugas e soños (1996), En clave de maxia (1998), en colaboración coa Orquestra Sinfónica de Galicia e 2001 ilusións (2001). En 1989 foi nomeado Lucense do ano e en 2003 foi galardoado co Premio da Crítica Galicia no apartado de Galego Egrexio.

GALICIA

Escultor. Recibiu unha bolsa para ampliar estudios sobre escultura relixiosa na Escuela Superior de Santa Isabel de Hungría, da que foi profesor. Foi catedrático e director da Escola de Artes e Oficios da Coruña e desde 1953 foi académico de número da Academia de Bellas Artes Nuestra Señora del Rosario. Realizou Paisaje (1942) e Cabeza de joven (1947).

GALICIA

Naturalista. Realizou numerosos estudios sobre fauna e contribuíu ao establecemento do coñecemento científico na Galicia da súa época. Mantivo contacto con moitos científicos notables da época, como   Darwin, cos que colaborou dunha forma activa. Das súas obras destacan Fauna Mastológica de Galicia (1861-1863), Reseña de la historia natural de Galicia (1870), Identidad de Lacerta schreiberi (Bedriaga) y Lacerta viridis, var Gadwii (Boulanger) e investigaciones herpetológicas de Galicia (1884), Bosquejo histórico de la botánica española (1897) e Nouvelle espece de batracien anoure des Iles Philippines (1890).

GALICIA

Empresario. En 1976 creou a empresa Ángel Lopez Soto SL (Alfrío), dedicada á importación e exportación de produtos do mar. En 1981 fundou a empresa Ibérica de Congelados, SA (Iberconsa) e en 1988 adquiriu a factoría Produtos Congelados S.A. (Procsa/Gelvigo). Membro da sociedade World Fish Site S.A., a primeira lonxa española de peixe en Internet, foi fundador e vicepresidente do Club Financeiro Vigo, que presidiu a partir de 2001.

PERSOEIRO

Actor. En 1979 creou a compañía Teatro Xalgarete. Participou en espectáculos do CDG como Un soño de verán (1992), A fiestra valdeira (1995), Lugar (1998) e Xelmírez ou a groria de Compostela (1999). Tamén participou en espectáculos de Sarabela Teatro, Uvegá Teatro, Producións do Noroeste, Teatro do Aquí e Cachirulo, ademais de realizar diversos traballos para o cine e televisión.

PERSOEIRO

Impresor. Estableceu os seus primeiros obradoiros tipográficos en Ferrol, entre 1836 e 1837, para trasladarse posteriormente á Coruña. Alí, en 1837, imprimiu Poesías de un gallego (anónimo) e Novena de la Virgen del Carmen (1841).

PERSOEIRO

Economista. Doutor en Filosofía e Letras e profesor titular na Facultade de Ciencias Económicas e Empresariais da Universidade de Santiago de Compostela, escribiu Precios do trigo, centeo e millo na segunda metade do século XIX en Galicia (1986) e La Población de Galicia 1860-1991: crecimiento, movimiento natural y estrutura de la población de Galicia (1996).

GALICIA

Escritor. Foi director artístico da Sociedad Literario-Musical Euterpe e colaborou no semanario Ecos del Eume, no que publicou versos humorísticos. Realizou un estudo completo da súa comarca, que foi aproveitado para os libros Historia de Puentedeume y su comarca e Pontedeume y la comarca. Postumamente, editouse Do tear esquecido (1976).

GALICIA

Actor teatral e cinematográfico. Coñecido como Luís Tosar, na súa época de estudante coñeceu a Jorge Coira, co que traballou nas curtametraxes Contos de Alentraia: Tornabón (1994), As xoias da señora Blanconero (1994) e Matachín (1995). En Santiago de Compostela entrou en relación co teatro, e participou en diversas montaxes de Mofa e Befa e Ollomol, así como en varias producións do CDG, como Nau de amores (1995). En 1998 participou na serie de televisión Mareas vivas, que lanzou a súa carreira cinematográfica. Participou en diversas películas, entre as que destacan Trece badaladas (2002), O agasallo de Silvia (2002), O lapis do carpinteiro (2003) e La vida que te espera (2003). En 2000 estivo nominado aos Goya como mellor actor revelación pola película de Icíar Bollaín Flores de otro mundo. En 2003 conseguiu un Premio Goya por Los lunes al sol (2002) e en 2004 outro Goya e o Fotogramas...

PERSOEIRO

Cartógrafo. Estudiou cartografía e técnica de gravado en París. Da súa produción destacan Atlas geográfico de la América Septentrional (1758) e Atlas geográfico de España (1810).

GALICIA

Xornalista e escritor. Delegado de El Progreso en Sarria e correspondente da axencia EFE en Lugo desde 1970, traballou nunha emisora local (1961-1964) e foi redactor en Radio Cadena e RNE. Director e fundador da Asociación de Periodistas y Estudiosos del Camino de Santiago (APCSA), é cronista oficial de Portomarín. Publicou Sarria, capitalidad del Camino Francés en Tierras de Lugo (1984), Del viejo al nuevo Portomarín (1985), Paradela y su Concello (1990), en colaboración, El Camino Francés en Galicia (1992) e O Cebreiro (2003). Recibiu o Premio Belén de Begonte, o Premio Meigas e Trasgos de Sarria e o Premio Xacobeo 93.