"Adam" (Contén)

PERSOEIRO

Escritor dinamarqués. Tratou con Goethe, Fichte, Schleiermacher, De Stäel e Thorwaldsen nunha viaxe por Alemaña. Á volta da mesma foi nomeado profesor de estética da Universidade de Copenhague (1809). Converteuse nun dos máximos románticos escandinavos e nun decisivo renovador da literatura danesa. Da súa produción, marcada polo gusto polo fantástico, fundamentado nas lendas nórdicas e na historia europea, cómpre salientar Digte (Poesías, 1803) e Poetiske Skrifter (Escritos poéticos, 1805), que inclúen o drama “Aladdin”. Da súa produción novelística destacan Helge (1814) e Nordens Guder (Os deuses do Norte, 1819), e as traxedias Palnatok (1809) e Axel og Valborg (1810). Arrastrado á loita contra as novas correntes introducidas por Heibert, escribiu Ørvarodds Saga (A saga dos Ørvarodds, 1841).

MONTES

Monte situado no L da parroquia de Cubilledo (Baleira). O seu cumio acada os 1.049 m de altitude.

1. Relativo ou pertencente aos preadamitas ou ao preadamismo.

2. Defensor ou seguidor do preadamismo.

PERSOEIRO

Matemático e enxeñeiro. Doutor en Matemáticas (1921) e enxeñeiro industrial (1931), foi catedrático do Instituto San Isidro de Madrid desde 1926, catedrático de Extensión de Cálculo da Escuela de Ingeniería Industrial desde 1946 e encargado da cátedra de Metodoloxía e Didáctica da facultade de Ciencias da Universidad Central de Madrid. Realizou numerosos traballos sobre a didáctica das matemáticas e iniciou o método heurístico. Pertenceu á Real Academia de Ciencias Exactas, Físicas y Naturales.

PERSOEIRO

Rei de Madagascar (1810-1828), fillo e sucesor de Andrianampoinimerina, fundador da dinastía merina. Loitou pola unificación política da illa, con axuda británica e en contra dos intereses franceses. Á súa morte sucedeuno a súa muller Ravanalova I.

PERSOEIRO

Rei de Madagascar (1861-1863), fillo da Raíña Ranavalona I. Abriu a illa á influencia europea. Unha reacción dos aristócratas hovas contra a súa política reformista e prooccidental motivou o seu asasinato.

PERSOEIRO

Político polaco. Dirixente do partido socialista e militante comunista desde 1939, foi membro do Politburo e ocupou diversos ministerios entre 1947 e 1968. Presentou o Plan Rapacki (1957), que tiña como finalidade crear unha área desnuclearizada no centro de Europa e que non foi aceptada.

PERSOEIRO

Dama da sociedade francesa. De nome Jeanne Françoise Julie Adélaïde Bernard, casou co banqueiro Jacques Récamier en París (1793). Durante o Consulado reuniu no seu salón diversos políticos e admiradores, como L. Bonaparte, os Montmorency ou J. B. Bernadotte. Favoreceu elementos da oposición e foi desterrada de París polo emperador en 1811. Regresou en 1814 e posteriormente, retirada na súa residencia de Abbaye-aux-Bois (1819), continuou a súa intensa amizade con F. René de Chateaubriand.

PERSOEIRO

Cronista italiano. Coñecido como Salimbene de Parma, ingresou nos franciscanos en Fano (1238) e fuxiu de Parma durante o asedio de Federico II (1247), cara a Lyon, onde entrou en contacto co xoaquinismo dos espirituais. Das diversas crónicas que escribiu, só se conserva Cronicón, que constitúe unha das fontes históricas máis importantes do s XIII.

FILOSOFOS

Filósofo polaco. Abriu o marxismo á filosofía analítica. Das súas obras destacan Wstep do semantyki (Introdución á semántica, 1960), Marksizm a egzystencializm (Marxismo e existencialismo, 1961), Jesyk a poznanie (Linguaxe e coñecemento, 1967), Marksizm a jednostka (Marxismo e individuo humano, 1965) e Enfremdung als soziales Phänomen (A alienación como fenómeno social, 1977).

PERSOEIRO

Economista escocés. Punto de partida da escola clásica, escribiu Inquiry Into the Nature and Causes of the Wealth of Nations (1776). A obra componse de cinco libros. O primeiro comeza coa división do traballo e continúa cos problemas do valor e o prezo. Non estableceu con claridade teoría ningunha de valor, senón que examinou as diversas partes do prezo das mercadorías, é dicir, os salarios, os beneficios e a renda da terra. O prezo fórmase no mercado, que tende a un equilibrio automático, entre demanda e oferta. É o que quere ilustrar a imaxe da man invisible. O segundo libro estuda a natureza e o proceso de acumulación do capital. A finalidade deste é conservar e aumentar o stock de bens que serven para o consumo inmediato da poboación. O traballo anual dun país é o fondo que lle proporcionan estes bens; distingue un traballo produtivo, que dá lugar a mercadorías físicas, e un traballo improdutivo, que non ten esta característica. O libro terceiro, de contido histórico,...

PERSOEIRO

Escritor francés, conde de Villiers de L’Isle-Adam. En París coñeceu a Ch. Baudelaire, a través de quen coñeceu a Edgar A. Poe. Ademais de poesía, escribiu as novelas L’Eve future (1886), L’amour suprême (1886) e Tribulat Bonhomet (1887), as narracións recollidas en Contes cruels (1883) e Nouveaux contes cruels (1888), e o drama Axel (1872).

PERSOEIRO

Gran mestre da orde de San Xoán de Xerusalén. Dirixiu a defensa de Rodas, onde estaba o centro da orde, contra Solimán II, pero tivo que capitular e abandonar a illa (1522). Obtivo de Carlos V o arquipélago maltés, onde instalou a residencia da orde (1530).

PERSOEIRO

Fotógrafo estadounidense. Instalouse en Pasadena en 1894 e comezou a fotografar os pobos nativos da zona, sobre todo os hopi (1895-1904).