"Aram" (Contén)

MUNICIPIOS

Municipio da Comunidad Autónoma de Madrid, drenado polo río Jarama, preto da confluencia co Guadalix (3.208 h [1996]). Destaca a agricultura (cereais, viña e oliveiras) e gandería, pero tamén ten unha importante actividade industrial (metal, zapatos e transformación de plásticos). De orixes prehistóricas, foi incorporada ao patrimonio real en 1578. Do seu patrimonio cultural destaca o xacemento da Cuesta de Almodóvar.

PERSOEIRO

Político e pensador hindú. Coñecido co título de mahatma, estudiou dereito no University College de Londres e exerceu como avogado en Bombai. En 1893 aceptou un contrato de traballo en Sudáfrica, onde permaneceu durante 21 anos e iniciou un movemento de non violencia en defensa dos dereitos dos hindús emigrados, denominado satyagraha (‘abrazo da verdade’). En 1915 regresou á India e converteuse en líder do movemento en favor do autogoberno (swaraj), acompañou os seus postulados de resistencia pasiva cun sistema de vida ascético e de confraternización coas clases baixas. Entre 1921-1932 o Congreso Nacional Indio outorgoulle a autoridade executiva. Levou a cabo diversas campañas de desobediencia civil que lle supuxeron períodos de cárcere; na súa estancia en prisión en 1932 protagonizou una folga de fame co obxecto de erradicar a inxustiza social e económica do sistema de castes. Malia á súa oposición inicial, aceptou a separación de India e Paquistán cando se acadou...

1. Relativo ou pertencente aos garamantes.

2. Individuo do pobo garamante.

3. Pobo nómade do interior de Libia que se desenvolveu arredor do 400 a C. Segundo as fontes históricas romanas a súa cabalería serviu no exército de Aníbal. No 19 a C foron derrotados polo procónsul romano Lucio Cornelio Balbo, que conquistou a súa capital, Garama, pero os enfrontamentos prolongáronse durante o s I. Introduciron o emprego do camelo e abriron unha ruta a través do Sáhara. O empeoramento climático na rexión ocasionou a súa decadencia e desaparición cara ao 600. Algúns investigadores identificáronos cos antepasados dos tuaregs.

1. Trampa para cazar ratos.

2. Trampa para cazar calquera outro animal.

3. Termo do barallete, xerga dos afiadores e paraugueiros, que corresponde á voz ‘dedo’.

1. Feixe pequeno de cousas que se poden atar xuntas.

2. Cantidade pequena de cousas variadas.

PERSOEIRO

Gravador de imprenta. Foi alumno de Geoffroy Tory e perfeccionou o tipo de Jenson e de Manuzio. O tipo que el creou recibe o nome de garamond; gravou os caracteres gregos para a Imprenta Real francesa (1544), coñecidos como gregos do rei.

PUNTA

Punta da beira setentrional da ría de Arousa, na desembocadura dos ríos Pedras e Lérez, situada no litoral da parroquia de Posmarcos, concello da Pobra do Caramiñal.

GALICIA

Actor. A finais da década de 1950 fundou varios grupos teatrais universitarios, para despois incorporarse ás compañías Los Goliardos e Grada. Participou en máis dunha trintena de obras teatrais, que alternou co seu traballo como actor na gran pantalla e en televisión. Da súa filmografía destaca a súa participación en La Función (1964), de C. Santos Fontenla; El Jarama (1965), de J. Marcos; e Hoy como ayer (1966), de M. Ozores. Tamén realizou guións, traballos de escenografía e poesía.

GALICIA

Sociólogo. Licenciado en Ciencias Políticas, Ciencias da Información e Ciencias Sociais, doutorouse en Dereito, Psicoloxía e Historia. Profesor universitario, participou na fundación de Reforma Democrática e de AP, partido do que foi coordinador rexional en Galicia e candidato a deputado por Madrid. Publicou, entre outras, as obras La empresa y la política social (1967) e Conflito y estrategia política (1975) e foi colaborador na prensa e en publicacións especializadas. Membro correspondente da Real Academia de Jurisprudencia y Legislación, posúe o Premio Eduardo Dato e foi distinguido coa Encomienda de Alfonso X el Sabio e a Cruz Distinguida de Raimundo de Peñafort.

1. Sala de oración da mesquita, cuberta e delimitada, constituída polas naves perpendiculares ao muro da alquibla.

2. Zona do palacio musulmán destinada ás mulleres.

PERSOEIRO

Rabino e escritor xudeu. Destacou como predicador e escribiu un comentario filosófico sobre o Pentateuco, ‘Aqedat I ṣḥ aq, punto de referencia para o estudo da situación relixiosa e filosófica dos xudeus da época.

PERSOEIRO

Emperador de México (1822-1823) co nome de Agostiño I. Oficial do exército realista, asinou co líder rebelde o Plan de Iguala, que establecía a independencia de México. Asumiu a presidencia do Consello de Rexencia e en 1822 fíxose proclamar emperador, disolvendo o Congreso. A oposición de republicanos e liberais obrigouno a abdicar e exiliarse en Europa, de onde regresou en 1824 e foi fusilado.

RIOS

Río da Península Ibérica, afluente pola dereita do Tajo. Nace a 2.000 m de altitude no macizo de Somosierra. Atravesa a provincia de Guadalajara (Castela-A Mancha) e Madrid. Desemboca despois de percorrer un curso de 190 km, drenar unha conca de 6.977 km2 e recibir afluentes como o Lozoya, o Henares e o Manzanares.

DINASTIAS

Dinastía turcomana que dominou (ss XIII-XV) a rexión de Karaman, no S de Asia Menor, como emirato. A mediados do s XV o emirato foi absorbido polo Imperio Otomano.

PERSOEIRO

Político grego. Foi primeiro ministro entre 1955-1963 e, tras un período de exilio en París, regresou a Grecia en 1974 ocupando novamente o cargo de primeiro ministro (1974-1980) e o de presidente da República (1980-1985; 1990-1995). Preocupouse pola restauración do sistema democrático e pola integración de Grecia no panorama europeo.