"CIT" (Contén)

Mosteiro borgoñón, onde naceu a orde do Císter, situado preto de Dijon, na diocese de Chalon-sur-Saône. Creouno Roberto, abade de Molesme, como reacción contra a riqueza, o luxo social e a complicación da vida e da liturxia de Cluny. Xuridicamente, fundouse o 21 de marzo de 1098; pero, despois de edificada a primeira igrexa en 1099, os monxes comezaron a colonizar os bosques e os ermos, que foran unha doazón de Rainald de Beaune. O mosteiro efectuou vinte e oito fundacións directas, tres delas na Península Ibérica. As catro primeiras ocuparon un lugar privilexiado: La Ferté (1113), Pontigny (1114), Clairvaux (1115) e Morimond (1115). Realizada a poxa da abadía en 1791 e morto o derradeiro abade, F. Trouvé (1797), restaurárona a finais do s XIX os cistercienses da estreita observancia ou trapenses.

Situado na banda máis próxima, en contraposición co que está na banda máis afastada ou ulterior. Os romanos empregaron esta palabra para delimitar áreas xeográficas; deste xeito, deron a denominación de citerior á Galia Cisalpina e á Hispania situada ao leste do Ebro. Ex: As lexións romanas avanzaban con paso firme polos camiños poeirentos da Hispania Citerior.

Revista que editou a multinacional Citroën en 1979. Subtitulábase “Periódico de información del persoal de Citroën”. Incluía as seccións “Anuncios breves” e “Suxerencias”. Ilustrada en cor, informaba sobre temas relacionados coa empresa e cos intereses dos traballadores: actos, novidades, servicios, novos coches, vendas, concursos de debuxo e deportes.

Entidade bancaria norteamericana, propiedade no 100% de Citicorp. Fundada en 1812 por Samuel Osgood, recibiu o nome de City Bank of New York. Despois de diversas reestruturacións adoptou a denominación de First National City Bank of New York. En 1969 tomou o nome de First National City Corporation e en 1976 o de Citibank NA. En 1979 instalouse en España e en 1983 adquiriu o Banco de Levante que reconverteu en Citibank España.

Nucleótido formado pola unión dunha molécula de citidina cun grupo fosfato mediante enlaces de alta enerxía na posición 5’ da ribosa.

Nucleósido constituído por citosina e ribosa. A forma máis frecuente en que se atopa no organismo é en combinación con grupos fosfato, formando parte dos ácidos nucleicos. Así, hai monofosfato de citidina (CMP), difosfato de citidina (CDP) e trifosfato de citidina (CTP), que conteñen un, dous e tres fosfatos, respectivamente, unidos por enlaces de alta enerxía na posición 5’ da ribosa.

codeso.

Produción cinematográfica norteamericana realizada en 1941. Foi dirixida por Orson Welles e interpretada polo propio Welles, Joseph Cotten, Dorothy Comingors e Everet Sloane. A película desenvólvese arredor dunha palabra que pronuncia o protagonista do filme antes de morrer: Rosebud. Un xornalista intentará resolver o misterio deste termo investigando na vida deste magnate da comunicación. Nesta película xógase con recursos técnicos como o flash-back, o plano secuencia e distintas formas narrativas procedentes da literatura moderna.

Forma prefixada de orixe grega que se emprega nos procesos de composición co significado de ‘célula’. Ex: citocinese, citoplasma. OBS: Tamén se emprega como sufixo coa forma -cito. Ex: leucocito, trombocito.

Proceso de separación e segmentación do citoplasma que ten lugar na última fase da mitose.

Relativo ou pertencente á citocinese.

Diagnose baseada no estudo das diversas formas celulares normais e patolóxicas atopadas nun líquido orgánico, nunha lesión, etc.

División do protoplasto que ten lugar, polo xeral, despois da división do núcleo celular.

Rede de fibras, formadas por microtúbulos (25 nm de diámetro), filamentos de actina (8 nm de diámetro) e filamentos intermediarios (10 nm de diámetro), que se atopan nas células e que proporcionan soporte para os orgánulos e estrutura para a membrana celular. Ao mesmo tempo, facilita o movemento celular.

Instrumento medieval da familia do laúde, moi semellante á mandolina, de catro ou cinco cordas que se puntean con plectro.