"EUR" (Contén)

Dríade, esposa de Orfeo. Segundo a lenda virxiliana, cando fuxía de Aristeo, que a tentaba violar, foi mordida por unha serpe. Como consecuencia do veleno, non tardou en falecer, e Orfeo, desesperado pola súa perda, descendeu aos infernos na súa procura. Logo de conmover as divindades infernais cos seus cantos, puido recuperala e levala consigo, coa condición de non tentar mirala antes do amencer. Pero cando xa estaban a piques de abandonar o inferno, o esposo namorado non foi quen de resistir a tentación, e virouse para ollala. De súpeto, unha forza estraña arrastrou de novo a Eurídice aos infernos e Orfeo tivo que volver só á Terra.

Aplícase ao ser vivo que ten poucas esixencias alimentarias.

Aplícase ao organismo mariño que ten a capacidade de adaptarse a unha ampla marxe de salinidades.

Aplícase ao organismo que pode soportar variacións considerables nos factores físicos e químicos do medio.

Aplícase ao organismo que tolera unha ampla marxe de temperaturas no medio onde vive.

Movemento artístico a medio camiño entre a ximnasia e a danza creado por Emile Jaques-Dalcroze. Esta desenvolveu un método no que estableceu novas relacións entre música e movemento, e creou unha especie de solfexo corporal que tivo especial importancia na promoción da expresión rítmica e no desenvolvemento das artes escénicas, xa que permitiu incorporar o corpo e o movemento como novos elementos significantes nunha creación teatral moi dependente da palabra.

Relativo ou pertencente á euritmia.

Unidade monetaria única da Unión Económica e Monetaria Europea. Adoptouse este nome na reunión do Consello Europeo, celebrada en Madrid en decembro de 1995, e a súa entrada en vigor, que constituía a última fase da Unión Económica e Monetaria contida no Tratado de Maastricht, tivo lugar o 1 de xaneiro de 1999. Para amortecer os efectos negativos derivados de economías desiguais, a Unión Europea fixou uns criterios de converxencia que establecían uns límites en canto á inflación, débeda e déficit público, tipo de interese e estabilidade monetaria, comúns a todos os estados membros e levados a cabo, segundo declarou en 1998 a Comisión Europea, por once dos quince estados (Alemaña, Austria, Bélxica, España, Finlandia, Francia, Holanda, Irlanda, Italia, Luxemburgo e Portugal). Mentres que Grecia incumplía algúns, e houbo de elaborar un novo calendario de ingreso, Dinamarca, o Reino Unido e Suecia decidiron pospoñer a súa incorporación á moeda única. A entrada en vigor do euro comportou a desaparición...

Campionato europeo de seleccións nacionais de baloncesto, que se celebra nos anos impares. Comezouse a disputar en 1935. A cuarta edición celebrouse en 1946, trala paréntese obrigada pola Segunda Guerra Mundial. Ao ano seguinte (1947) xogouse a quinta edición, para recuperar a secuencia normal de dous anos en 1949. Os equipos bálticos gañaron as primeiras edicións (Letonia, en 1935 e Lituania, en 1937 e 1939). A Unión Soviética encabeza o palmarés deste torneo, con catorce títulos, aos que lles hai que engadir tres subcampionatos e catro medallas de bronce. O dominio dos soviéticos, que monopolizaron a medalla de ouro entre 1957 e 1971, cesou antes da disolución da URSS en 1991, pois conseguiron o último triunfo en 1985; dende aquela os seus herdeiros, Rusia e Lituania, só conseguiron senllos subcampionatos (1993 e 1995, respectivamente), ademais do obtido polo equipo soviético en 1987, para desaparecer do podio tralo bronce ruso en 1997. Iugoslavia, segunda no medalleiro con oito triunfos,...

Obrigación emitida por estados ou grandes empresas internacionais, fóra da xurisdición de calquera autoridade nacional, coa intervención dun sindicato internacional de bancos e subscrita en gran parte polos investidores, cunha moeda nacional distinta á da denominación do empréstito.

Parlamento Europeo.

Relativo ou pertencente ao eurocentrismo.

Tendencia que considera a Europa como protagonista da historia e centro da civilización, utilizando as manifestacións culturais europeas como parámetros para medir o grao de civilización ou barbarie das demais culturas. Tomouse como base para xustificar a invasión europea dos países colonizados.

Modalidade especial de cheque, emitido por un banco integrado nunha rede europea, que lle permite ao titular dunha conta corrente xiralo en divisa e cobralo en calquera dos bancos da rede, asumindo o banco a garantía do pagamento por unha cantidade máxima fixada.

Corrente xurdida a mediados da década dos sesenta do s XX entre os partidos comunistas da Europa mediterránea. Defendía a necesidade dunha nova estratexia de instauración do comunismo, adaptada ao capitalismo avanzado, na que o predominio da clase media non permitise aplicar os esquemas clásicos do marxismo, a loita de clases e a toma revolucionaria do poder. Renunciaba á ditadura do proletariado, aceptaba o pluralismo democrático, o pacto con outras forzas progresistas e a independencia respecto á URSS. Difundírono sobre todo Enrico Berlinguer e Santiago Carrillo.