"SS" (Contén)

Carreira motociclista de velocidade disputada en terreo accidentado. Os obstáculos están formados por desniveis, ramplas e camiños enlamados, de xeito que só unha décima parte do percorrido sexa transitable. As motos empregadas polos pilotos posúen gardalamas moi separados das rodas e guiador alto, con rodas provistas de tacos de goma para facilitar a adherencia. As probas comprenden dúas series en cada sesión, e as categorías recoñecidas son as de 125 cm3 e 250 cm3.

Prato que se prepara con clara de ovo batida, nata montada ou xelatina, e diferentes ingredientes.

Museo fundado en Bueu pola industria conserveira Massó en 1928. Adquirido posteriormente pola Xunta de Galicia, foi reinaugurado en 2002. A orixe dos seus fondos son a colección de libros antigos, cartas mariñas, mapas, instrumentos naúticos e diversos obxectos relacionados co mar e coa industria conserveira creada pola familia desde comezos do s XX. Das embarcacións que mostra destaca o bote polbeiro de Bueu, practicamente desaparecido.

Museo monográfico dedicado á obra de Pablo Picasso, inaugurado en Barcelona en 1963. Aloxado no palacio Aguilar, foi ampliado coas anexións do palacio do Baró de Castellet (1970) e o palacio Meca (1986). Os seus fondos correspóndense coa doazón que Jaume Sabartés, amigo e secretario de Picasso, lle fixera á cidade. Constan de pinturas, debuxos, gravados e litografías orixinais, libros ilustrados, carteis, cerámicas, escultura e obxectos diversos. Destaca especialmente a serie Las Meninas. Ademais da colección permantente, organiza exposicións temporais arredor da figura de Picasso e dos seus contemporáneos.

Museo situado no Palacio de Buenavista en Málaga, inaugurado en 2003. Acolle unha colección permanente composta por pinturas, esculturas, cerámicas, debuxos e gravados doados na súa maioría por Bernard e Christine Ruiz Picasso, que abranguen desde a etapa de formación ata os últimos anos do pintor.

Museo situado en Madrid destinado a acoller a colección de arte da familia Thyssen-Bornemisza. A colección de case 800 pezas, foi inicialmente prestada por Hans Heinrich Thyssen-Bornemisza e a súa muller Carmen Cervera ao Estado, que a cambio cedeu o edificio que se converteu na súa sede: o palacio de Villahermosa, (Ben de Interese Cultural, 1993). Para a xestión e conservación da colección creouse a Fundación Thyssen-Bornemisza. O edificio foi remodelado por R. Moneo en 1993, cando a colección foi adquirida polo Estado. En 2004, tras unha nova cesión temporal de 220 obras da colección privada de Carmen Cervera, o edificio tivo que ampliarse. Concibida esta reforma como unha prolongación natural do museo, acomodouse á planta regular de R. Moneo e desenvolveuse na superficie ocupada por dous edificios anexos. O novo espazo conta con dezaseis salas de exposición, dúas de exposición temporais e varias de restauración. A nova colección foi unha continuación da anterior, facendo da paisaxe o...

lei de Tobler-Mussafia.

muwaxaha.

Xénero de plantas herbáceas bulbosas, da familia das amarilidáceas, de follas radicais cintiformes ou lineais, flores con periantio formado por seis pezas, de cor branca ou amarela, solitarias ou en pequenos ramalletes e de froitos capsulares. Comprenden unha trintena de especies, propias de rexións temperás paleárticas, moitas delas cultivadas en xardinaría. Algunhas das máis representativas, presentes en Galicia, son N. Pseudonarcissus (narciso de montaña), que medra en prados de montaña en toda Galicia; N. pseudonarcissus (narciso trompón), que medra en zonas frescas (beiras de ríos e sotobosques), e N. cyclamineus, especie endémica de Galicia e N de Portugal que florece á beira dos ríos e regatos entre febreiro e abril.

Comisariado do Pobo para os Asuntos Internos, en que se integrou o GPU (1934). Foi dirixido por Genrikh Grigor’evič Jagoda, Nikolaj Ivanovič Ježov e finalmente por Lavrentij Pavlovič Berija. Foi o organismo a través do que se promoveron os procesos de Moscova. En 1943 o NKVD foi dividido e a seguridade do estado foi confiada ao KGB.

Xénero de moluscos detritívoros, da clase dos gasterópodos, que presentan unha cuncha pequena, alongada e de cor escura.