"To" (Contén)

1. Relativo ou pertencente aos octodóntidos.

2. Mamífero da familia dos octodóntidos.

3. Familia de mamíferos, da orde dos roedores, que se estende pola rexión andina de América do Sur. Son animais de tamaño pequeno (de 10 a 20 cm), nocturnos e vexetarianos, que constrúen complicadas redes de galerías subterráneas.

1. Relativo ou pertencente ao octógono.

2. Que ten oito ángulos e oito lados.

3. Que ten como base un octógono.

1. Relativo ou pertencente aos octópodos.

2. Molusco da orde dos octópodos.

3. Orde de moluscos cefalópodos, da subclase dos coleoidos, que se caracterizan polo feito de posuír unicamente oito brazos iguais, reunidos na base mediante unha membrana intertentacular. En xeral, son animais bentónicos e costeiros, depredadores dunha gran voracidade, que se alimentan sobre todo de crustáceos, como o polbo. Hai tamén formas peláxicas, como as do xénero Argonauta. Son moi comúns en todo o mundo.

1. 1. Que ten oito sílabas.

   2. Que está formado por versos de oito sílabas.

2. Verso de oito sílabas.

1. Que ocupa o lugar número oitenta nunha serie.

2. Que corresponde a cada unha das oitenta partes en que se divide un todo.

3. Cada unha das oitenta partes en que se divide unha unidade.

1. Relativo ou pertencente aos movementos dos ollos.

2. Nervio motor ocular común que inerva os músculos oculares externos, excepto o recto externo e o oblicuo superior, así como o esfínter pupilar e os músculos ciliares do ollo.

1. Que non se deixa ver.

2. Que non se manifesta ou que se descoñece.

PERSOEIRO

Poeta italiano. Coñecido como Tifi Odasi, está considerado o pai da poesía macarrónica. Escribiu o poema Macharonea en 1490, que se imprimiu pouco tempo despois da súa morte.

PERSOEIRO

Segundo abade de Cluny (927-942). Formouse na corte do duque da Aquitania e converteu o seu mosteiro no primeiro centro de espiritualidade de Occidente á vez que reformou cenobios de Francia e Italia. Foi reformador da orde beneditina e obtivo a dependencia directa do papa para os mosteiros cluniacenses. Teórico musical, interesouse pola notación e a determinacion de diversos intervalos da escala. Fixo as sistematización da notación teórica e substitíu as letras gregas polas latinas, fixo coincidir o Α coa nota la. Represéntase con vestiduras de abade beneditino e porta báculo. A súa festividade celébrase o 18 de novembro.

PERSOEIRO

Bispo de Rambsbury (937) e arcebispo de Canterbury (942). Foi conselleiro na corte inglesa, onde reformou estritamente os costumes eclesiásticos. A súa festividade celébrase o 4 de xullo.

1. Relativo ou pertencente aos odonatos.

2. Insecto da orde dos odonatos.

3. Orde de insectos e artrópodos que inclúe especies de tamaño mediano ou grande (5-12 cm de envergadura), coa cabeza ensanchada polo gran desenvolvemento dos ollos compostos. Habitan preto da auga estancada aínda que tamén poden afastarse dela, sobre todo as femias, onde practican unha continua cazaría doutros insectos. Algunhas especies son gregarias e fan migracións. Constitúen un dos grupos máis arcaicos de insectos, porque se coñecen fósiles do Carbonífero.