"To" (Contén)

1. Relativo ou pertencente aos ornitomímidos.

2. Réptil fósil da familia dos ornitomímidos.

3. Familia de réptiles fósiles, saurisquios, da suborde dos terópodos, carnívoros ou omnívoros, bípedes, que medían entre 2 e 4 m de lonxitude. Eran moi parecidos ás avestruces actuais, carecían de dentes e tiñan tres dedos con gadoupas nas patas dianteiras. Viviron a finais do Cretáceo hai uns 15 millóns de anos. A maioría dos xacementos descubríronse en América do Norte, en Mongolia e en certas rexións europeas.

1. Relativo ou pertencente aos ornitorrínquidos.

2. Mamífero da familia dos ornitorrínquidos.

3. Familia de mamíferos prototerios, da orde dos monotremas, que comprende un único xénero (Ornithorynchus) e unha única especie, o ornitorrinco (O. anatinus).

PERSOEIRO

Numismático. Foi vicepresidente da Asociación Numismática Madrileña, membro do comité executivo dos Congresos Nacionales de Numismática e secretario da Sociedad Iberoamericana de Estudios Numismáticos. Posúe unha importante colección de moedas de Castela e León e Galicia, e escribiu Acuñaciones de Alfonso IX (1982).

IGREXAS

Igrexa parroquial situada en Agolada. Pertenceu a un antigo mosteiro feminino da orde beneditina. Os primeiros datos fiables sobre o cenobio constatáronse nunha doazón da abadesa ao mosteiro de Sobrado, o 1 de maio de 1171, aínda que é probable que existira anteriormente. En 1504, Xulio II confirmou a doazón a San Paio de Antealtares. O templo erixiuse entre os ss XII e XIII. De estilo románico, ten nave rectangular con ábsida semicircular. Destaca a súa portada con arco de medio punto, así como os capiteis decorados.

PERSOEIRO

Xornalista. Licenciado en Ciencias da Información pola Universidad Complutense de Madrid, desenvolveu toda a súa actividade xornalística en Galicia, especializado no ámbito político e social. Foi correspondente en Galicia de El Periódico de Catalunya (1993-1999), directivo da Asociación da Prensa de Santiago e delegado de Faro de Vigo en Santiago de Compostela ata 2000, cargo que abandonou para incorporarse como director do xornal La Opinión A Coruña.

PERSOEIRO

Xurista e político. Foi ministro de Educación (1980-1981) e de Educación, Universidades e Investigación (1981). Exerceu como director corporativo en Repsol (1995-2002). Recibiu a Gran Cruz de la Orden de Isabel la Católica (1999).

PERSOEIRO

Xornalista, escritor e político, fillo de José Ortega y Gasset. Foi fundador de Alianza Editorial (1966), onde promoveu as edicións de peto, e do xornal El País (1976), en que marcou a súa liña progresista e liberal. Dirixiu a Revista de Occidente na súa segunda época (1963). Fundou o grupo de comunicación PRISA e presidiuno ata 1984, cando foi nomeado presidente de honra. Asesor da UNESCO e membro da Unión Internacional de Editores, foi senador por designación real nas Cortes Constituíntes (1977). Publicou, ademais de numerosos artigos e do libro colectivo Amores de cinco minutos (1995), El área remota (1986), Relatos en espiral (1990), Historia probable de los Spottorno (1992) e Los Ortega (2002).

PERSOEIRO

Enxeñeiro de montes. Interesado no aproveitamento enerxético da biomasa residual e na reciclaxe, foi asesor europeo do proxecto enerxético da Comisión Europea en Centroamérica e do Programa Curen. Escribiu Ingeniería del medio ambiente (1994), Energías renovables y medio ambiente (1995), Manual de gestión medioambiental M.G.M (1996) e Manual de gestión y aprovechamientos forestales de los produtos maderables (1996). Recibiu o Premio de Medio Ambiente da UE.

PARROQUIA

Parroquia do concello de Abegondo baixo a advocación de san Martiño.