"AN" (Contén)

1. Relativo ou pertencente ao contrabando.

2. Que ou quen se dedica ao contrabando.

1. Delito ou infracción tributaria consistente na importación ou exportación de mercadorías, lícitas e suxeitas a un réxime fiscal determinado, que non son presentadas nas oficinas de aduanas; no tráfico ou na posesión de artigos importados ilegalmente; na exportación de efectos prohibidos; e na exportación, sen autorización, de obras ou obxectos de interese histórico ou artístico. De xeito específico, consiste na trasfega e no comercio de xéneros prohibidos ou estancados. O contrabando é un feito universal e está tipificado como tal en todas as lexislacións, xa que se considera un delito contra a facenda e a saúde públicas.
   Lexislación española
   A lexislación vixente no 2001 en materia de contrabando é a Lei Orgánica 12/1995, do 12 de decembro, de Represión do Contrabando, que revisa a Lei Orgánica 7/1982, do 13 de xullo, que modifica a lexislación vixente no ámbito do contrabando e regula os delitos e infraccións administrativas na materia, e a Lei Orgánica 3/1992,...

2. Conxunto de mercadorías que se introducen, venden ou fabrican clandestinamente.

3. Comercio ou industria ilegal.

4. Calquera cousa que cómpre ocultar por ser ilegal ou ilícita.

5. Envío de armas, municións e outros materiais bélicos dun estado neutral a outro belixerante. Representa unha violación dos dereitos de neutralidade e pode ocasionar, como penalización, o secuestro e a confiscación dos bens transportados. O delito de presa só se pode exercer sobre material bélico.

1. contracanal.

2. Baqueta que se introduce no terzo inferior das estrías ou canles no fuste dunha columna para protexela dos golpes.

1. Danza inglesa de orixe popular (country dance) inglesa executada por parellas de bailaríns que, en roda ou dispostas unhas diante doutras, realizan movementos contrarios seguindo unha orde sucesiva. Acadou o seu maior apoxeo nos ss XVII e XVIII en Europa occidental. A súa música escríbese nun compás de 2/4 ou 6/8.

2. Música que acompaña esa danza.

PUBLICACIÓNS

Publicación en galego que apareceu na Estrada en 1990 editada pola asociación xuvenil A Tranca. Tivo dúas etapas: a primeira chegou ata xaneiro de 1993, e a segunda, que comezou en novembro de 1994, rematou en novembro do ano seguinte. Inicialmente presentou os subtítulos: “Revista de información de A Estrada”, “Revista municipal de información de A Estrada” e “Revista de información estradense”, entre outros. Na segunda etapa subtitulouse “Periódico estradense mensual”. Dirixida inicialmente por Tereixa Constenla, contaba coa colaboración de Ana Hervés no eido cultural. Posteriormente, exerceu como director Sindo Villamayor e como redactora Sonia Sánchez. Ofrece información sobre a comarca da Estrada e trata temas políticos, culturais e deportivos. No apartado literario reproducíronse textos de F. Bouza-Brey, Losada Diéguez, Martínez Oca, Alfonso de Trabadela, Ken Keirades, Carlos Pereiras e Manuel Pereira Valcárcel.