"RG" (Contén)

SERRAS

Pequeno sistema montañoso de dirección NO-SL que serve de límite ás parroquias de Igrexafeita (San Sadurniño), ao N, e Caaveiro (A Capela), ao S. Culmina no Racamonde a 542 m de altitude.

PERSOEIRO

Novelista. Da súa produción destacan Where Angels Fear to Tread (1905), The Longest Journey (1907), A Room With a View (1908), Howard’s End (1910), A Passage to India (1924), Maurice (1927), Aspects of the Novel (1927) e Two Cheers for Democracy (1951).

PERSOEIRO

Predicador. Fundou a Sociedade dos Amigos (cuáqueros). A súa doutrina sostiña o valor da iluminación interior e o principio da tolerancia e opúñase ás inxustizas sociais. Aínda que foi perseguido e apresado, cando morreu tiña uns 50.000 seguidores. Postumamente publicáronse os seus escritos Journal (1694), A collection of...Espistles (1698) e Gospel Truth (1706).

PERSOEIRO

Arquiduque de Austria, fillo do arquiduque Carlos Luís e sobriño do Emperador Francisco Xosé I. Proxectou unha organización trialista que asociara Croacia, Bosnia, Dalmacia e Eslovenia nun estado iugoslavo vinculado a Austria-Hungría e que reforzase a autoridade da monarquía e da Igrexa. O seu asasinato por un nacionalista serbio o día 8 de xuño, preludiou a Primeira Guerra Mundial.

PERSOEIRO

Antropólogo e historiador das relixións. Foi un dos primeiros autores en desenvolver grandes estudios recompilatorios de antropoloxía. Entre as súas obras destacan The Golden Bough (1890-1915), unha obra en doce volumes sobre mitos, rituais, maxia e tabúes na que formulou a idea de que a cultura humana evoluciona a partir da crenza na maxia, que precede á relixión e desemboca na ciencia; Totemism and Exogamy (1910), e Folklore in the Old Testament (1919).

CIDADES

Cidade de Dinamarca, na illa de Sjaelland, dentro da área metropolitana de Copenhaguen (9 km2; 90.327 h [2000]). O seu territorio está totalmente rodeado pola capital. Contén unha área de recreo, un sector residencial e unha área industrial. Do seu patrimonio cultural destacan a Real Fábrica de Porcelana de Copenhaguen, o palacio de Frederiksberg (1609-1703) e os xardíns de Frederiksberg, dentro dos que destacan o pavillón chinés (1799), o Apistemplet (1802) e o Kildegrotten (1801).

CAPITAIS

Capital do cantón de Friburgo, ao L de Suíza, sobre o altiplano que separa os Alpes de Friburgo do lago Morat (Murtensee) e da chaira de Vaud (31.900 h [estim 2000]). Está situada nun alto macizo rochoso rodeado por un meandro do Saane (Sarine). É o centro intelectual católico de Suíza desde o s XVI. O ensino é bilingüe (francés e alemán). Na industria destaca a elaboración da cervexa e do chocolate. Fundada en 1157 polo duque alemán Bertoldo IV de Zähringen, pasou á familia Kibourg en 1218, que a vendeu en 1277 aos Habsburgo, aos que pertenceu entre 1277 e 1447. Foi propiedade do ducado de Savoia entre 1452 e 1477 e, en 1481 integrouse na Confederación Helvética. Do seu patrimonio cultural destacan, entre outros, as casas e as fontes góticas do barrio do Bourg; a catedral gótica de Saint-Nicolas (1283-1490); as igrexas de Notre-Dame (s XII), de Saint Jean (s XIII) e da Visitation (s XVII); as capelas de Notre Dame de Bourguillon (s XV) e de Lorette; o colexio gótico de Saint Michel, os...

CANTÓNS

Cantón do L de Suíza (1.671 km2; 234.307 h [2000]). A capital é Friburgo. O relevo é montañoso ao SL, formado polos contrafortes setentrional dos Alpes Bernesos, onde o armentío bovino, orientado cara á industria láctea, constitúe a principal actividade económica. O resto do cantón, drenado polo Saane (Sarine) e os seus afluentes, é unha chaira agricolamente moi rica.

CIDADES

Cidade do länd de Saxonia, Alemaña (48.900 h [1990]). Está situada nunha meseta, ao pé do Erzgebirge. Centro de actividade mineira, con fundicións de chumbo, cinc, níquel e estaño. Tamén hai industria téxtil, de instrumentos de óptica, de equipos eléctricos e electrónicos. Fundouna no s XII Odón o Rico. Do seu patrimonio cultural destacan, entre outros, a catedral gótica, o edificio do concello (s XV) e as antigas minas de prata de Reiche Zeche.

CIDADES

Cidade do länd Baden-Württemberg, Alemaña (202.455 h [2000]). Está situada na vertente occidental do Schlossberg, contraforte da Selva Negra. É núcleo industrial, con industria de mobles, téxtil, de aparatos eléctricos, óptica, de produtos farmacéuticos, de papel e de cartón. Posúe un centro de ensino superior: a Albert-Lwdwigs-Universität Freiburg, de 1457. Fundada no s XII, estivo posteriormente baixo o dominio austríaco e en diversos períodos pertenceu aos franceses. En 1806 pasou ao gran ducado de Baden. Do seu patrimonio cultural destacan, entre outros, a catedral gótica (ss XIII-XIV), a porta de Schwabentor e o vello Gerichtslaube.

1. Relativo ou pertencente a Friburgo ou aos seus habitantes

2. Natural ou habitante de Friburgo.

PERSOEIRO

Sociólogo. Foi autor de numerosos traballos sobre socioloxía industrial e das ocupacións, como Problèmes humains du machinisme (1947), Où va le travail humain? (1950) e, en colaboración con Pierre Naville, Traité de sociologie du travail (1961).

PERSOEIRO

Matemático. Foi profesor na Universidade de Berlín. Investigou nas ramas máis elevadas da álxebra, en conexión coa teoría das funcións e dos grupos. Os numerosos teoremas que levan o seu nome representan un enriquecemento da álxebra clásica e constitúen un dos puntos de partida da álxebra moderna.