"Bes" (Contén)

1. Que é propio da besta ou que asimila o home á besta.

2. Que se realiza irracionalmente ou que implica violencia e crueldade.

3. Que se caracteriza pola súa gran calidade, pola intensidade ou polo seu gran tamaño.

1. Calidade de bestial.

2. Acción bestial ou brutal.

1. Nos circos romanos, home que combatía contra as bestas salvaxes. Os bestiarios eran prisioneiros de guerra, condenados polos tribunais ou homes que o facían por oficio cobrando un salario.

2. 1. Na Idade Media, tratado didáctico e moral onde se describían os animais, reais ou fantásticos, catalogados segundo as súas propiedades naturais e os seus valores simbólicos, e onde se expuña a correspondente moralización dos seus costumes. Constituían pequenas enciclopedias de historia natural e alegorías dos vicios, das virtudes e da conduta humana. Recollían o costume antigo de interpretar o mundo natural como manifestación exterior dunha realidade superior e distinta, de xeito que o mundo real sería un simple epifenómeno daquela, un mundo de apariencias que esconde o sentido (ratio) da vida, propio da cultura teolóxica imperante na Idade Media que se caracterizaba pola dialéctica entre o sentido literal (littera) e a alegoría (sententia). A obra clásica que habería servir de módelo para os enciclopedistas medievais foi Naturalis Historia de Plinio o Vello, vasto compendio do saber natural, ao que seguiron as Etymologiae (ss VI-VII) de Isidoro de Sevilla. A tradición dos bestiarios provén...

   2. Xénero poético aparecido modernamente, cun senso diferente do medieval, consistente na tipificación de persoeiros humanos a través da descrición de animais, con intención satírica ou descritiva. Cómpre destacar Le Bestiaire (O bestiario, 1911) de Guillaume Apollinaire.

1. Conxunto de bestas de carga.

2. Imposto sobre a posesión ou tránsito de bestas, ou ben como unha institución xeral dun reino ou ben como un dereito señorial.

PERSOEIRO

Escritor ruso. Publicou o almanaque Pol’arnaja zvezda (A estrela polar, 1823-1825), onde recolle novelas e comentarios críticos románticos. Escribiu tamén Olga (1821) e Mulla Nur. Algunhas das súas obras foron traducidas ao alemán, ao sueco e ao polaco.

PERSOEIRO

Estadista e diplomático. Realizou misións diplomáticas en Londres, Copenhaguen e Hamburgo, enviado pola Emperatriz Ana. Foi partidario da alianza con Austria e Inglaterra contra Prusia; fomentou tamén a política agresiva contra Turquía. Escribiu a obra Os consolos do cristián.

PUNTA

Punta do litoral meridional da ría de Corme e Laxe, situada ao N do porto de Laxe, na beira occidental da enseada de Laxe.

PUNTA

Punta do litoral da parroquia de Lires, concello de Cee, situada ao N da punta Mixirica.

PUNTA

Punta do extremo meridional da illa de Sálvora (pertencente á parroquia de Aguiño, concello de Ribeira).

PERSOEIRO

Escritora romanesa en lingua francesa. Tratou temas sobre persoeiros, autobiográficos e recordos persoais cunha visión aristocrática. Escribiu, entre outras obras, Le perroquet vert (O loro verde, 1924) e Fevilles de calendrier (Follas de calendario, 1939).

PARROQUIA

Parroquia do concello de Cambre baixo a advocación de san Cibrao.