"Mur" (Contén)

PARROQUIA

Parroquia baixo a advocación de san Pedro que dá nome ao concello de Muras, onde se atopa a capital municipal, no lugar homónimo.

GALICIA

Concello da comarca de Terra Chá, situado na provincia de Lugo no N da Comunidade Autónoma de Galicia, a 4° 27’ 30’’ de latitude N e 7° 43’ 20’’ de lonxitude O. Limita ao N co concello de Ourol (comarca da Mariña Occidental), ao L cos do Valadouro (comarca da Mariña Central) e Abadín (comarca de Terra Chá), ao S cos de Vilalba e Xermade (comarca de Terra Chá), e ao O cos de Mañón (comarca de Ortegal) e As Pontes de García Rodríguez (comarca de Eume). Abrangue unha superficie de 163,8 km 2 , en que acolle unha poboación de 891 h (2007), distribuídos nas parroquias de Ambosores, A Balsa, O Burgo, Irixoa, Muras, Silán, O Sisto e O Viveiró. A capital está no lugar de Muras, situada na parroquia homónima, localizada a 133 km de Santiago de Compostela e a 62 km de Lugo. Está adscrito á diocese de Mondoñedo-Ferrol e ao partido xudicial de Vilalba.
Xeografía física
O territorio caracterízase polo seu relevo moi accidentado, onde predominan os xistos na súa...

PERSOEIRO

Escritora xaponesa. Coñécese como a primeira escritora do mundo, e, sobre todo, como a autora da novela Genji monogatari (Historia do príncipe Genji, 1005-1008), considerada a obra máis importante da narrativa xaponesa clásica.

PERSOEIRO

Sultán otomán (1360?-1389). Aproveitando o desmembramento do Imperio Bizantino e as rivalidades das repúblicas de Venecia e Xénova, estendeu o seu dominio polos Balcáns (Edirne, 1365; Sofia, 1385; Tesalónica, 1387) e someteu a vasalaxe a Xoán V Paleólogo de Bizancio. Morreu nunha batalla contra os serbios.

PERSOEIRO

Sultán otomán (1421-1451). Conduciu a ofensiva otomá contra os Balcáns e Asia Menor, e ocupou Tesalónica (1430) e converteu Serbia en provincia turca (1439). Loitou pola anexión de Hungría (1444), ata que derrotou a János Hunyadi en Kosovo (1448).

PERSOEIRO

Sultán otomán (1574-1595). Unha longa e custosa campaña contra Persia (1576-1590) conduciu a anexión otomá de Xeorxia, Acerbaixán e Hamadān, pero causou unha crise financeira por culpa da que Turquía tivo que asinar con Inglaterra un tratado comercial (1583), moi vantaxoso para esta última.

PERSOEIRO

Sultán otomán (1623). Dominou a sublevación do emir druso Fajr al-Dīn e ocupou Tabrīz (1635) e Bagdad (1638).

PERSOEIRO

Sultán otomán (1876), fillo de Abdülmecit I. Subiu ao trono despois da abdicación de Abdülaziz. Deposto meses despois co pretexto de padecer unha enfermidade mental, foi substituído por Abdülhamit II.

PERSOEIRO

Mariscal francés. Interveu nas campañas napoleónicas, especialmente en Austerlitz e Jena, e foi o brazo executor da política española de Napoleón I Bonaparte, quen o converteu en rei de Nápoles (Xoaquín I, 1808-1815). Tivo que axudar a Napoleón durante os Cen Días (20.3.1815-28.6.1815) e, nun intento por recuperar os seus dominios, foi prendido en Calabria e fusilado.

PERSOEIRO

Historiador e erudito italiano. Ordenouse sacerdote, fixo estudos filolóxicos e foi chamado a dirixir a Biblioteca dos Este (1700). Como investigador, seguiu unha metodoloxía precisa e rigorosa. Publicou Rerum italicarum scriptores (24 volumes, 1723-1738), Annali della storia d’Italia (12 volumes, 1744-1749) e Antiquitates italicae medii aevi, en 6 volumes (1738-1743). Descubriu un manuscrito que contiña o canon bíblico máis antigo e que leva o seu nome, Canon de Muratori.

PERSOEIRO

Fotógrafo húngaro. Naturalizado estadounidense, en 1920 abriu o seu estudo en Nova York e colaborou con Harper’s Bazzar (1921) e Vanity Fair (1926). A partir de 1929 os seus traballos publicáronse en Vogue, Ladie’s Home Journal e New York Times, centrados na fotografía de moda, os actores cinematográficos e as mulleres. Foi o fotógrafo oficial de EE UU nos xogos olímpicos de 1928 e 1932. A través de Carl Van Vetchen coñeceu artistas mexicanos como Miguel Covarrubias, Diego Rivera ou Frida Khalo, dos que fixo varias series de fotografías que constituíron o Nickolas Muray Collection of Mexican Art (1925-1954).