"PERT" (Contén)

1. Que se manifesta obstinado nunha opinión, nunha crenza ou nun propósito.

2. Que persiste no tempo.

1. Calidade de pertinente.

2. Propiedade que permite a un fonema, a un trazo fonolóxico, etc, asegurar unha función distintiva nunha lingua dada, ao opoñerse ás outras unidades do mesmo nivel. Cando a unidade considerada perde esta función distintiva non hai pertinencia.

1. Que garda relación ou que é propio do que se expresa.

2. Que resulta adecuado ou útil para algo.

3. Aplícase a un trazo fónico que é fonoloxicamente relevante. Cada lingua ten a súa particular organización de trazos pertinentes e non pertinentes, desde o punto de vista fonolóxico. Nunha palabra como casa, o trazo de non sonoridade do primeiro fonema é pertinente na medida en que se distingue de gasa.

PERSOEIRO

Político italiano. En 1918 afiliouse ao Partito Socialista Italiano (PSI). Antifascista destacado, foi detido (1926 e 1928-1935), expulsado do país (1926-1928) e confinado nun campo de traballo (1935-1943), polo réxime de B. Mussolini. Foi deputado desde 1948 e presidiu a Camera dei Deputati (1968-1976). Exerceu como presidente da República (1978-1985), combateu a corrupción dentro do seu propio partido e foi un gran defensor da democracia.

1. Acción e efecto de perturbar ou de perturbarse.

2. 1. perturbación da orde

      Acción que tende a impedir o normal desenvolvemento dun acto, dunha cerimonia, do tránsito urbano, etc, entre outros. En España está tipificada como delito en numerosas ocasións.

   2. Alteración ou trastorno (especialmente o provocado), dunha función ou ben do curso dunha enfermidade.

   3. Alteración que produce un efecto prexudicial no funcionamento dun aparato ou sistema.

   4. perturbación atmosférica

      Alteración do estado da atmosfera co paso dunha depresión.

3. Corrección que hai que aplicar á órbita dun planeta ou dun satélite debido a que esta órbita se calculou considerando só o efecto gravitatorio do Sol, prescindindo do efecto gravitatorio dos outros astros.

4. Modificación dunha determinada función matemática que non ten solución exacta para calcular unha solución aproximada.

5. Alienación mental permanente ou transitoria. No dereito penal, pode ser causa de exención de responsabilidade criminal.

6. Técnica matemática que permite resolver a dinámica dun sistema aproximando o hamiltoniano mediante un hamiltoniano, suma do libre, e un termo secundario, chamado termo perturbativo.

1. Alterar algo impedindo que discorra con normalidade, orde ou tranquilidade.

2. Provocar confusión ou angustia mental a alguén.

3. Deixar de desenvolverse algo con normalidade.

4. Perder a serenidade ou o xuízo unha persoa.

1. Rexistro, índice, caderno ou libro abreviado onde se escriben ou imprimen noticias ou indicacións dispostas de xeito que se poidan atopar facilmente, e que remiten a outro lugar onde están explicadas máis extensamente.

2. Conxunto de obras musicais ou teatrais que unha orquestra, unha compañía ou unha persoa ten aprendidas e está preparada para executar ou representar.

3. Conxunto de obras homoxéneas.

PERSOEIRO

Teólogo. Monxe beneditino en Liexa e en Siegburg, e abade en Deutz, foi autor de diferentes comentarios bíblicos e doutras obras, entre as que destaca, pola súa difusión, De divinis officiis. Como escritor, ocupou un lugar notable no pensamento preescolástico e na reforma eclesiástica e exerceu pouca influencia fóra do imperio xermánico.

PERSOEIRO

Almirante británico, fillo do elector Frederico V de Palatinado, rei de Bohemia, e de Isabel Stuart. Durante a guerra civil inglesa, comandou a cabalaría real de Carlos I e acadou, nun primeiro momento, as vitorias de Worcester (1642) e Newsbury (1643), pero foi derrotado en Marston Moor (1644) e Naseby (1645) e capitulou finalmente en Bristol (1645). Coa Restauración volveu a Inglaterra (1660), onde formou parte consello privado de Carlos II. En 1644 foi nomeado duque de Cumberland.

PERSOEIRO

Relixioso. Foi bispo de Worms, apóstolo de Baviera e fundou o mosteiro de San Pedro en Salzburgo, de onde foi o primeiro bispo. A súa festividade celébrase o 27 de marzo.

PERSOEIRO

Almirante holandés. Participou na Guerra dos Trinta Anos, en que derrotou completamente a escuadra española na Batalla naval das Dunas (1639). Participou na Primeira Guerra Anglo-holandesa (1652-1654).