"PTE" (Contén)

Relativo ou pertencente aos polipteriformes.

Peixe da orde dos polipteriformes.

Orde de peixes da subclase dos actinopterixios, que comprende especies de auga doce coas aletas peitorais lobuladas e a caudal heterocerca. Só comprende a familia dos poliptéridos.

Relativo ou pertencente aos psocópteros.

Artrópodo da orde dos psocópteros.

Orde de artrópodos, da clase dos insectos, que comprende individuos de tamaño moi pequeno, con antenas longas (incluso máis ca o resto do corpo), o aparello bucal mastigador e, ademais dos ollos compostos, poden ter tres ocelos. A cabeza únese ao tórax mediante unha especie de pedúnculo delgado e teñen as ás membranosas, sendo as posteriores máis curtas ca as anteriores. O abdome é voluminoso, de forma cilíndrica e consta de nove segmentos. Preto da boca presenta unhas glándulas sericíxenas que lles permiten envolver as larvas con fíos sedosos. A maioría habitan nas follas das árbores, aínda que tamén se poden localizar no follato da terra, e incluso algunhas especies, como os piollos dos libros, habitan entre as follas dos libros vellos.

Relativo ou pertencente aos pteráspidos.

Peixe fósil da familia dos pteráspidos.

Familia de peixes fósiles ciclóstomos, propios do Silúrico e do Devónico. Habitaban en augas doces, eran bentónicos, malos nadadores e tiñan o corpo cuberto de placas duras.

Relativo ou pertencente ás pteridófitas.

Planta da división das pteridófitas.

División de plantas cormofíticas e arquegoniadas con alternancia de xeracións, con predominio da fase diploide. O gametófito haploide, ou prótalo, é pequeno, taloso e de vida curta, e é onde aparecen os anteridios e os arquegonios. A fecundación necesita tamén da auga. Do cigoto fórmase o esporófito diploide, normalmente con raíz, talo e follas. Os feixes condutores están compostos de xilema, con traqueidas, e de floema. A epiderme está revestida dunha cutícula, e as súas células teñen cloroplastos. Os esporanxios a miúdo son epifilos e localízanse en certas follas (esporofilas), idénticas ou máis simples ca as follas normais (tropofilas). Os primeiros fósiles datan do período siluriano. É un grupo intermedio entre os briófitos e os espermatófitos, que representa unha etapa máis na conquista do medio aéreo por parte das plantas.

Relativo ou pertencente ás pteridospermópsidas.

Planta fósil da clase das pteridospermópsidas.

Clase de ximnospermas fósiles que viviron desde o Devónico ata o Cretáceo. Eran plantas leñosas, semellantes a fentos. Non tiñan verdadeiras flores, pero si sementes.