"To" (Contén)

1. Conxunto de vigas que forman o asento ou base do hórreo.

2. Conxunto dos pontóns dun tellado.

1. Relativo ou pertencente aos pontopóridos.

2. Mamífero cetáceo da familia dos pontopóridos.

3. Familia de cetáceos, da suborde dos odontocetos, co fociño alongado e que viven en augas costeiras moi pouco profundas. A única especie viviente é Pontoporia blainvillei, que habita no S do Atlántico, aínda que existen diversos fósiles pertencentes a outros xéneros.

PERSOEIRO

Teólogo danés. Orientouse cara ao pietismo que introduciu nas escolas danesas e norueguesas cos Comentarii ao Catecismo de Lutero (1737). Foi bispo de Mons (1747-1759). Da súa obra destaca Annales ecclesiae danicae (1766).

PERSOEIRO

Escritor danés. Considerado un dos grandes representantes do naturalismo danés, nas súas primeiras obras describiu a vida popular dos habitantes do seu país. A súa triloxía Det forjaettede land (A terra prometida, 1891-1895) e a serie de oito volumes Lykke-Per (Pedro o Afortunado, 1898-1904), en que reflicte a súa insatisfacción pola educación protestante que recibiu, son algunhas das obras máis importantes da súa produción. Tamén destacan Nattevagt (Velada, 1894), en que retrata a vida da burguesía; e De Dødes Rige (O reino dos mortos, 1912-1916), en que a través dunha obra satírica amosa o seu escepticismo. Obtivo, xunto con Karl A. Gjellerup, o Premio Nobel de Literatura (1917).

1. Aplícase aos fillos do emperador do Imperio Bizantino nacidos durante o reinado de seu pai.

2. Título que tiñan os fillos do emperador de Oriente.

PERSOEIRO

Compositor e mestre de canto. Foi profesor no Conservatorio di Sant’Onofrio (Napolés) e no L’Ospedaleto (Venecia). Deu leccións en Londres e Viena, onde tivo como alumno a Haydn, e creou unha escola de canto onde se formaron algunhas prime donne e castrati como Farinelli e Caffarelli. Mestre de capela do príncipe de Hesse-Darmstadt e da catedral de Nápoles, cultivou principalmente a ópera seria, como Agripina (1708), Berenice (1710), Eumene (1721) e Arianna in Nasso (1733).

IGREXAS

Igrexa parroquial situada en Muíños. Ten planta rectangular con presbiterio a maior altura. As portas de acceso son de medio punto e a principal está formada por grandes doelas. No seu interior destaca o sagrario coas virtudes teologais e as imaxes de santo André, san Brais, santo Antón e a Inmaculada. No exterior destaca unha baqueta que percorre toda a fachada. A espadana ten un corpo de arcos e frontón.

PERSOEIRO

Empresario automobilístico, fillo de Ferdinand Porsche. Coñecido como Ferry Porsche, dirixiu a empresa familiar ao rematar a Segunda Guerra Mundial e trasladou a fábrica a Gmünd. En 1963 comercializou o modelo Porsche 911, deseñado xunto co seu fillo Ferdinand Alexander Porsche, e que fixo nacer o mito dos automóbiles desta marca.

PERSOEIRO

Político chileno. Ministro de Interior e Asuntos Exteriores, perseguiu os liberais, inmobilizou os militares e respectou o poder eclesiástico e o dos terratenentes. Ditador constitucional desde 1835, a guerra contra Perú e Bolivia (1836) provocou un motín militar en Quillota (Valparaíso) en 1837 e foi fusilado.

MONTES

Monte situado na parroquia de Manín (Lobios). O seu cumio acada os 644 m de altitude.