"SS" (Contén)

PERSOEIRO

Músico e pintor. Membro do grupo futurista, en 1913 redactou L’Arte Dei Rumori, onde concibiu un tipo de música baseada na organización de sons de calquera orixe, e que serviu de base para a música moderna do s XX. Construíu unha serie de instrumentos que denominou intonarumori, que mediante métodos mecánicos emulaban os sons do mundo moderno.

PERSOEIRO

Pintor belga. Formado en Gante e Bruxelas, descubriu o colorismo e a luz nunha viaxe á Península Ibérica e a Marrocos (1881). En 1884 foi un dos fundadores do Círculo dos XX. En París adheriuse ao divisionismo, conservando unha composición e un debuxo tradicionais como en Octave Maus (1885) ou A lectura (1903), retrato colectivo de intelectuais amigos. Interesouse pola renovación das artes aplicadas, xunto con H. Van de Velde.

PERSOEIRO

Ilustrador e autor de banda deseñada. Foi o creador de Los grandes inventos del TBO, protagonizados polo Profesor Franz de Copenhague.

CIDADES

Cidade do departamento de Val-de-Marne, na rexión de Île-de-France, Francia, situada ao SL de París, nun meandro do Marne (73.069 h [1999]). A abadía de Sant Maur, fundada en 640 e convertida polos Capetos en mosteiro real, foi destruída durante a Revolución Francesa.

PERSOEIRO

Bioquímico sueco. Estudou medicina na Universidade de Lund e obtivo o doutoramento polo Instituto Karolinska (1960). Recibiu en 1982 o Premio Nobel de Fisioloxía e Medicina, que compartiu con S. Bergström e J. R. Vane, polos seus descubrimentos sobre as prostaglandinas e a bioquímica dos ácidos biliares.

PERSOEIRO

Pintor flamengo. Traballou en Anveres e en 1551 trasladouse a Haarlem. A súa técnica compositiva, adquirida dos romanistas flamengos, influíu en Velázquez. Pintou temas relixiosos (O fillo pródigo), de costumes (O cirurxián) e naturezas mortas. En Tobías anunciou o Barroco.

MUNICIPIOS

Municipio situado na provincia de Girona, Catalunya (3.566 h [2001]). Ten agricultura de secaño e a industria téxtil, de tripas de febra para embutidos, metalurxia e cemento.

MUNICIPIOS

Municipio situado no litoral da illa de Mallorca, Illes Balears (6.503 h [2001]). Ten cultivos de secaño, amendoeiras e cereais, e o turismo é a principal actividade económica.

MUNICIPIOS

Municipio da provincia de Barcelona, Catalunya, situado no sector setentrional da comarca (13.727 h [2001]). Os principais sectores son o téxtil, as destilarías e os talleres metálicos.

PERSOEIRO

Compositor. Foi mestre de capela da catedral de Lugo en 1731. Escribiu Carta de grazas a D. Roque de Lázaro y Santistevan (1719) e Respuesta dada al Defensorio Músico de Luis Cirilo González (1730).

PERSOEIRO

Heroína. Coñecida como Agustina de Aragón, na Guerra da Independencia sufriu o asedio das tropas francesas en Zaragoza e cooperou na súa defensa. O 1 de xullo de 1808, no baluarte do Portillo, quedou soa diante dun canón, e disparouno contra o inimigo, feito que lle valeu o grao de oficial do exército.

DEPARTAMENTOS

Departamento da Costa de Marfil (1.880 km2; 108.090 h [1988]). A súa capital é Sassandra (8.401 h [1988]).

CAPITAIS

Capital da provincia homónima, na illa de Sardeña, Italia (112.959 h [2001]). Está situada ao NO a 10 km da costa, nunha zona de outeiros que limitan a chaira de Nurra desde Alghero ata o golfo de Asinara. Enriquecida polo comercio pisano, e ocupada por Mariano II de Arborea (1272), despois da derrota dos pisanos na Meloria (1284) quedou definitivamente dentro da influencia xenovesa.