"To" (Contén)

PERSOEIRO

Escritor xaponés. De nome Iwase Denzō, iniciouse escribindo libros pornográficos ata que foi condenado polas autoridades, en 1791. Destacan Mukashigatari inazuma-byōshi (As armas dos lóstregos, unha vella historia, 1805) e Honchō suibodai zenden (A iluminación na embriaguez, historia completa, 1809). Ilustrou tamén moitas das súas obras.

PERSOEIRO

Pintor. Compoñente do Fronto Nuovo delle Arti e de Otto pittori italiani, en 1944 ilustrou Grand air de P. Eluard. Pintou a base de manchas de cor con formas e contornos pouco delimitados.

XACEMENTOS

Xacemento situado en Ourense. A data de ocupación fixouse entre os ss I e III con posible continuidade ata o s V. Estaba defendido por tres murallas, que albergaban no interior as vivendas, das que destacan unha edificación organizada arredor dun pórtico central con dúas escadas que daban acceso a un piso superior e a un piso inferior, dividido en seis estancias. Esta vivenda estaba dotada dun sistema de calefacción. Noutro sector, apareceu unha edificación constituída por varias estancias rectangulares e un pórtico que actuaría como patio interior, semellante ao atrium dunha casa romana. Dos restos materiais destaca a cerámica sigillata ou común, fragmentos de vidro e moedas de diferentes cronoloxías.

1. Relativo ou pertencente a São Tomé e Príncipe, aos seus habitantes ou á súa lingua.

2. Natural ou habitante de São Tomé e Príncipe.

3. Crioulo de base portuguesa que se fala en São Tomé. OBS: Tamén se denomina forro.

MUNICIPIOS

Municipio de Murcia situado ao NL da capital, que está drenado polo río Segura e delimitado ao L pola Comunitat Valenciana (11.726 h [2001]). É un dos primeiros produtores de limóns e conta con industria da madeira e do moble.

1. Que esaxera a súa devoción relixiosa.

2. Persoa, en xeral anciá, que nalgunhas relixións -especialmente no Islam-, se dedica a prácticas ascéticas e que merece unha veneración tanto en vida coma despois de morta, sobre todo no que se refire ás súas tumbas.

3. Persoa moi influínte nunha colectividade determinada.

1. Relativo ou pertencente aos santóns.

2. Individuo do pobo santón.

3. Antigo pobo de orixe celta que habitaba en Saintonge, na Galia Occidental.

MUNICIPIOS

Municipio de Cantabria situado na ría homónima (11.053 h [2001]). Na súa economía sobresae a pesca, a gandaría e as industrias derivadas.

1. Libro que contén vidas de santos.

2. 1. Lista de santos venerados na Igrexa.

   2. Libro litúrxico que contén os textos propios das festas dos santos.

   3. Parte do ano litúrxico que comprende as celebracións dos santos, en contraposición ao temporal.

ILLAS

Illa grega do Mar Exeo, a máis meridional das Cícladas (75 km2; 7.750 h [estim 1982]). Coas illas menores Thirasia, Apronisi, Pelea e Nea Kaimeni, constitúe a cova dun antigo cráter volcánico. O centro máis importante é Thēra, situada no cumio dunha das altas paredes que caen verticalmente sobre o mar. A poboación vive do turismo e da exportación de viño. Desenvolvida polos romanos foi, máis tarde, sede episcopal e pertenceu aos bizantinos, aos venecianos e ao ducado de Naxos. Ocupada polos turcos (1537), volveu novamente a Grecia na época da independencia.

PERSOEIRO

Médico italiano. Discípulo de Malphigi, especializouse en anatomía e describiu diversas cartilaxes, plexos e condutos. É un dos creadores da obstetricia.

MONTES

Monte situado na parroquia do Tameirón (A Gudiña). O seu cumio acada 1.061 m de altitude.

CIDADES

Cidade do estado de São Paulo, Brasil, situada na costa atlántica, a 70 km da capital (412.243 h [1996]). É o porto do estado de São Paulo e o primeiro exportador do mundo de café.

PERSOEIRO

Músico. Foi director da Banda de Música do Concello de Santiago de Compostela, da de Luarca, da Banda e Orquestra da Coruña e director da Coral Severo Ochoa. Membro do Colegio Nacional de Directores, das súas composicións destacan Libredón, Tambre-Antealtares, As nosas cousas, Xiradela, Rapsodias e Anduriña. Recibiu o Premio Nacional de Composición do Conservatorio Superior de Bilbao.