"qu" (Contén)

PERSOEIRO

Autor, compositor e empresario teatral francés. Escribiu máis de 350 cancións e compuxo tamén 10 operetas. Foi director e empresario de diversos teatros e locais parisienses dedicados ao music-hall, entre eles o Olympia desde 1954.

PERSOEIRO

Peregrino francés. Desempeñou diversos cargos na corte parisiense como o de tesoureiro de Filipe IV o Fermoso. Doou á catedral de Santiago de Compostela un relicario. Trátase dun peza gótica de prata dourada que representa o Apóstolo como peregrino, vestido con túnica longa, os pés espidos, capote pechado con mangas abertas e con fardel, bordón e cunchas gravadas no sombreiro de copa esférica e á ancha. Na man dereita sostén unha lámpada relicario con forma de torre e na esquerda unha cartela na parte superior coa inscrición do doador. Sitúase sobre un pedestal hexagonal decorado con placas esmaltadas que se apoia nas esquinas en figuras de leóns. Inicialmente, a reliquia foi un dente e tralo incendio da capelas das Reliquias en 1921, un fragmento dun óso.

PERSOEIRO

Actor e crítico dramático francés. Estudiou no Conservatorio de París, onde obtivo o segundo premio de comedia en 1860. Incorporouse á Comédie Française en 1864, na que se fixo famoso pola creación de personaxes como Gringoire, Tartufo ou Fígaro nos que mostrou un sorprendente dominio dos recursos do actor. Trala súa dimisión en 1886, fixo xiras artísticas por Europa e América, e reincorporouse á Comédie en 1890 para interpretar o Thermidor de Sardou. A partir de 1895 traballou co teatro da Renaissance e en 1897 converteuse en administrador do teatro da Porte-Saint-Martin, onde representou o papel de Cyrano na obra Cyrano de Bergerac, escrito para el, a petición súa, por Edmond Rostand. Publicou o ensaio L’art du comédien (A arte do cómico) e L’Arnolphe de Molière (O Arnolphe de Molière).

PERSOEIRO

Actor e crítico dramático francés. Coñecido como Coquelin cadet, estudiou no Conservatorio de París, onde obtivo o primeiro premio da comedia en 1867. Incorporouse sucesivamente ás compañías teatrais de L’Odeon, ao teatro de variedades (1875-1876) e á Comédie Française (1868 e 1879-1908). Interpretou múltiples personaxes, entre eles Monsieur de Pourceaugnac, Monsieur Jourdain e Argan, de Molière, e Fígaro, de Beaumarchais. Publicou os ensaios L’art de dire les monologues (A arte de recitar monólogos, 1884) e Le rire (A risa, 1887).

PERSOEIRO

Pintor flamengo. Coñecido como O pequeno Van Dyck, foi discípulo de Pieter Bruegel o Novo. Acadou moita sona como retratista.

1. Calidade de coqueto.

2. Presunción que fai unha persoa da súa beleza para chamar a atención ou provocar sentimentos amorosos.

REXIÓNS

Rexión de Chile, no centro do país, entre as rexións de Atacama, ao N, e Valparaíso, ao S (40.656 km2; 569.800 h [estim 1999]). A súa capital é La Serena. Sitúase en latitudes subtropicais. No extremo oriental érguese a cordilleira dos Andes, que acada no Pico Mercedario, no SL da rexión, na fronteira coa provincia arxentina de San Juan, os 6.770 m de altitude. Ademais da capital, os principais núcleos urbanos son Coquimbo e Ovalle.

CIDADES

Cidade da rexión de Coquimbo, Chile, á beira da baía de Coquimbo (126.886 h [1997]). O lugar onde se asenta a actual cidade foi ocupado polos incas do Perú. En 1864, o goberno chileno ordenou a construción de instalacións portuarias na súa baía, feito que favoreceu o desenvolvemento urbano e económico do núcleo, que recibiu o título de cidade en 1879.